F-1.az bildirir ki, komandalar ardıcıl baş tutan üçüncü yarışa da bir sıra yeniliklər gətiriblər. İlk sessiyanı da yeniliklərin əvvəlki hissələrlə müqayisədə necə işlədiyini yoxlayıblar.
22-ci dəqiqədə Sirotkin yerində fırlanaraq trasdan çıxıb və çınqıllığa düşüb. Lakin hərəkətini davam etdirə bilib və boksa qayıdıb, bir qədər fasilədən sonra yenidən məşqlərini davam etdirib. Yarım saatın davamında Qrojan birinci döngədə qəza edib. Fransız sürücü kokpiti özü tərk edib və maşın təxliyə olunub. Qrojan trasın nahamar hissəsində maşının çox titrədiyi üçün DRS-i deaktiv edən düyməni vaxtında basa bilmədiyini əsas gətirib.
Sona 20 dəqiqə qalmış Rəykkönen də çınqıllığa düşüb və boksa qayıdıb. Son dəqiqələrdə isə Ferstappen ötürmələr qutusunda problem olduğu üçün start düzlüyündə maşını saxlayıb. Virtual Təhlükəsizlik Maşını rejimi elan edilib və maşın təxliyə olunub.
Sürücülər ilk döngədə DRS-i yoxlayıblar və çox effektli olduğunu bildiriblər. Bu, maksimal sürəti az olan maşınlarla yarışan sürücülərə kömək edə bilər.
Protokollara Lyuis Həmilton başçılıq edib – 1:27.487. Məşqlər günün ikinci yarısında davam edəcək.
| Yer | N | Sürücü | Komanda | Zaman | Fərq | Dövrə |
| 1 | 44 | Lyuis Həmilton | Mercedes AMG | 1:27.487 | – | 24 |
| 2 | 77 | Valtteri Bottas | Mercedes AMG | 1:27.854 | + 0:00.367 | 27 |
| 3 | 5 | Sebastyan Fettel | Ferrari | 1:27.998 | + 0:00.511 | 22 |
| 4 | 3 | Daniel Rikkardo | Red Bull | 1:28.144 | + 0:00.657 | 30 |
| 5 | 7 | Kimi Rəykkönen | Ferrari | 1:28.218 | + 0:00.731 | 24 |
| 6 | 33 | Maks Ferstappen | Red Bull | 1:28.325 | + 0:00.838 | 24 |
| 7 | 8 | Roman Qrojan | Haas | 1:29.352 | + 0:01.865 | 12 |
| 8 | 11 | Serxio Peres | Force İndia | 1:29.812 | + 0:02.325 | 23 |
| 9 | 31 | Esteban Okon | Force İndia | 1:29.815 | + 0:02.328 | 24 |
| 10 | 18 | Ləns Stroll | Williams | 1:29.878 | + 0:02.391 | 25 |
| 11 | 9 | Markus Eriksson | Sauber | 1:29.942 | + 0:02.455 | 25 |
| 12 | 10 | Pyer Qasli | Toro Rosso | 1:30.004 | + 0:02.517 | 31 |
| 13 | 16 | Şarl Lekler | Sauber | 1:30.027 | + 0:02.540 | 27 |
| 14 | 20 | Kevin Maqnussen | Haas | 1:30.065 | + 0:02.578 | 20 |
| 15 | 14 | Fernando Alonso | McLaren | 1:30.322 | + 0:02.835 | 19 |
| 16 | 55 | Karlos Sayns | Renault | 1:30.358 | + 0:02.871 | 22 |
| 17 | 2 | Stoffel Vandorn | McLaren | 1:30.416 | + 0:02.929 | 25 |
| 18 | 27 | Niko Hülkenberq | Renault | 1:30.701 | + 0:03.214 | 18 |
| 19 | 28 | Brendon Hartli | Toro Rosso | 1:30.749 | + 0:03.262 | 31 |
| 20 | 35 | Sergey Sirotkin | Williams | 1:31.017 | + 0:03.530 | 22 |
