Skuderiyanın rəhbəri bildirib ki, dünən o, hər iki sürücü ilə danışıb: “Yaxşı oldu ki, hər şeyi müzakirə etdik, mən öz mövqeyimi izah etdim, onlar da öz mövqelərini. Bu səhifəni çevirməyimiz və indi diqqəti qarşıdakı yarışa hazırlığa yönəltməyimiz düzgün addım idi.
Komandanın təlimatları əvvəlki kimi qalır. Düşünürəm ki, hər ikisində müəyyən narazılıq yığılıb, çünki hər uik-end onlar yanaşı start alırlar və bütün bunlar getdikcə üst-üstə yığılır. Amma bizim tələblərimiz həmişə dəyişməz qalır: onlar bir-birlərinə hörmətlə yanaşmalıdırlar. Əlbəttə, hər ikisi əsl döyüşçüdür, amma bununla yanaşı qarşılıqlı hörmət də olmalıdır.
Ancaq ilk növbədə onlar Ferrari brendinə, komandamıza, Maranellodakı bazada və trasda çalışan insanlara hörmət etməlidirlər. Hesab edirəm ki, səylərimiz məhz buna yönəlib və sürücülərə çatdırmağa çalışdığımız məqam tamamilə aydındır.
Hər ikisi təcrübəli peşəkardır, hər ikisi uğur qazanmaq istəyir və əvvəlki dörd-beş yarışda çoxlu xal toplamışdıq. Sözsüz ki, hamı qələbələr uğrunda mübarizə aparmaq istəyir, amma məncə, qurduğumuz sistemin konkret bir çatışmazlığı var: bizim iki rəqabətqabiliyyətli sürücümüz var və hər uik-end onlar qonşu mövqelərdən start alırlar.
Ancaq bununla yanaşı, Mühəndislər Kubokuda Ferrari ikinci pillədə qərarlaşıb və bu da sürücülərimizin güc baxımından demək olar ki, bərabər olması sayəsindədir. Deməli, bunun öhdəsindən hansısa şəkildə gəlməliyik. Amma bu, bizim seçimimizdir. Bunun həm müsbət, həm də mənfi tərəfləri var, mənim işim isə məhz bütün mənfi məqamlarla məşğul olmaqdır.
Çempionatdakı hər komandanın vəzifəsi sürücülərin onun maraqlarına uyğun hərəkət etməsinə nail olmaqdır, əsas prioritet bu olmalıdır. Əlbəttə, həmin vəziyyətdə uğursuzluğa düçar olmuşduq, çünki maşınlarımız ilk iki mövqeni tuturdu, amma yarışı qazana bilmədik. Bu, birmənalı şəkildə o deməkdir ki, işimizin öhdəsindən gələ bilməmişdik, buna görə də hansısa reaksiya vermək lazım idi. Amma dünənki iclasın yekunlarına əsasən çıxarılan nəticələr tamamilə aydındır”.
