Red Bull Racing komandasının fransalı sürücüsünün fikrincə, həqiqi istedad sahibi olan pilotlar hansı nəsilə mənsub olmalarından asılı olmayaraq, həmişə uğur qazanıblar.
“Düşünürəm ki, əgər sən yaxşısansa, deməli, yaxşısan, – deyə Həcərdən RacingNews365 sitat gətirib. – Fernando Alonso və ya Lyuis Həmilton kimi nümunələri götürək – onlar əvvəlki illərin çempionlarıdır və tez uyğunlaşıblar. Hamı Lyuisin debüt mövsümündə necə çıxış etdiyini görüb. Məncə, əgər səndə bacarıq varsa, maşın kimi amil elə də böyük rol oynamır.
Hazırda bir çox gənc sürücüyə Formula1-ə tez uyğunlaşmaq nəsib olur – yəqin ki, bizim dövrdə belələri 20 və ya 30 il əvvəlkindən daha çoxdur. Amma mən düşünürəm ki, bu, ilk növbədə, bir qədər yüksəlmiş gənclər seriyalarının keyfiyyəti və səviyyəsindən xəbər verir, buna görə də sürücülərin ümumi hazırlıq səviyyəsi də bəlkə artıb. Ancaq hesab edirəm ki, keçmişdə də yaxşı sürücü dərhal seçilib”.
Həcərin istinad etdiyi Həmilton nümunəsi onun sözlərini həqiqətən kifayət qədər inandırıcı şəkildə təsdiqləyib: Lyuis çempionatda 2007-ci ildə, 22 yaşında debüt edib. Həmin mövsümdə o, 4 qələbə qazanıb, üstəlik ilk yarışdan – Avstraliya Qran Prisindən başlayaraq ümumilikdə 12 dəfə podiuma yüksəlib. Mövsümün yekununda o, dünya ikincisi olub, titulu isə cəmi bir xal çox toplayan Kimi Rəykkönen qazanıb.
Həmilton növbəti, 2008-ci ildə dünya çempionu olub – Kimi Antonelli kimi, o da Formula1-də ikinci mövsümündə titul qazanıb. Daha əvvəl də belə nümunələr olub: Jak Vilnöv 1997-ci ildə dünya çempionu olub – o da Williams-ın heyətində ikinci mövsümünün yekununda.
