Stüardlar təmasın cüzi olduğunu və Louson mövqeyini qoruyub saxladığını qəbul ediblər, lakin Liamın təkər diski zədələnib. Bundan əlavə, bu manevr Leklerin rəqibinə yaxınlaşmasına imkan yaradıb və 5 döngə sonra ötmə həyata keçirib.
Stüardlar qərara alıblar ki, 12-ci döngədə üstünlük Lousonun tərəfində olub, buna görə də Lekler rəqibin maşını ilə təmasdan qaçmaq üçün lazımi tədbirləri görməli idi. Üstəlik, baş vermiş təmas idman nəticələrinə təsir edib və ötmənin gerçəkləşməsinə şərait yaradıb.
Nəticədə Şarl Lekler insidentdə günahkar sayılıb və 5 saniyə cərimə alıb. Stüardlar qeyd ediblər ki, qərar çıxararkən yüngülləşdirici halları – yağışlı hava şəraitini və insidentin cüzi xarakterini nəzərə alıblar. Məhz buna görə Şarl 10 saniyə əvəzinə 5 saniyə cərimə alıb.
Leklerin nəticəsinə 5 saniyə əlavə olunandan sonra o, finiş protokolunda 7-ci yerdən 8-ci yerə enib və Liam Lousonu irəli buraxıb.
