F-1.az xəbər verir ki, filippinli Byanka formulalarda keçən il debüt edib – 18 yaşlı sürücü W Series-də çıxış edib. Byanka mövsümü iki xalla on beşinci yerdə başa vurub.
Byanka Bustamante: “2023-cü il mövsümü üçün Prema-ya qoşulduğuma görə çox həyəcanlıyam. Keçən il formulalarda debüt etdim, ona görə də mövsüm çətin keçdi, lakin indiki keçid karyeramda irəliyə doğru böyük addımdır.
Prema dünyanın aparıcı yarış komandalarından biridir və mən onların ailəsinə qoşulduğum üçün çox minnətdaram. Trasda və trasdan kənarda gənc sürücülər üçün aparıcı yarış inkişafı proqramlarından birinin üzvü oldum. Ən əsası, indi ciddi yarış və sınaq proqramım var və özümü ən yaxşı tərəfdən göstərmək üçün sükan arxasında kifayət qədər vaxtım olacaq.
Məni proqrama dəvət etdiyi üçün Prema-ya və gənc sürücüləri dəstəkləyən seriyaya start verdiyi üçün Formula1-ə təşəkkür edirəm”.
