Britaniya-2018: Yarış

Formula1 tarixində ilk dəfə baş tutan ardıcıl üç yarışın sonuncusu Britaniyada keçirilib. Mövsümün onuncu yarışına sürücülər çempionatına liderlik edən Sebastyan Fettel Silverstouna əsas rəqibi Lyuis Həmiltondan bir xal öndə gəlib.

F-1.az bildirir ki, artıq sərbəst yürüşlərdən Ferrari və Mercedes arasında kəskin mübarizə gedəcəyi aydın olub. İlk məşqlərdə Həmilton, ikinci məşqlərdə isə Fettel hamıdan sürətli olub. Şənbə günü baş tutan son məşqlərdə də Həmilton protkollara başçılıq edib.

Sıralanma turunda da mübarizə gərgin olub. Lyuis Həmilton doğma trasında poulu Ferrari sürücülərini cüzi fərqlə üstələyərək əldə edib. Yarışa ilk cərgədən Həmilton və Fettel, ikinci cərgədən Rəykkönen və Bottas, üçüncü cərgədən isə Red Bull sürücüləri başlayıblar.

Pirelli bura mövsümdə ilk dəfə Hard, Medium və Soft üçlüyünü gətirib. Hard tərkiblə çox böyük məsafə qət etmək mümkün olsa da, sürət fərqi də az olmayıb. Buna görə də komandalar elə məşqlərdən digər iki tərkibə üstünlük veriblər.

Həmiltonun startı uğursuz alınıb, Fettel və Bottas onu qabaqlayıblar. Rəykkönen və Həmilton toqquşublar və britaniyalı sürücü yerində fırlanaraq peletonun gerisinə düşüb. 2-ci dövrədə ilk onluq: Fettel – Bottas – Ferstappen – Rəykkönen – Rikkardo – Hülkenberq – Lekler – Okon – Sayns – Maqnussen.

Hartli ikinci dövrədə boksa qayıdıb və mübarizəni dayandırıb. Lyuis artıq 10-cu dövrədə altıncı yerə qədər yüksəlib. Lider Fettel isə Bottasdan 6 saniyə uzaqlaşıb. Rəykkönenə startdakı insidentə görə 10 saniyəlik cəza verilib. Finlandiyalı sürücü 14-cü dövrədə boksa  gələrək cəzasını çəkib. Alonso və Peres də eyni dövrədə təkərlərini dəyişiblər. Rəykkönen trasa 11-ci yerdə qayıdıb. Dərhal Maqnussen və Saynsı, daha sonra isə Lekler və Hülkenberqi keçib.

18-ci dövrədə Ferstappen və Sayns pit-stop ediblər. Sayns Hard təkərlərə keçən ilk sürücü olub. Növbəti dövrədə Rikkardo və Lekler pit-stopa çağrılıblar. Trasa qayıdan Lekler maşını təhlükəsizlik zonasında saxlamalı olub – mexaniklər onun sol ön təkərini yaxşı bağlamayıblar. Hülkenberq də komanda yoldaşı kimi Hard təkərlərə keçib. Həmilton təkərlərini 24-cü dövrədə dəyişib və trasa 6-cı yerdə qayıdıb. 20-ci dövrədə ilk onluq: Fettel – Bottas – Ferstappen – Rikkardo – Rəykkönen – Həmilton – Hülkenberq – Okon – Alonso – Maqnussen.

31-ci dövrədə Rikkardo ikinci dəfə təkərlərini dəyişib və Soft təkərlərə keçib. O, trasa Həmiltondan 10 saniyə arxada 6-cı yerdə qayıdıb. 33-cü dövrədə Eriksson açıq DRS ilə yüksək sürətlə birinci döngədə yoldan çıxıb və baryerlərə çırpılıb. Təhlükəsizlik Maşını trasa daxil olub. Eriksson dərhal kokpiti tərk edib və tibbi mərkəzə yollanıb. Alonso, Sayns, Qasli, Peres, Fettel, Ferstappen və Rəykkönen pit-stopa yollanıblar. TM arxasında ilk onluq: Bottas – Fettel – Həmilton – Ferstappen – Rəykkönen – Rikkardo – Hülkenberq – Okon – Maqnussen – Alonso.

Restart 37-ci dövrədə verilib. Bottas liderliyi qoruyub, Rəykkönen Ferstappenə hücum edib, finlandiyalı sürücü irəli çıxmağı bacarsa da, Maks təslim olmayıb və mövqeyini geri qaytarıb. 38-ci dövrədə Qrojanla Sayns qəza edib və TM yenidən trasa qayıdıb. 41-ci dövrədə mübarizə yenidən başlayıb, Fettel dəfələrlə Bottasa hücumlar etsə də, finlandiyalı sürücü yerini qoruya bilib. Kiminin hücumları isə, nəhayət, 43-cü dövrədə bəhrəsini verib və finlandiyalı sürücü Ferstappeni üstələyib.

İlk dördlük yüksək templə yarışa davam edib, 46-cı dövrədə Ferstappen əyləc problemlərinə görə idarəetməni itirb və yerində fırlanıb. Gənc sürücü mübarizəni dayandırıb. Bottas əvvəlcə Fettel, daha sonra isə Həmilton tərəfindən keçilib. Sona iki dövrə qalmış Rəykkönen həmyerlisini podiumun son yeri uğrunda mübarizədə üstələyə bilib.

Sebastyan Fettel mövsümdə 4-cü, karyerasında 51-ci qələbəsini əldə edib. Alman sürücü çempionatdakı üstünlüyünü 8 xala çatdırıb. Həmilton damalı bayrağı görən ikinci, Rəykkönen isə üçüncü sürücü olub.

Mübarizə iki həftə sonra Almaniyada davam edəcək…

Yer N Sürücü Komanda Zaman/Fərq Pit
1 5 Sebastyan Fettel Ferrari 1:27:29.784 2
2 44 Lyuis Həmilton Mercedes AMG + 0:02.264 1
3 7 Kimi Rəykkönen Ferrari + 0:03.652 2
4 77 Valtteri Bottas Mercedes AMG + 0:08.883 1
5 3 Daniel Rikkardo Red Bull + 0:09.500 2
6 27 Niko Hülkenberq Renault + 0:28.220 1
7 31 Esteban Okon Force İndia + 0:29.930 1
8 14 Fernando Alonso McLaren + 0:31.115 2
9 20 Kevin Maqnussen Haas + 0:33.188 1
10 11 Serxio Peres Force İndia + 0:34.708 2
11 2 Stoffel Vandorn McLaren + 0:35.774 2
12 18 Ləns Stroll Williams + 0:38.106 1
13 10 Pyer Qasli* Toro Rosso + 0:39.129 2
14 35 Sergey Sirotkin Williams + 0:48.113 1
15 33 Maks Ferstappen Red Bull + 6 dövrə 2

* – Pereslə insidentə görə nəticəsinə 5 saniyə əlavə olunub.

Sürətli dövrə: Sebastyan Fettel (Ferrari) – 1:30.696 (47-ci dövrə, 233.831 km/saat).

 

MÜBARİZƏNİ DAYANDIRANLAR:

Sürücü Komanda Dövrə Səbəb
Karlos Sayns Renault 38 qəza
Roman Qrojan Haas 38 qəza
Markus Eriksson Sauber 33 qəza
Şarl Lekler Sauber 19 təkərin bağlanmaması
Brendon Hartli Toro Rosso 2 güc qurğusu

 

SÜRÜCÜLƏRİN ÇEMPİONATI:

Yer N Sürücü Ölkə Komanda Xal
1 5 Sebastyan Fettel Scuderia Ferrari 171
2 44 Lyuis Həmilton Mercedes AMG Petronas Motorsport 163
3 7 Kimi Rəykkönen Scuderia Ferrari 116
4 3 Daniel Rikkardo Aston Martin Red Bull Racing 106
5 77 Valtteri Bottas Mercedes AMG Petronas Motorsport 104
6 33 Maks Ferstappen Aston Martin Red Bull Racing 93
7 27 Niko Hülkenberq Renault Sport Formula 1 Team 42
8 14 Fernando Alonso McLaren F1 Team 40
9 20 Kevin Maqnussen Haas F1 Team 39
10 55 Karlos Sayns Renault Sport Formula 1 Team 28
11 31 Esteban Okon Sahara Force India F1 Team 25
12 11 Serxio Peres Sahara Force India F1 Team 24
13 10 Pyer Qasli Red Bull Toro Rosso Honda 18
14 16 Şarl Lekler Alfa Romeo Sauber F1 Team 13
15 8 Roman Qrojan Haas F1 Team 12
16 2 Stoffel Vandorn McLaren F1 Team 8
17 18 Ləns Stroll Williams Martini Racing 4
18 9 Markus Eriksson Alfa Romeo Sauber F1 Team 3
19 27 Brendon Hartli Red Bull Toro Rosso Honda 1

 

 

MÜHƏNDİSLƏR KUBOKU:

Yer Komanda Motor Xal
1 Scuderia Ferrari Ferrari 247
2 Mercedes AMG Petronas Motorsport Mercedes 267
3 Aston Martin Red Bull Racing Renault 199
4 Renault Sport Formula 1 Team Renault 70
5 Haas F1 Team Ferrari 51
6 Sahara Force İndia F1 Team Mercedes 49
7 McLaren F1 Team Renault 48
8 Red Bull Toro Rosso Honda Honda 19
9 Alfa Romeo Sauber F1 Team Ferrari 16
10 Williams Martini Racing Mercedes 4
, , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*