Quru. Buludlu. Havanın temperaturu +26° C, trasın temperaturu +36° C
Uik-endin gedişində ekspertlər qeyd edirdilər ki, aşkar favorit yoxdur, ona görə də sıralanma turunda mübarizə gərgin və sıx olacaq, amma bu gün səhər sonuncu sərbəst yürüşlərdə Sebastyan Fettel protokollara böyük üstünlüklə başçılıq edib – Suzukada 3 ardıcıl poulun müəllifi aşkar favoritə çevrilib.
Üç sürücü sessiyadan əvvəl cərimə almışdı – sabahkı yarışın startında Mixael Şumaher 10 yer (Sinqapurda Jan Erik Vernlə toqquşmaya görə), Censon Batton və Niko Hülkenberq 5 yer (ötürmələr qutusu dəyişdirildiyinə görə) itirəcəklər.
Birinci hissədə yalnız Fettel, Uebber, Batton və Şumaher Hard təkərlərlə qalıblar, digər sürücülər isə yumşaq Soft təkərlərinə keçiblər. Yeddiqat dünya çempionu damalı bayraqlar altında 2-ci hissəyə keçə bilib, protokollara Roman Qrojan başçılıq edib – 1:32.029, mübarizəni isə zəif komandaların sürücüləri ilə birlikdə Bruno Senna dayandırıb. Braziliyalı sürücüyə sürətli dövrədə Vern mane olub.
İkinci hissədə gərgin mübarizə gedib, protokollara Sebastyan Fettel başçılıq edib – 1:31.501. Mübarizəni Massa, di Resta, Şumaher, Maldonado, Rosberq, Rikkardo və Vern dayandırıblar.
Sonuncu hissədə Fettel ilk həmləsində gözəl nəticə göstərib – 1:30.839. Rəqiblər ikinci cəhddə bu nəticəni yuaxşılaşdırmağa çalışsalar da, bunu edə bilməyiblər – bəzi sürücülərə Kimi Rəykkönenin trasdan çıxması üzündən dalğalanan sarı bayraqlar mane olub. Beləliklə, Sebastyan Suzukada ardıcıl 4-cü poulunu qazanıb. Mark Uebber Red Bull-a birinci cərgədən startı təmin edib. İkinci cərgədən isə Kobayaşi və Qrojan start alacaqlar…
Yer | Pilot | Komanda | Motor | I sessiya | II sessiya | III sessiya | |||
Yer | Vaxt | Yer | Vaxt | Vaxt | Fərq | ||||
01 | S.Fettel | Red Bull | Renault | 06 | 1:32.608 | 01 | 1:31.501 | 1:30.839 | – |
02 | M.Uebber | Red Bull | Renault | 11 | 1:32.951 | 06 | 1:31.950 | 1:31.090 | + 0.251 |
03 | C.Batton | McLaren | Mercedes | 15 | 1:33.077 | 02 | 1:31.772 | 1:31.290 | + 0.451 |
04 | K.Kobayaşi | Sauber | Ferrari | 02 | 1:32.042 | 05 | 1:31.886 | 1:31.700 | + 0.861 |
05 | R.Qrojan | Lotus | Renault | 01 | 1:32.029 | 07 | 1:31.988 | 1:31.898 | + 2.059 |
06 | S.Peres | Sauber | Ferrari | 03 | 1:32.147 | 09 | 1:32.169 | 1:32.022 | + 1.183 |
07 | F.Alonso | Ferrari | Ferrari | 05 | 1:32.459 | 04 | 1:31.833 | 1:32.114 | + 1.275 |
08 | K.Rəykkönen | Lotus | Renault | 04 | 1:32.221 | 03 | 1:31.826 | 1:32.208 | + 1.369 |
09 | L.Həmilton | McLaren | Mercedes | 14 | 1:33.061 | 08 | 1:32.121 | 1:32.327 | + 1.488 |
10 | N.Hülkenberq | Force İndia | Mercedes | 07 | 1:32.828 | 10 | 1:32.272 | – | – |
11 | F.Massa | Ferrari | Ferrari | 10 | 1:32.946 | 11 | 1:32.293 | – | – |
12 | P.di Resta | Force İndia | Mercedes | 09 | 1:32.898 | 12 | 1:32.327 | – | – |
13 | M.Şumaher | Mercedes AMG | Mercedes | 16 | 1:33.349 | 13 | 1:32.469 | – | – |
14 | P.Maldonado | Williams | Renault | 08 | 1:32.834 | 14 | 1:32.512 | – | – |
15 | N.Rosberq | Mercedes AMG | Mercedes | 12 | 1:33.015 | 15 | 1:32.625 | – | – |
16 | D.Rikkardo | Toro Rosso | Ferrari | 13 | 1:33.059 | 16 | 1:32.954 | – | – |
17 | J.E.Vern | Toro Rosso | Ferrari | 17 | 1:33.370 | 17 | 1:33.368 | – | – |
18 | B.Senna | Williams | Renault | 18 | 1:33.405 | – | – | – | – |
19 | H.Kovalaynen | Caterham | Renault | 19 | 1:34.657 | – | – | – | – |
20 | T.Qlok | Marussia | Cosworth | 20 | 1:35.213 | – | – | – | – |
21 | P.de la Rosa | HRT | Cosworth | 21 | 1:35.385 | – | – | – | – |
22 | Ş.Pik | Marussia | Cosworth | 22 | 1:35.429 | – | – | – | – |
23 | V.Petrov | Caterham | Renault | 23 | 1:35.432 | – | – | – | – |
24 | N.Kartikeyan | HRT | Cosworth | 24 | 1:36.734 | – | – | – | – |