Bir çox komanda yeniliklər gətirib, Racing Bulls sessiyanın əvvəlində aerodinamik datçiklərlə trasa çıxıb. Williams bu il ilk dəfə ciddi artıq çəki problemi olmayan şassinin yeni versiyasını nümayiş etdirib. Ayzek Həcər əlindən aldığı zədə səbəbindən buraxdığı üç mərhələdən sonra yenidən Red Bull-un sükanı arxasına qayıdıb.
Norris əyləcləmə zamanı güclü titrəyişdən şikayətlənib, Ferstappen isə sükan idarəetməsindən narazı qalıb, Saynsın maşınında bokslarda arxa əyləclər alovlanıb, lakin mexaniklər alovu tez bir zamanda söndürüblər.
Həcərdə güc qurğusu ilə bağlı problem yaranıb, komanda onu boksa çağırıb və maşını söküblər.
Antonelli üçün də məşq vaxtından əvvəl başa çatıb. Hidravlika ilə bağlı problemə görə çempionatın lideri doqquzuncu döngənin “cibində” dayanıb, maşından tüstü çıxıb, marşallar yanğınsöndürəndən istifadə ediblər və köpük Kiminin açıq dəbilqəsinə dolub – bu, xoşagəlməz olub.
Sessiyanın ikinci yarısında sürücülər daha yumşaq təkərlərə keçiblər, sürətlər artıb və səhvlərin sayı da çoxalıb. Rassell, Bortoleto, Ferstappen və Lekler maşınları üçün heç bir nəticə olmadan trasın hüdudlarından kənara çıxıblar.
Lindblad yeddinci döngədə baryerə toxunub, lakin hərəkəti davam etdirib. Hülkenberq trasda dayanıb və kokpitdən düşüb – VSC rejimi elan olunub, maşın baryerin arxasına çəkilib.
Son dəqiqələrdə Okon pit-leynin çıxışında dayanıb, amma qısa fasilədən sonra yerindən tərpənib.
Ən yaxşı nəticəni 1:45.387 ilə dövrəni başa vuran Corc Rassell göstərib.
Birinci sərbəst yürüşlər
| Sürücü | Komanda | Vaxt | Fərq | Dövrə |
| 1. Corc Rassell | Mercedes | 1:45.387 | – | 24 |
| 2. Maks Ferstappen | Red Bull | 1:45.787 | + 0:00.400 | 21 |
| 3. Şarl Lekler | Ferrari | 1:45.791 | + 0:00.404 | 25 |
| 4. Lyuis Həmilton | Ferrari | 1:45.824 | + 0:00.437 | 25 |
| 5. Kimi Antonelli | Mercedes | 1:46.265 | + 0:00.878 | 9 |
| 6. Oskar Piastri | McLaren | 1:46.398 | + 0:01.011 | 16 |
| 7. Liam Louson | Racing Bulls | 1:46.440 | + 0:01.053 | 26 |
| 8. Arvid Lindblad | Racing Bulls | 1:46.601 | + 0:01.214 | 23 |
| 9. Esteban Okon | Haas | 1:46.624 | + 0:01.237 | 18 |
| 10. Qabriel Bortoleto | Audi | 1:46.688 | + 0:01.301 | 21 |
| 11. Niko Hülkenberq | Audi | 1:46.871 | + 0:01.484 | 22 |
| 12. Karlos Sayns | Williams | 1:46.893 | + 0:01.506 | 21 |
| 13. Aleks Əlbon | Williams | 1:46.939 | + 0:01.552 | 28 |
| 14. Lando Norris | McLaren | 1:46.981 | + 0:01.594 | 14 |
| 15. Oliver Börman | Haas | 1:46.994 | + 0:01.607 | 22 |
| 16. Pyer Qasli | Alpine | 1:47.043 | + 0:01.656 | 22 |
| 17. Serxio Peres | Cadillac | 1:47.253 | + 0:01.866 | 24 |
| 18. Franko Kolapinto | Alpine | 1:47.523 | + 0:02.136 | 23 |
| 19. Fernando Alonso | Aston Martin | 1:47.835 | + 0:02.448 | 23 |
| 20. Ayzek Həcər | Red Bull | 1:47.873 | + 0:02.486 | 8 |
| 21. Ləns Stroll | Aston Martin | 1:48.547 | + 0:03.160 | 22 |
| 22. Valtteri Bottas | Cadillac | 1:49.315 | + 0:03.928 | 22 |
