Quru. Günəşli. Havanın temperaturu +33°-34° C, trasın temperaturu +53°-59° C

Nahardan sonra trasın asfalt örtüyü görünməmiş dərəcəyə çatıb – Sepanqda asfalt örütüyünün hərarəti +60 dərəcyə yaxınlaşıb. Ona görə də təkərlərin effektivliyini qiymətləndirmək çətin olub.

İlk sessiyada problemlər üzündən işləməyən Lyuis nahardan sonra boksda vaxt itirməli olub. Britaniyalı startdan yarım saat sonra trasa çıxsa da, tezliklə yenidən maşınını mexaniklərə verməli olub – bu dəfə maşında telemetriya sıradan çıxıb. Qrojan da 7 dövrədən sonra kokpiti tərk etməli olub. Kvyat sessiyanın yarısını, komanda yoldaşı Rikkardo isə daha çox hissəsini gözləməli olublar – hər iki Red Bull maşınında ötürmələr qutusunun problemləri üzə çıxıb.

Sessiya qırmızı bayraqlarla dayandırılıb – Roberto Merhi 11-ci döngədə səhvə yol verərək trasdan çıxıb və çınqıllı zonada ilişib qalıb. Bir neçə dəqiqə sonra eyni yerdə Fettel də tarsdan çıxıb, amma almaniyalı sürücü trasa qayıda bilib və işini davam etdirib.

Komandalar Medium təkərlərlə sürətli nəticələr göstərdikdən sonra daha ağır maşınlarla yarışa hazırlığı davam etdiriblər. İsti havada uzun dövrələr seriyasında təkərlərin effektivliyini qiymətləndirmək vacib əhəmiyyət kəsb edir. Amma təkər tərkibləri arasında sürət fərqi Pirelli-nin proqnozundan yarım saniyə az olub və 0.8-0.9 saniyə təşkil edib.

Lyuis Həmilton qısa dövrələr seriyasında göstərdiyi nəticə ilə protokollara başçılıq edib, Rəykkönen yenə də ikinci olub – f-1.az xatırladır ki, nahardan əvvəl də Ferrari sürücüsü Mercedes AMG sürücüsünə cəmi 0.373 saniyə uduzmuşdu. Sabah səhər sürücülər trasa son məşqə çıxacaqlar…

Nəticələr belə olub:

Quru. Günəşli. Havanın temperaturu +33°-34° C, trasın temperaturu +48°-51° C

Nahardan sonra komandalar maşının sazlanması və uzun məsafədə hər iki təkər tərkibinin effektliyinin qiymətləndirilməsi üzərində işlərini davam etdiriblər. Gözlənildiyi kimi, Hard və Medium tərkiblərinin sürət fərqi bir saniyədən çox olub, eyni zamanda gün altında qızmış cod asfalt üzərində təkər yeyilməsi də çox olub.

Komandalar ciddi insidentlər yaşamayıblar, amma Lotus yenə də günü əldən verib – nahara qədər Maldonado və Qrojan iki nəfərə 6 dövrə vurmaqla sürətli dövrə göstərə bilməmişdilər, nahardan sonra isə Pastor boksu tərk etməyib, Roman isə 14 dövrə vurub və ötürmələr qutusunun problemləri üzündən trasda dayanmalı olub. Kobayaşi də boksu tərk etməyib – enerji toplayıcısının ikmtinası və yağ sızması üzündən yaponiyalı sürücü gün ərzində cəmi 5 dövrə vura bilib, onun komanda yoldaşı Markus Erikson isə proqramı tam yerinə yetirib.

Sessiyanın əvvəlində Maks Çilton trasdan çıxıb – maşın təxliyə olunub, Jan Erik Vern yerində fırlanıb, son dəqiqələrdə isə Daniel Rikkardo otluğa çıxıb.

Protokollara Niko Rosberq başçılıq edib – 1:39.909, nəticələr çox sıx alınıb, ilk 11 sürücü bir saniyəyə yerləşib…

Nəticələr belə olub:

Sessiyanın birinci yarısı quru, ikinci yarısı yağış. Buludlu. Havanın temperaturu +31°-32° C, trasın temperaturu +33°-40° C

Fasilədən sonra komandalar sazlanma axtarışını davam etdirməklə, isti asfalt üzərində hər iki təkər tərkibinin effektliyini müqayisə edə biliblər. Hərçənd, sessiyanın yarısından sonra kiçik yağış yağdığı üçün komandalar məhsuldar işləyə bilməyiblər.

Sürücülər yağış və keçid təkərlərini də yoxlayıblar, sonra sfalt quruyub və yenidən maşınlara sliklər taxılıb. Kimi Rəykkönenin yağışa qədər göstərdiyi nəticəni heç kim yaxşılaşdıra bilməyib – 1:36.569.

Nəticələr belə olub:

Quru. Buludlu. Havanın temperaturu +30° C, trasın temperaturu +46° C

Sinoptiklər nahardan sonra yağış vəd etsələr də, sessiya quru asfalt üzərində keçib – sürücülər səhər başladıqları proqramlar üzrə işlərini davam etdiriblər: müxtəlif sazlanmların və cod asfalt üzərində təkərlərin effektliyi qiymətləndirilib.

Problemsiz ötüşməyib – sonuncu döngədə trasdan çıxmış di Restanın maşını üzərində mexaniklər uzun müddət işləməli olublar, Kobayaşinin maşınında isə ötürmələr qutusu imtina edib. Kovalaynenin maşınında da nasazlıqlar üzə çıxıb.

Səhər olduğu kimi protokollara Lyuis Həmilton başçılıq edib, amma onun nəticəsi səhər göstərdiyi nəticədən zəif olub – bu dəfə sürücülər əsan dolu yanacaq çənləri ilə işləyiblər…

Nəticələr belə olub:

Quru. Buludlu. Havanın temperaturu +32° C, trasın temperaturu +50° C

Nahardan sonra trasın vəziyyəti yaxşılaşıb, sürətlər artıb və komandalar yarışın strategiyası üzərində işləməyə başlayıblar. Göyün üzünü bir neçə dəfə qara buludlar örtsə də, yağış yağmayıb.

Səhər olduğu kimi, protokollara Mark Uebber başçılıq edib. Red Bull və McLaren sürücüləri ilk dördlüyü zəbt ediblər – Sebastyan Fettel dördüncü olub və Marka 0.2 saniyə uduzub.

Lotus Renault GP komandası uzun müddət səhər yaranmış problemin səbəbini araşdırıb, ona görə də sürücülər yalnız sessiyanın sonuna yaxın trasa çıxa biliblər.

Vitantonio Liutsinin maşınında motor sönüb, Pastor Maldonado isə qəzaya uğrayaraq maşını dağıdıb, Jerom D’Ambrosio isə trasa çıxmayıb…

Nəticələr belə olub: