Pirelli Sinqapura ən yumşaq təkər cütlüyünü – Soft və SuperSoft tərkiblərini gətirəcək. Keçən il bu cütlük müxtəlif taktiki seçimlərə əsas vermişdi: müxtəlif komandaların sürücülər pit-leynə 2-5 dəfə girmişdilər. Trasın çətinliklərinədn söz açan Pirelli Motorsport-un başçısı Pol Hembri proqnoz verməkdən qaçıb…
Pol Hembri: “Düzünü desəm, mənim Sinqapur Qran Prisindən çox xoşum gəlir: gecə yarışı çox baxımlı olur. Amma bizim işin çox çətinlikləri var. Yarış projektorların işığı altında baş tutur, yəni adi yarış uik-endi kimi keçmir.
Taktikanın seçimi zamanı əsas faktor Təhlükəsizlik Maşını olacaq – hətta autsayderlər də qazana bilərlər.
Trasda rütubət yüksək səviyyədə olur, amma hələ yarış zamanı yağış yağmayıb. Keçən il Fettel qələbə qazanmışdı, həm də 3 pit-stop etmişdi. Bu dəfə favorit kimin olmasını qabaqcadan söyləmək çox çətindir.”