Bu proqram güc qurğusu istehsalçılarına əlavə imkanlar verib ki, əgər onlar güc baxımından ən səmərəli mühərriklərdən 2 və ya daha çox faiz geri qalırsa, cari və növbəti mövsüm ərzində daxiliyanma mühərriklərini (DYM) təkmilləşdirsinlər.
Bu kontekstdə geridə qalanlara maliyyə xərcləri və mühərriklərin stend sınaqlarının keçirilməsi ilə bağlı müəyyən güzəştlər də verilib. Texnikanın təkmilləşdirilməsi üçün bu əlavə imkanların həcmi hər mövsümün bölündüyü üç dövrün yekunlarına əsasən müəyyənləşdirilib: aralıq nəticələr Kanada və Macarıstandan sonra çıxarılıb, üçüncü belə dövr isə ABŞ Qran Prisindən sonra başa çatıb.
Tədqiqatların nəticələrini federasiya güc qurğusu istehsalçılarının diqqətinə çatdırıb və bu dövrdə müxtəlif DYM-lərin gücündə yenidən müəyyən fərq aşkar olunsa da, bu dəfə motor istehsalçılarından heç biri öz məhsulunu təkmilləşdirmək üçün əlavə imkan əldə etməyəcək.
Bu məlumat məxfi xarakter daşıdığı üçün FİA ekspertlərinin apardığı araşdırmaların nəticələri ilə bağlı detallı məlumat verilməyib.
Nikolas Tombazis, FIA-nın biryerlik yarış avtomobilləri üzrə direktoru: “Federasiya bu il ADUO proqramı çərçivəsində dərin təhlil aparıb. Gəldiyimiz nəticələrin obyektivliyinə əminik, çünki etibarlı məlumatlara malikik və qiymətləndirmə prosesi etibarlı şəkildə təşkil olunub.
Biz hesab edirik ki, ADUO konsepsiyası doğrudur və proqramın tətbiq olunduğu ilk il bunu təsdiqləyib. Lakin onun inkişafının davam etməsi vacibdir ki, proqram effektiv, aktual qalsın və qarşıya qoyulan vəzifələrə cavab versin.
Buna görə də biz güc qurğusu istehsalçıları və komandalarla sıx əməkdaşlıq edirik ki, metodikalarımızın təkmilləşdirilməsi imkanlarını araşdıraq və bununla da ADUO-nun gələcəkdə də effektivliyini qoruyaq”.
FİA-nın bu proqram çərçivəsində təhlil aparacağı növbəti dövr 2027-ci il mövsümünün ilk altı yarışı olacaq, yəni Bəhreyndən Mayamiyə qədərki mərhələlər.
Federasiyada xatırladıblar ki, mövsüm ərzində daha əvvəl aparılmış araşdırmaların nəticələrinə əsasən, Mercedes motor istehsalçıları 2026-cı ildə DYM-i bir dəfə, 2027-ci ildə isə daha bir dəfə əlavə təkmilləşdirmək hüququ əldə ediblər. Audi, Ferrari və Honda-nın isə bu sahədə daha geniş imkanları var: onların hamısı bu mövsümdə mühərriklərini iki dəfə təkmilləşdirib, həmçinin gələn il də bunu iki dəfə etmək hüququ alıblar.
