İsotta Fraschini Motori S.p.A. artıq bu il yeni maşını Le Manın 24 saatlıq marafonuna çıxarmağı planlaşdırır və bench test proqramını uğurla başa vurduqdan sonra, bu gün Vallelunqadakı İtaliya trasında ən yeni hiperkarı sınaqdan keçirməyə başlayırlar.
F-1.az xəbər verir ki, maşın FİA-nın məcburi krəş (qəza, çarpma) testlərindən uğurla keçib, onun tetsləri isə hələ qabaqdadır, lakin bu həftə, iki gün ərzində Tipo 6 real trasda ilk metrlərini qət edəcək.
Testlər üçün xüsusi prototip hazırlanıb, onun korpusu hələ rənglənməyib, hiperkarın ilkin işə salınması və bütün bort sistemlərinin yoxlanılması sınaq pilotu Mauritsio Medianiyə həvalə edilib. Mauritsio simulyatorda maşının incə tənzimlənməsi ilə məşğul olan Michelotto Engineering-də işləyir. İsotta Fraschini-nin rəsmi sürücülərinin adları daha sonra açıqlanacaq.
