Sürücülər Akademiyasına üç yeni sürücü qoşulub – türkiyəli Alp Aksoy, kolumbiyalı Salim Hanna və niderlandlı Daniel Miron.
Kartinq və Formula4
Daniel Miron akademiyanın üç yeni üzvü arasında ən gəncidir. O, 2013-cü il sentyabrın 7-də anadan olub və gələn mövsüm OK-Junior-dan OK sinfinə keçəcək. Bu il niderlandlı sürücü Avropa çempionatında ikinci yeri tutub.
Noa Beqlin və Filippo Sala 2027-ci ildə kartinqdə çıxışlarını başa vuracaq və “formulalar”da debüt edəcəklər. Hər ikisi İspaniya Formula4-də yarışacaq.
2012-ci il təvəllüdlü britaniyalı Beqlin yeni kateqoriyaya uğurlu mövsümdən sonra gəlib – o, 2026-cı ildə OK sinfində Avropa çempionu olub. Bundan bir il əvvəl Beqlin gənclər arasında dünya çempionatını qazanıb.
2011-ci il təvəllüdlü italiyalı Sala da bu mövsüm kartinqdə, Avropa çempionatında və Champions of the Future seriyasında yüksək nəticələr uğrunda mübarizə aparıb.
Formula Regional
Alp Aksoy Avropa Formula Regional seriyasına keçəcək. Türkiyəli sürücü 2010-cu il oktyabrın 10-da İstanbulda anadan olub və “formulalar”da ilk mövsümündən sonra Ferrari Sürücülər Akademiyasına qoşulacaq. O bu il İtaliya Formula4 və Euro4 seriyalarında çıxış edib, burada Mizano və Pol Rikar traslarında üç qələbə qazanıb.
F1 Academy
Alba Larsen qadınlar arasında keçirilən F1 Academy-də çıxışını davam etdirəcək. Danimarkalı sürücü 2026-cı ilin əvvəlində Sürücülər Akademiyasına qoşulub və mövsüm ərzində nəzərəçarpan irəliləyiş göstərib. Onun ilk podiumları Zandfortdakı mərhələdə qazandığı iki ikinci yer olub.
Formula3
2009-cu il noyabrın 20-də Barrankilyada anadan olmuş kolumbiyalı Salim Hanna Formula3-ə keçəcək və burada tam mövsüm keçirəcək. O, 2026-cı il mövsümünü Formula Regional-da keçirib və İmolada yarışı qazanıb.
2026-cı ildə Formula4-də çıxış etmiş və Mizano ilə Mucelloda iki qələbə qazanmış Nikkolo Makkanyani karyerasını Formula3-də davam etdirəcək.
Formula2
Tuukka Taponen 2027-ci ildə Formula2-yə keçəcək və burada ART Grand Prix komandasında yarışacaq. Fin sürücü 2025-ci ildə Formula3-də ilk mövsümünü keçirdiyi komandaya qayıdacaq.
Taponen 2026-cı ildə Formula3-də MP MotorSport komandasında çıxış edib və şəxsi hesabda üçüncü yeri tutub, bir qələbə qazanıb və daha iki dəfə podiuma yüksəlib.
Beqanoviç və Kamara Sürücülər Akademiyasını tərk edirlər
2026-cı il mövsümü Dino Beqanoviç və Rafael Kamara üçün Ferrari-nin gənc sürücülər proqramında sonuncu olacaq.
Bir gün əvvəl açıqlanıb ki, Kamara 2027-ci ildə Haas-ın heyətində Formula1-də debüt edəcək.
Dino Beqanoviç ehtiyat sürücü və test pilotu rolunda Ferrari-də qalacaq, ehtiyat sürücü vəzifələrini Antonio Covinazzi ilə bölüşəcək.
