Horner 2025-ci ilin yayında bütün vəzifələrindən uzaqlaşdırılıb, bundan əvvəl isə iyirmi il ərzində komandaya rəhbərlik edib. Demək olar ki, dərhal onun Formula1-ə qayıda biləcəyi ilə bağlı şayiələr yayılıb və adı tez-tez xəbərlərin başlıqlarına düşüb. Söhbət onun Alpine, Aston Martin, Ferrari, Haas ilə mümkün danışıqlarından gedib, eyni zamanda adı Çin avtomobil концерни BYD-nin çempionata marağı kontekstində də hallanıb.
Bu yaxınlarda The Athletic-ə verdiyi müsahibədə qayıtmaq istəyi olub-olmadığı barədə suala cavab verən Horner deyib: “Düzünü desəm, buna əmin deyiləm. Hesab edirəm ki, bunun üçün layihə doğrudan da cəlbedici olmalıdır”.
Onun üçün belə bir layihə Red Bull Powertrains (RBPT) motor bölməsinin yaradılması proqramı və komandanın öz güc qurğusunu hazırlaması olub. Nəticədə Ford-un dəstəyi ilə hazırlanan DM01 mühərrikləri 2026-cı ildə ən yaxşılar arasında tanınıb.
“Heç kim düşünmürdü ki, beş ilə sıfırdan motor istehsalı qurmaq mümkündür və bu mühərrik FİA tərəfindən çempionatın ən güclüsü kimi tanınıb, – deyə Horner xatırladıb. – Bu, hətta komandanın gözləntilərini də üstələyib. Mənim üçün bu, düzgün yanaşma, düzgün münasibət və düzgün insanların seçimi ilə istənilən məqsədə çatmağın mümkün olduğunun növbəti təsdiqi olub. Bu, təkcə Formula1-ə aid deyil”.
Kristian Horner daha əvvəl də dünya çempionatına hansı şərtlərlə qayıda biləcəyini açıqlayıb, indi isə yenidən təkrarlayıb ki, o, ya komandanın şərik sahiblərindən birinə çevrilməli, ya da ən azı bütün strateji qərarlara təsir etmək hüququ almalıdır.
O, həmçinin vurğulayıb ki, təqvimdəki mərhələlərin sayı indiki qədər çox olanda, Formula1-də işləmək hamıdan çox böyük güc sərfi tələb edir və bu da onun istənilən qərarına təsir edəcək amillərdən biridir:
“Yük nəhəngdir və əgər sən bu cür fədakarlıqlara getməyə hazırlaşırsansa, belə qərarın təməlində mütləq buna həqiqətən istədiyinə əminlik dayanmalıdır, çünki ürəyin bu işə bağlı olmalıdır. Vaxtilə komandamızın iştirak etdiyi yarışların demək olar ki, üçdə birini qazanmışam. Mən bu çempionatda sadəcə iştirak etmək üçün qayıtmaq istəmirəm”.
