J.Todt yenidən FİA-nın prezidenti seçilib

Jan Todt dekabrın 8-də FİA-nın Baş Assambleyasının Parisdə keçirilən iclasında növbəti dəfə və yekdilliklə prezident seçilib. O, 2021-ci ilə qədər bu vəzifəni daşıyacaq, lakin daha sonra tətbiq olunan məhdudiyyətə görə namizədliyini irəli sürə bilməyəcək.

F-1.az xəbər verir ki, prezidentliyə yeganə namizəd olan fransız mütəxəssis seçki başa çatdıqdan sonra assambleya qarşısında çıxış edib: “Belə hərtərəfli dəstək almaq sevindirici haldır. FİA-nın bütün üzvlərinə minnətdaram. Bu nəticəni mənimlə işləyən hər kəsin getdiyimiz yolun doğruluğuna inanması kimi qəbul edirəm və son 8 ildə gördüyüm işləri davam etdirmək üçün səbirsizlənirəm.

Hədəfim FİA-nı mümkün olan ən yaxşı mövqeyə çatdırmaq üçün daha güclü, daha etibarlı  bütün dünyanın hörmət bəslədiyi qurum etməkdir”.

,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*