Qurumaqda olan tras. Günəşli. Havanın temperaturu +27° C, trasın temparaturu +41° C

Sessiyadan əvvəl yağış yağıb, amma hava isti olduğundan asfalt tez quruyub, lakin kölgə olan yerlərdə gölməçələr qalıb və ilk 45 dəqiqəni trasa çxan olmayıb.

Sessiyada ciddi insident baş verməyib – Fayruz Fauzi yerində fırlanıb, bəzi sürücülər təhlükəsizlik zonasına çıxıblar. Protokollara isə Sebastyan Fettel başçılıq edib. Sessiya başa çatdıqdan sonra Rubens Barrikello maşını trasda saxlayıb…

Nəticələr belə olub:

Quru. Günəşli. Havanın temperaturu +28° C, trasın temparaturu +44° C

Bu gün səhər Jerom d’Ambrozio Lukas di Qrassini Virgin-də əvəz edib, Kristian Klin isə mövsümdə ikinci dəfə bütün uik-end boyu Hispania-nın sükanı araxsına oturacaq. Günəş asfaltı tez qızdırdığından komandalar nəzərdə tutduqları proqramın icrasına başlayıblar.

Sessiyanın ortasında Xayme Algersuari trasda fırlanıb, sonuna səkkiz dəqiqə qalmış Vitaliy Petrov qəzaya uğrayıb. Sessiyanın lap sonunda Kamui Kobayaşı altıncı döngədə trasdan çıxıb, Fernando Alonso isə mexaniki problemlər üzündən maşını trasda saxlamalı olub. Protokollara isə Sebastyan Fettel başçılıq edib…

Nəticələr belə olub:

Quru. Günəşli. Havanın temperaturu +21° C, trasın temparaturu +31° C

Tarixdə ilk Cənubi Koreya Qran Prisi hazırlıq mərhələsinin bütün çətinliklərinə baxmayaraq düz vaxtında başlayıb. Bu gün səhər Yonam şəhərciyindəki yeni trasa çıxıblar- trass isə öz xarakterini göstərib. Trasın yarısını düz uzun yollar, digər yarısını isə müxtəlif döngələr tutur.

Protokollara Lyuis Həmilton başçılıq edib – britaniyalı sürücü bir saatdan çox boksda gözləməli olub. Ondan başqa Trulli də texniki problemlərlə üzləşib, Uebberin mexanikləri isə ön sağ təkərin əyləcləri ilə işləməli olublar…

Nəticələr belə olub:

Quru. Buludlu. Havanın temperaturu +24° C, trasın temparaturu +34° C

Böyük azarkeşlər ordusunun gözləri önündə Red Bull sürücüləri sübut ediblər ki, əbəs yerə Suzukanın favoritləri hesab olunmurdular – Sebastyan Fettel və Mark Uebber hamından çox sürətli olublar. Robert Kubitsa inamla üçüncü olub, Lyuis Həmilton isə Degner döngəsində səhvə yol verib və maşını divara çırparaq məşqləri yarımçıq dayandırıb.

Sessiyanın ilk dəqiqələri istisna olmaqla, Fettel ilk sətirdə bərqərar olub və yalnız öz nəticəsini yaxşılaşdırmaqla məşğul olub. Onun komanda yoldaşı isə yalnız son dəqiqələrdə sanballı nəticə göstərib. Williams sürücüləri sessiyada güclü təsir bağışlayıblar, Adrian Sutil dördüncü olub, Ferrari sürücüləri isə ənənəvi olaraq, ilk məşqləri ağır maşınla uzun məsafələr qət etməyə sərf ediblər.

Nəticələr belə olub:

Yağışdan sonra qurumaqda olan tras. Havanın temperaturu +29° C, trasın temparaturu +30° C

İlk sessiyada Lotus-un sükanı arxasında Fayruz Fauzi Yarno Trullini, Virgin-in sükanı arxasında Jerom d’Ambrozio Lukas di Qrassini əvəz edib, bütün uik-end ərzində Kristian Klin Hispania-da Sakon Yamamotonu və mövsümün sonuna qədər Sauber-də Nik Haydfeld Pedro de la Rosanı əvəz edəcəklər.

Günorta Sinqapura güclü yağış yağıb, sessiya zamanı rütubət yüksək olduğu üçün tras gec quruyub, ona görə də sürücülər yağış və keçid təkərlərlə işləyiblər.

Güclü komandaların sürücüləri isə yalnız sessiyanın sonunda trasa sliklərlə çıxıblar, ciddi insident baş verməyib və protokollara Mark Uebber başçılıq edib..

Nəticələr belə olub:

Quru. Günəşli. Havanın temperaturu +21° C, trasın temparaturu +21° C

Monsa sürücüləri aydın səma və isti payız havası ilə qarşılayıb. İlk yarım saatda sürücülər demək olar ki, işləməyiblər – tras gec qızıb və tozlu olub, amma vəziyyət tədricən yaxşılaşıb.

Sürücülər Qran Priyə hazırlanmış yenilikləri yoxlayıblar, arxa antiqanadın effektliyini dəyişən hava kanalı ilə işləyiblər – axşam bu elementin sıralanma turu və yarışda istifadəsi barədə qərar qəbul olunacaq. Toro Rosso bu elementi birinci dəfə yoxlayıb.

Sessiyanın ortasında Lesmo-nun çıxışında Rubens Barrikellonun maşınında ötürmələr qutusu sıradan çıxıb, sessiyanın sonuna 20 dəqiqə qalmış Bruno Senna problemlərlə üzləşib. Heykki Kovalaynenin Lotus-unda da hidravlik sistemdə təzyiq itdiyi üçün sürücü boksda ləngiməli olub.

Protokollara isə Censon Batton başçılıq edib…

Nəticələr belə olub:

Yağış. Buludlu. Havanın temperatur +18° C, trasın temparaturu +17° C

Gecə və səhər Spaya yağış yağıb, göyün üzünü buludlar tutub, sessiyadan əvvəl vəziyyət yaxşılaşsa da, tezliklə yağış yenidən başlayıb. Drenaj sisteminin effektliyinə baxmayaraq, trasın bəzi sahələrində gölməçələr əmələ gəlib və sürücülər sessiyanı yağış təkərlərlə keçiriblər.

Hava şəraitinin pis olmasına baxmayaraq, komandalar tətil zamanı hazırladıqları yeniliklərin testlərinə başlayıblar – Renault yeni hava kanalını, Force İndia, McLaren və Ferrari yeni diffuzorunu yoxlayıblar, amma yağış bu işi çox çətinləşdirib.

Rubens Barrikello üçün 300-cü yubiley Qran Prisi texniki problemlərlə başlayıb, mexaniklər braziliyalı veteranı yalnız son dəqiqələrdə trasa qaytara biliblər. Sebastyen Buemi də ötürmələr qutusu ilə problemlər yaşayıb.

Sürüşkən asfaltda trasdan çıxanların sayı çox olub, amma ciddi insident baş verməyib. Protokollara isə Fernando Alonso başçılıq edib.

Nəticələr belə olub:

Quru. Günəşli. Havanın temperatur +25° C, trasın temparaturu +39° C

Sebastyan Fettel bu gün səhər protokollara başçılıq edib. Trasın vəziyyəti yaxşı olmasa da, alman sürücünün göstərdiyi nəticə keçənilki uik-endin nəticələrindən sürətli olub.

Komandalar müxtəlif proqramlarla işləyiblər, yeniliklər yoxlayıblar, bəziləri uzun məsafədə bərk təkərlərin effektivliyini qiymətləndiriblər.

Sessiya zamanı ciddi insident baş verməyib, Kobayaşi, de la Rosa, Sutil və Fettel trasdan çıxıblar, Petrov isə sonuncu döngənin çıxışında fırlanıb, amma maşınlara xətər dəyməyib.

Nəticələr belə olub:

Sessiyanın əvvəlində yağışlı, sonra isə qurumaqda olan tras. Buludlu. Havanın temperatur +19° C, trasın temparaturu +21° C

Hokkenhaymda bütün gecəni yağış yağıb, səhər də yağmaqda davam edib. Sürücülər ilk yürüşlərə başlayarkən hələ yağış yağıb, komandalar yağış təkərləri ilə işə başlayıblar, sonra keçid təkərlərinə keçiblər – bütün sürücülər də trasdan çıxmaqla qeyd olunublar.

Lyuis Həmilton üçüncü döngədə ciddi qəzaya uğrayıb, Bruno Senna çınqıllıqda ilişib qalıb, digər insidentlər isə problemsiz ötüşüb.

Protokollara Adrian Sutil başçılıq edib – sessiyanın sonunda trasın vəziyyəti yaxşılaşıb və bir çox nəticələr son dəqiqələrdə göstərilib…

Nəticələr belə olub:

Quru. Günəşli. Havanın temperatur +24° C, trasın temparaturu +35° C

Dünən axşam Hispania komandası elan edib ki, Silverstounda Bruno Sennanı Sakon Yamamoto əvəz edəcək. Yaponiyalı sürücüdən başqa sərbəst yürüşlərdə daha iki ehtiyat sürücü çıxış edib – Fayruz Fauzi Lotus-da Yarno Trullini, Pol di Resta isə Force İndia-da Vitantonio Liutsini əvəz edib.

Sessiya ciddi insidentsiz ötüşüb, amma Abbey və Village döngələrində demək olar ki, bütün sürücülər səhvə yol veriblər. Son dəqiqələrdə isə Fauzi Aintree döngəsində mexaniki problemlər üzündən dayanmalı olub.

Protokollara isə Sebastyan Fettel başçılıq edib…

Nəticələr belə olub:

Quru. Günəşli. Havanın temperatur +26° C, trasın temparaturu +29° C

Səhət Pol di Resta Force İndia-nın sükanı arxasında Adrian Sutili, Kristian Klin isə Hispania-nın sükanı arxasında Karun Çandhoku əvəz edib. Şəhər trası ənənəvi olaraq tozlu və sürüşkən olub, bir çox sürücülər düz yolların sonundakı təhlükəsizlik zonalarında olublar, amma ciddi insident yaşanmayıb.

Sessiyanın qırxıncı dəqiqəsində trasda qırmızı bayraqlar dalğalanıb – Bruno Sennanın maşınında qopub düşmüş güzgü digər sürücülər üçün maneəyə çevrilib.

Komandalar bir çox yenilikləri yoxlayıblar, Ferrari maşınlarında ilk dəfə “sorucu” diffuzor peyda olub, Mercedes GP və Red Bull komandalarının sürücüləri isə yeni hava kanalını test ediblər.

Protokollara isə Niko Rosberq başçılıq edib, alman sürücü qısa dövrələr seriyasında yeni hava kanalını yoxlayıb.

Nəticələr belə olub:

Quru. Buludlu. Havanın temperatur +19° C, trasın temparaturu +20° C

Censon Batton səhər sərbəst yürüşlərdə birinci olub – protokollarda ilk dörd sətri Mercedes motorlarında çıxışe dən sürücülər tutublar.

Bir çox sürücülər 6-7-ci döngələrdə trasdan çıxsalar da problemlər yaşanmayıb, yalnız Lukas di Qrassi 7-ci döngədə Virgin-i saxlamalı olub. Mexaniklər sol qabaq təkərin əyləc mexanizmini səhv yığıblar…

Nəticələr belə olub:

Quru. Günəşli. Havanın temperatur +28° C, trasın temparaturu +41° C

Bu gün səhər sərbəst yürüşlərdə Sakon Yamamoto Bruno Sennanı əvəz edib, yaponiyalı sürücünün maşınından elə ilk dövrədə arxa antiqanadın vacib detalı qopub ayrılıb. Bir müddət boksda dayandıqdan sonra Sakon yenidən trasa qayıdıb. Hispania komandasının ikinci maşınında da problemlər əmələ gəlib – Karun Çandhok akseleratorun problemləri üzündən sessiyanın böyük hissəsini boksda gözləməli olub.

Sessiyanın yarısından sonra sürücülər trasda fəal işləməyə başlayıblar, trasın vəziyyəti yaxşılaşıb və sürücülər az yanacaqla yüksək sürətlər nümayiş etdiriblər. Protokollara isə Lyuis Həmilton başçılıq edib.

Sessiyanın sonuna üç dəqiqə qalmş Adrian Sutil qəzaya uğrayıb – səkkizinci döngədə alman sürücü idarəetməni itirib və qoruyucu baryerlərə çırpılıb…

Nəticələr belə olub:

Quru. Günəşli. Havanın temperaturu +19° C, trasın temepraturu +30° C

Səhər sərbəst yürüşlər insidentsiz ötüşməyib. Sürücülər sessiyaya sakit başlayıblar, tədricən asfalt işlənmiş rezinlə örtülüb, sürətlər artıb – hava məhsuldar işləməyə imkan verib.

Sessiyanın startından 55 dəqiqə keçmiş Karin Çandhokun maşını üçüncü döngədə fırlanıb, amma hindistanlı sürücü işini davam etdirə bilməyib. Son dəqiqələrdə isə Kamui Kobayaşi 14-cü döngədə maşını baryerlərə çırpıb.

Protokollara Fernando Alonso başçılıq edib – ispaniyalı sürücü keçən il ilk sessiyada göstərilmiş nəticəni 1 saniyəı yaxşılaşdırıb…

Nəticələr belə olub:

Quru. Buludlu. Havanın temperaturu +15° C, trasın temperaturu +19° C

McLaren sürücüləri səhər yürüşlərinin protokollarına başçılıq ediblər – Lyuis Həmilton Censon Battondan yarım saniyə sürətli olub.

Kristian Klin Karun Çandhoku Hispania-da, Pol di Resta isə Adrian Sutili Force İndia-da əvəz ediblər. Sessiya ciddi insidentsiz ötüşüb, bir neçə sürücü trasdan çıxıb, sessiyanın lap əvvəlində Pedro de la Rosa yerində fırlanıb – boksa qayıdan ispaniyalı sürücü bir daha trasa çıxmayıb. Sessiyanın sonuna 10 dəqiqə qalmış Niko Hülkenberqin maşınında motor problemləri yaşanıb.

Nəticələr belə olub:

Quru. Günəşli. Havanın temperaturu +15° C, trasın temperaturu +29° C

Cümə günü səhər yürüşləri Sebastyen Bueminin uzun düz yolun sonunda qəzasından sonra qırmızı bayraqlarla dayandırılıb – əylənmə zonasında Toro Rosso-nun qabaq asılqanları dağılıb, maşın hər iki təkərini itirib və çınqıllı zonada dayanıb. Xoşbəxtlikdən sürücüyə heç nə olmayıb, komanda insidenti araşdırmağa başlayıb, ehtiyat tədbirləri kimi Xayme Algersuarinin də işi dayandırılıb.

Ferrari-nin mühəndisləri Fernando Alonsonun maşınında arxa antiqanadın effektliyini dəyişən hava kanalını yoxlayıblar, amma ispaniyalı sürücü heç bir dənə də olsun tam dövrə vura bilməyib – altıncı döngədə motor imtina edib.

Protokollara isə Censon Batton başçılıq edib, ilk üçlük 0.1 saniyəyə yerləşib…

Nəticələr belə olub:

Quru. Günəşli. Havanın temepraturu +31° C, trasın temperaturu +39° C

Səhər sərbəst yürüşlərində ən yaxşı nəticəyə Lyuis Həmilton imza atıb – 1.34,921. Britaniyalı sürücünün bu nəticəsi Censon Battonun keçən il sərbəst yürüşlərdə göstərdiyi ən yaxşı nəticədən saniyə yarım sürətlidir.

Həmilton və onun komanda yoldaşı Batton “böyük dördlüyün” sürücülərindən trasa birinci çıxıblar, bir-birini birinci sətirdə əvəzləsələr də son söz Lyuisdə qalıb. Yalnız damalı bayraq altında Niko Rosberq britaniyalı sürücülər cütlüyünün arasına girə bilib – onun komanda yoldaşı Mixael Şumaher də son cəhdində sürətli idi, amma son sektorda səhvə yol verdiyindən dördüncü nəticə ilə kifayətlənməli olub.

Sessiyanın çox hissəsi yeddiqat dünya çempionu boksda keçirib, Sebastyan Fettel də texniki problemlər üzündən trasda az məsafə qət edib, Xayme Algersuari motor probleminə görə vaxt itirib. Pedro de la Rosa və Felipe Massa 11-ci döngədə trasdan çıxsalar da problemsiz dövrələrini başa vura biliblər.

Yeni komandalardan ən yaxşı nəticəni yenə də Lotus göstərib, Yarno Trulli Lyuisə 4.5 saniyə uduzub…

Nəticələr belə olub:

Quru. Günəşli. Havanın temperaturu +25° C, trasın temperaturu +35° C

Robert Kubitsa cümə səhər yürüşlərinin protokollarına başçılıq edib, polşalı sürücü 1:27 saniyədən çıxmış yeganə sürücü olub.

Sessiya iki dəfə Kaumi Kobayaşinin üzündən qırmızı bayraqlarla dayandırılıb. Əvvəlcə yaponiyalı sürücü 11-ci döngədə qabaq antiqanadı zədələyib və trasdan çıxıb, iyirmi dəqiqə sonra isə yeni taxılmış antiqanad 3-cü döngədə əylənmədə yerindən çıxıb düşüb.

Adrian Sutil yerini komandanın ehtiyat sürücüsü Pol di Restaya verib, nahardan sonra isə sükan arxasına qayıdacaq. Bütün 24 maşın trasda işləyə bilib, amma Timo Qlok yenə də hidravlik problemlər üzündən sessiyanın çox hissəsini biksda keçirməli olub…

Nəticələr belə olub:

Quru. Günəşli. Havanın temperaturu +30° C, trasın temperaturu +43° C

Mövsümün ilk cümə sərbəst yürüşlərində ən yaxşı nəticəni Adrian Sutil göstərib. Alamn sürücü Force İndia maşınlarının sürətli olmasını nümayiş etdirib, onun komanda yoldaşı Vitantonio Liutsi isə yeddinci olub. İlk doqquzluq 0.7 saniyəyə yerləşib. Bütün sürücülər trasa Medium tərkibli təkərlərlə çıxıblar.

Yeni komandalar isə protokolda sonuncu sətirləri tutublar – Hispania komandasının sürücüsü Bruno Senna ilk dəfə Dallara şassini trasa çıxarıb, onun komanda yoldaşı Karun Çandhok bir dövrə belə vurmayıb.

Nəticələr belə olub:

Quru. Günəşli. Havanın temperaturu +34C, trasın temperaturu +48C

Quru. Yağış. Qurumaqda olan tras. Buludlu. Havanın temperaturu +20C, trasın temperaturu +28C

Yağışdan sonra nəm tras. Buludlu. Havanın temperaturu +22C, trasın temperaturu +23C

Quru. Buludlu. Havanın temperaturu +31C, trasın temperaturu +32C