Ən ümumi problem tras limitlərinə görə verilən daimi cərimələr olub. Soyuqqanlılıq, sürət və dəqiqlik sıralanma turunda əsas amillərə çevrilib.
Üç sürücü – Lindblad, Kolapinto və Bortoleto güc qurğusunun elementləri dəyişdirildiyi üçün startda yer itirəcəklərini biliblər.
Pirelli mərhələyə “orta” üçlüyü – C2, C3 və C4 tərkiblərini gətirib.
Sıralanma turunun başlanğıcına tribunalar dolub. Ostində neçə ildir ki, anşlaq yaşanır.
Birinci sessiyada Antonelli, Rassell və Piastri Medium-da dövrələr seriyası vurublar, qalanlar isə dərhal Soft-la trasa çıxıblar. İlk cəhddə Lekler 1:35.200 nəticə ilə protokola başçılıq edib. Qaslinin sürətli dövrəsi tras limitlərini aşdığı üçün silinib, amma o, ikinci cəhddə növbəti mərhələyə yüksələ bilib.
Ferrari, Red Bull və Mercedes təzə təkər saxlamaq üçün ikinci cəhdi buraxıblar, qalanlar isə mübarizəni davam etdiriblər. Son saniyələrdə Norris 1:35.029-la ən yaxşı nəticəni göstərib. Okon, Stroll, Sayns, Əlbon, Peres və Bottas mübarizəni dayandırıblar.
İkinci sessiyada hamı Soft-la trasa çıxıb. Ferstappen 1:34.471 nəticə ilə yeni oriyentir müəyyənləşdirib, Norris onu qabaqlamağa çalışsa da, cəmi yeddi yüzdəbir geridə qalıb. Bortoleto tras limitlərini aşaraq cəhdini korlayıb və boksa qayıdıb.
Ferstappen, Həcər və Norris ikinci cəhddən imtina ediblər, qalanlar isə davam ediblər. Rassell, Antonelli və Lekler birinci yerə yüksələ biliblər. Şarl isə 1:34.198 nəticə ilə lider qalıb. Qasli, Hülkenberq, Bortoleto, Kolapinto, Alonso və Börman finala yüksələ bilməyiblər.
Son sessiyada Lindblad ilk cəhdini işlənmiş Soft dəsti ilə vurub, qalanlar isə təzə dəstlə çıxıblar. Antonelli 1:34.035 nəticə ilə ən yaxşı vaxtı göstərib. Louson yarışa təkər saxlamaq üçün finalda trasa çıxmayıb. İkinci cəhddə Antonellinin nəticəsi dəyişməz qalıb. Leklerin nəticəsi yaxşılaşsa da, sürücü dördüncü yerdə qalıb.
Kimi Antonelli Ostində sıralanma turunu qazanıb və karyerasında yeddinci poulunu əldə edib.
Yarışda Antonelli və Ferstappen start düzlüyünün ilk cərgəsini bölüşəcəklər, Həcər və Lekler ikinci, Həmilton və Rassell isə üçüncü cərgədən start alacaqlar.
Yarış maraqlı olacaq!
Sıralanma turunun nəticələri
| Sürücü | Komanda | 1-ci sessiya | 2-ci sessiya | 3-cü sessiya | ||
| Yer | Vaxt | Yer | Vaxt | Vaxt | ||
| 1. Kimi Antonelli | Mercedes | 6 | 1:35.390 | 2 | 1:34.278 | 1:34.035 |
| 2. Maks Ferstappen | Red Bull | 3 | 1:35.215 | 4 | 1:34.471 | 1:34.214 |
| 3. İshaq Həcər | Red Bull | 4 | 1:35.286 | 8 | 1:34.887 | 1:34.250 |
| 4. Şarl Lekler | Ferrari | 2 | 1:35.200 | 1 | 1:34.198 | 1:34.267 |
| 5. Lyuis Həmilton | Ferrari | 5 | 1:35.355 | 7 | 1:34.833 | 1:34.311 |
| 6. Corc Rassell | Mercedes | 10 | 1:35.730 | 3 | 1:34.305 | 1:34.476 |
| 7. Oskar Piastri | McLaren | 12 | 1:35.842 | 6 | 1:34.818 | 1:34.803 |
| 8. Lando Norris | McLaren | 1 | 1:35.029 | 5 | 1:34.539 | 1:35.049 |
| 9. Arvid Lindblad | Racing Bulls | 11 | 1:35.755 | 9 | 1:34.950 | 1:36.049 |
| 10. Liam Louson | Racing Bulls | 8 | 1:35.662 | 10 | 1:35.058 | – |
| 11. Pyer Qasli | Alpine | 14 | 1:35.969 | 11 | 1:35.080 | |
| 12. Niko Hülkenberq | Audi | 9 | 1:35.704 | 12 | 1:35.158 | |
| 13. Qabriel Bortoleto | Audi | 7 | 1:35.632 | 13 | 1:35.691 | |
| 14. Franko Kolapinto | Alpine | 13 | 1:35.898 | 14 | 1:35.722 | |
| 15. Fernando Alonso | Aston Martin | 16 | 1:36.240 | 15 | 1:35.818 | |
| 16. Oliver Börman | Haas | 15 | 1:36.175 | 16 | 1:36.031 | |
| 17. Esteban Okon | Haas | 17 | 1:36.531 | |||
| 18. Ləns Stroll | Aston Martin | 18 | 1:36.677 | |||
| 19. Karlos Sayns | Williams | 19 | 1:36.770 | |||
| 20. Aleks Əlbon | Williams | 20 | 1:36.967 | |||
| 21. Serxio Peres | Cadillac | 21 | 1:37.433 | |||
| 22. Valtteri Bottas | Cadillac | 22 | 1:37.523 | |||
