İtaliya mətbuatının yaydığı məlumata görə, Formula1 Enzo və Dino Ferrarilərin adını daşıyan avtodromun rəhbərliyini əvəzləməyə ehtiyac olmadığı barədə məlumatlandırıb və Qətərdəki, eləcə də Əbu Dabidəki mərhələlər plan üzrə keçiriləcək.
Formula1 bu qərarın qəbulunu sonsuzadək təxirə sala bilmədiyi üçün, İtaliyaya səfərin ləğvi və Qətər ilə Əbu Dabi mərhələləri üçün logistikanın təmin olunması məqsədilə son tarix kimi 10 noyabr təyin edilib.
Formula1 gözləmə dövrü ərzində göstərilən dəstək və əməkdaşlığa görə mərhələnin təşkilatçılarına, İmola hökumətinə və region rəhbərliyinə təşəkkürünü bildirib. Həmin müddətdə Formula1 lazım gəldiyi halda tamaşaçı yerlərinin tutumunu operativ şəkildə artırmaq üçün trasda müvəqqəti tribunaların ilkin quraşdırılmasını maliyyələşdirib.
