“Doqquzillik fasilədən sonra Sepanq beynəlxalq avtodromu yenidən Formula1 mərhələsinə ev sahibliyi edəcək. Bu, aprel ayında baş tutmayan və təxirə salınan Bəhreyn Qran Prisi olacaq – nəticədə yarış Malayziya trasında keçiriləcək. Bu, ciddi çağırışdır, çünki Sepanqda son yarış 2017-ci ildə keçirilib, o vaxt isə maşınlar və təkərlər tam fərqli idi.
Kuala-Lumpurdan bir neçə kilometr aralıda yerləşən tras uzun düzlüyü ikinci sektordakı sürətli döngəlar silsiləsi ilə birləşdirir. Təkərlərə düşən yükü orta səviyyəli saymaq olar, bu göstərici Şanxay və Spa ilə müqayisə oluna bilər. Təkərlərin vəziyyətinə nəzarətdə hava və asfalt temperaturu mühüm amilə çevriləcək, çünki termiki deqradasiya qarşıdakı həftəsonunun əsas dəyişənlərindən biridir.
Biz Kuala Lumpura Hard, Medium və Soft qismində C2, C3 və C4 tərkiblərini gətirəcəyik. Bu, komandalara daha çox variantdan istifadə etməyə və bir pit-stoplu strategiya ilə iki pit-stoplu strategiya arasındakı vaxt fərqinin azalacağı şərait yaratmağa imkan verəcək.
Codluluq baxımından Sepanqdakı asfalt Bəhreyndəki örtüklə müqayisə oluna bilər, lakin onun özünəməxsus xüsusiyyətləri var. Cümə günü asfaltla ilişmə səviyyəsi, yəqin ki, aşağı olacaq, amma həftəsonu ərzində tədricən yaxşılaşmalıdır. Komandaların qarşısında duran əsas vəzifələrdən biri hər iki oxda təkərlərin temperaturuna nəzarət olacaq.
Son illərdə tras bir sıra dəyişikliklərə məruz qalıb. 2023-cü ildə 6-cı və 12-ci döngəlar arasındakı hissəyə yeni asfalt döşənib, lakin Pirelli mühəndislərinin qiymətləndirməsinə görə, örtüyün ümumi xarakteristikaları 2017-ci ildə qeydə alınan göstəricilərlə çox oxşar olaraq qalır. Bu yaxınlarda, sentyabrın əvvəlində səthin hamarlanması və asfaltın təmizlənməsi üçün əlavə işlər də aparılıb.
Komandaların tras barədə kifayət qədər məlumatı yoxdur. Sepanqda əvvəllər Formula 1 mərhələləri keçirilsə də, komandaların heç birinin hazırkı nəsil maşınlara aid həqiqətən aktual məlumatı yoxdur.
Cümə məşqləri həm sürücülər, həm də komandalar üçün həmişəkindən daha vacib rol oynayacaq – sürücülərin çoxu hazırda Sepanqı yalnız simulyatordan tanıyır, komandalar isə optimal sazlamaları tapmalı və təkərlərin davranışını qiymətləndirməlidir.
Texniki baxımdan naməlum məqamlar kifayət qədər çox olsa da, hava şəraiti daha bir naməlum amil əlavə edə bilər. Günortadan sonrakı göy gurultulu leysanlar oktyabrın əvvəlində bu bölgə üçün adi haldır. Güclü istilər, yüksək rütubət və qəfil yağışlar Sepanqdakı yarışların Formula 1 təqviminin daimi hissəsi olduğu dövrdə həmişə onun fərqləndirici cəhətləri olub”.
