Yarışın sonuncu dövrələrindəki insidenti – Sebastyan Fettel tam trasdan kənara çıxmaqla Censon Battonu qabaqlamışdı – araşdıran Almaniya Qran Prisinin stüardları Fetteli cərimə ediblər.
Stüardlar Sebastyanın yekun nəticəsinin üzərinə 20 saniyə əlavə ediblər – bu cür standart cəza finişdən sonra yarış zamanı tətbiq edilməli olan pit-leyndən keçməni əvəz edir. Cəzadan sonra Fettel protokollarda beşinci yerə düşüb, Batton, Rəykkönen və Kobayaşi isə bir pillə irəliləyiblər…
