“Hər halda, əvvəlcə Meksikada işi sona çatdırmaq lazımdır. Amma düşünürəm ki, iş görüldükdən sonra da 12 nömrə ilə çıxışıma davam edəcəyəm”, – deyə Kimi Antonellinin sözlərini İsveçrənin Blick qəzeti sitat gətirib.
Əslində, Kimi Antonelli 2009-cu ildə McLaren-in sükanı arxasında ilk titulunu qazandıqdan sonra maşınında çempionluq nömrəsi ilə çıxış edən Lyuis Həmiltonun yolunu seçib. Qalan altı titulunu qazandıqdan sonra isə Lyuis 44 nömrə ilə yarışmağa davam edib.
1 nömrə 2016-cı ildə Niko Rosberqin titulundan sonra 2017-ci ildə geri qayıda bilərdi, lakin almaniyalı sürücü çempionluqdakı qələbəsindən dərhal sonra karyerasını başa vurub. Nəticədə 2015-ci ildən 2021-ci ilə qədər Formula1-də 1 nömrə olmayıb və bu nömrə yalnız 2022-ci ildə, Maks Ferstappen dünya çempionu olduqdan sonra geri qayıdıb. Yeri gəlmişkən, Red Bull Racing sürücüsü maşınındakı 1 nömrə ilə fəxr edib və ondan heç vaxt imtina etməyib.
