Amma növbəti mərhələdə, Braziliyada Lyuis onun, Şarl Lekler və Skuderiya rəhbərliyi arasında baş tutmuş söhbətə istinad edərək fikir ayrılıqlarının aradan qalxdığını vurğulayıb. Bununla yanaşı, Şarl etiraf etməyə hazırdır ki, yeddiqat dünya çempionu ilə əməkdaşlıq sayəsində çox dəyərli təcrübə qazanıb.
“Lyuis kimi komanda yoldaşından həmişə çox şey öyrənmək olur, söhbət onun qarajda və müşavirə otaqlarında hamı ilə necə ünsiyyət qurmasından başlayır, – deyə RacingNews365 Leklerdən sitat gətirib. – Mən onun necə işlədiyini, prioritetlərinin nədən ibarət olduğunu və nəyə həssas reaksiya verdiyini anlamağa çalışıram.
Düşünürəm ki, bütün sürücülərin özünəməxsus xüsusiyyətləri var – birini bir şey qıcıqlandırır, digərini isə başqa şey. Trasdakı işə, pilotaj üslubuna gəlincə, mümkün olan maksimum inkişafı əldə etməyə çalışarkən sən həmişə qarajın digər tərəfinə də baxırsan”.
Corc Rassell bir neçə il ərzində Mercedes-də Həmiltonun komanda yoldaşı olduğuna görə, onunla əməkdaşlıq təcrübəsi barədə formalaşmış fikri də var. Amma Leklerdən fərqli olaraq, o, Lyuislə ünsiyyətin başqa bir xüsusiyyətini önə çəkib:
“Əlbəttə, karyeramın erkən mərhələsində onun komanda yoldaşı olanda ondan çox şey götürdüm. Amma Şarl əsasən yarışla bağlı hər şeyi ümumiləşdirdi. Mən isə Lyuislə vaxt keçirəndə kino haqqında çox şey öyrəndim, çünki o, bu mövzuya çox dərindən bələddir və həmişə təəccüblənirdi ki, yəqin onun izlədiyi filmlərin heç bir faizini də görməmişəm.
Amma əlbəttə, o, əla insandır və onun komanda yoldaşı olmaq, trasda onunla birlikdə çıxış etmək əsl imtiyazdır”.





