Şarl Lekler: “Düşünmürəm ki, sessiyalar arasında rəqiblər nəyisə dəyişdiyi üçün geridə qalmışıq. Mövqeləri öz problemlərimizə görə itirmişik və bu, əsasən təkərlərlə bağlı olub.
Finalda buludlar çoxalıb, trasın temperaturu bir-iki dərəcə enib və bu, bizim üçün gecə ilə gündüz qədər böyük fərq yaradıb – artıq bokslardan çıxış dövrəsində problemlərimizin olduğunu hiss etdim.
Təəssüf ki, bu, finalda baş verib. Qəti əminəm ki, ön qrupda mübarizə aparmağa imkan verən tempimiz var idi, amma təəssüf ki, yenə alınmayıb.
Qələbə şansımız varmı? Deyəsən, mən burada sonuncu dəfə dördüncü yerdən start Alanda qazanmışdım, ümid edirəm ki, sabah bunu təkrarlaya biləcəyəm.
Əsas odur ki, yaxşı start alasan, sonra maşını düzgün yerləşdirəsən və ilk döngədə nə baş verəcəyini öncədən görməyə çalışasan – orada çox fərqli ssenarilər ola bilər. Hər şeyi düzgün etsən, burada istənilən digər trasla müqayisədə daha böyük nəticə əldə etmək olar, buna görə də startı səbirsizliklə gözləyirəm”.
Lyuis Həmilton: “Gecə ciddi iş görmüşük, maşın səhər məşqində, sonra isə sıralanma turunun birinci və ikinci hissəsində sürətli olub. Hiss olunub ki, mübarizənin mərkəzindəyik.
Finalda da maşın qaydasında olub. Heç bir dəyişiklik etməmişik. Maşın pisləşməyib, amma rəqiblər hansısa yolla sürətlərini artıra biliblər. Səbəbin nə olduğunu bilmirəm.
Güc baxımından Red Bull və Mercedes-dən geri qalmağımız hələ də böyükdür. Maşınımız döngələrdə onlardan geri qalmır, amma düzlükdə sürət itiririk.
Amma Ostində start mövqeyi hələ hər şey demək deyil. Qarşıda uzun yarış var. Cümə günü təkər aşınması gözlənildiyindən daha çox olub. Ümid edirəm, bazar günü maşın qaydasında olacaq. Rəqiblərə təzyiq göstərmək üçün əlimizdən gələni edəcəyik. Red Bull və Mercedes-ni qabaqlamaq asan olmayacaq, amma sabah yüz faiz gücümüzlə mübarizə aparacağıq”.
