Bu arada onun oğlu Karlos Formula 1-də Williams komandasında ikinci mövsümünü keçirir və ötən illə müqayisədə bu mövsüm onun üçün heç də asan alınmayıb. Amma o, komandanın işlərinin 2027-ci ildə daha yaxşı gedəcəyinə ümid edir.
Karlos tez-tez atasını özünə nümunə göstərdiyini və peşəkar sürücü işinə onun yanaşmasını örnək hesab etdiyini deyir.
“Atamla birlikdə Dakar üçün hazırlanmış onun Ford yolsuzluq avtomobilində gedəndə düşünürdüm ki, maşını belə idarə etmək mümkün deyil, – deyə o xatırlayıb, – Karlos Braziliyanın Pelas Pistas podkastında danışarkən bildirib. – Qarşında çala-çuxuru görürsən, amma maşın 160-170 km/saat sürətlə şütüyür, sıçrayır və sən yüklənməni hiss edirsən. Mənim vəziyyətimdə bu gediş təxminən on dəqiqə çəkib, amma mən daim tərləyib, fasiləsiz stress yaşamışam.
Həyatımda ilk dəfə maşında qorxmuşdum və düşünürdüm ki, bu cür rejimdə dörd saat getmək nə qədər böyük yüklənmədir. Atam mənə baxıb dedi: “Təsəvvür edə bilirsənmi, 20 il əvvəl sükan arxasında nə qədər dəli olmuşam!”
Uşaqlıqda, 8 ya da 9 yaşım olanda, İspaniya televiziyası yalnız Formula 1 yarışlarını göstərirdi, baxmayaraq ki, atam o vaxt artıq tanınmış sima idi. 2005-ci ildə ilk dəfə İspaniya Qran Prisidə olanda atama dedim ki, kumirlərim – Fernando Alonso, Mixael Şumaxer və ya Kimi Rəykkönen kimi sürücü olmaq istəyirəm. Sadəcə valeh olmuşdum!
Amma 13 və ya 14 yaşım olanda ilk dəfə ralli maşınının sükanı arxasına keçmişdim və bu, həyatımın ən yaxşı günlərindən biri idi. Hətta təəccüblənirdim ki, niyə bunu daha əvvəl sınamamışam? Amma o vaxt artıq Red Bull-un gənclər proqramına daxil edilmişdim və Formula 1 xəyalı ilə yaşayırdım…
Atam mənimlə uğurun sirrini bölüşüb: bütün detallara diqqət yetirmək, hamıdan çox çalışmaq və nəzarət edə bildiyin hər şeyi nəzarətdə saxlamağa çalışmaq lazımdır. O, bunu mənə hələ kartinq vaxtlarından aşılayıb və bu, F1-də etdiyim hər şeyin təməlinə çevrilib.
Mən telemetriya məlumatları əsasında maşının sükanı arxasında yaşadığım bütün hissləri izləyə bilirəm və bu da yaxşılaşmağa, irəliləməyə, inkişaf üçün düzgün istiqaməti tapmağa imkan verir”.
Yeri gəlmişkən, Karlos Sayns-sr bir neçə həftə əvvəl hələ də əla formada olduğunu kifayət qədər inandırıcı şəkildə təsdiqləyib: o, Ford Puma Rally1 ilə “Asturiyanın Tarixi Rallisi”ndə qalib gəlib – bu yarışlar məhz 64 yaşlı ispan sürücüyə və onun şanlı karyerasına həsr olunub.
Qeyd etməyə dəyər ki, təxminən 127 km-lik bu ralli məsafəsində o, məhz kimləri qabaqlayıb: doqquzqat dünya çempionu Sebastyen Löb və WRC mərhələlərində bir neçə qələbəsi olan Fransua Delekur. Hər iki pilot tamötürücülü Peugeot 306 Maxi idarə edib.
