Aston Martin-də Cek Krouford Ləns Strollu, Haas-da Rio Hirakava Esteban Okonu, Mercedes-də Frederik Vesti Corc Rasselli, Red Bull-da Ayumu İvasa Maks Ferstappeni, Cadillac-da Kolton Herta Valtteri Bottası, Williams-da Lyuk Brauninq Aleks Əlbonu, McLaren-də Leonardo Fornaroli Lando Norrisi, Alpine-də Qabriele Mini Franko Kolapintonu, Audi-də Freddi Sleyter Qabriel Bortoletonu, Racing Bulls-da Nikola Tsolov Liam Lousonu əvəz edib.
Üç sürücü rəsmi yarış həftəsonu sessiyası çərçivəsində ilk dəfə Formula1 bolidinin sükanı arxasına keçib – Mini, Sleyter və Tsolov.
Üç əsas sürücü yüngül xəstələnib. Kimi Antonelli və Valtteri Bottas cümə axşamı mətbuatla ünsiyyəti buraxıb, Serxio Peres isə 300-cü Qran Prisində hansısa infeksiyaya yoluxduğu üçün fan-foruma gəlməyib. Komandalarda əmin olublar ki, bu narahatlıq onların həftəsonu sessiyalarında iştirakına təsir etməyəcək.
2026-cı il güc qurğuları ilk dəfə yüksək dağlıq şəraitdə işləyib, komandalar seyrək havada soyutma ilə bağlı narahat olublar – ilk məşqdə əsas mövzu da məhz bu olub.
Sessiyanın əvvəlində asfalt tozlu və sürüşkən olub. Tsolov təkərləri bloklayıb, Həcər, Herta, Piastri, Həmilton və Fornaroli otluğa çıxıblar. Tras hüdudlarını pozduqları üçün bir çox sürücünün dövrə vaxtı ləğv olunub.
Sleyter mexaniklərin sağ hava girişində unutduğu ventilyatora görə boksa qayıdıb, sonra isə uzun müddət boksda qalıb – mexaniklər mühərrik qapağını söküb bolid üzərində işləyiblər, amma fasilədən sonra Sleyter yenə trasa çıxıb.
Sessiyanın bitməsinə 14 dəqiqə qalmış Krouford bokslardan verilən göstərişlə bolidi trasda saxlayıb. Virtual təhlükəsizlik avtomobili rejimi elan olunub, marşallar bolidi kənara çəkiblər, Cek isə baş verənləri kənardan izləyib.
Vesti ikinci sektorun “eska”larında Saynsa mane olub, Lekler ilk döngədə Minini ötməyə çalışıb, amma Qabriel Şarlı görməyib və yol verməyib. Tsolovun isə kokpitdə ayağı o qədər keyiyib ki, boksa qayıdandan sonra onu yenidən hiss etmək üçün kəmərlərini açıb, ayağa qalxıb və hoppanıb.
Ən yaxşı nəticəni Şarl Lekler göstərib – o, dövrəni 1:18.128-ə başa vurub.
Birinci sərbəst yürüşlər
| Sürücü | Komanda | Vaxt | Fərq | Dövrə |
| 1. Şarl Lekler | Ferrari | 1:18.128 | – | 29 |
| 2. Kimi Antonelli | Mercedes | 1:18.787 | + 0:00.659 | 30 |
| 3. Frederik Vesti | Mercedes | 1:18.861 | + 0:00.733 | 24 |
| 4. Lyuis Həmilton | Ferrari | 1:18.866 | + 0:00.738 | 25 |
| 5. Ayumu İvasa | Red Bull | 1:19.113 | + 0:00.985 | 23 |
| 6. Pyer Qasli | Alpine | 1:19.210 | + 0:01.082 | 33 |
| 7. Fernando Alonso | Aston Martin | 1:19.357 | + 0:01.229 | 29 |
| 8. Oskar Piastri | McLaren | 1:19.376 | + 0:01.248 | 30 |
| 9. Oliver Börman | Haas | 1:19.412 | + 0:01.284 | 28 |
| 10. Arvid Lindblad | Racing Bulls | 1:19.478 | + 0:01.350 | 30 |
| 11. İshaq Həcər | Red Bull | 1:19.545 | + 0:01.417 | 21 |
| 12. Nikola Tsolov | Racing Bulls | 1:19.604 | + 0:01.476 | 29 |
| 13. Niko Hülkenberq | Audi | 1:19.608 | + 0:01.480 | 27 |
| 14. Qabriele Mini | Alpine | 1:19.946 | + 0:01.818 | 22 |
| 15. Rio Hirakava | Haas | 1:19.982 | + 0:01.854 | 30 |
| 16. Karlos Sayns | Williams | 1:20.006 | + 0:01.878 | 31 |
| 17. Leonardo Fornaroli | McLaren | 1:20.235 | + 0:02.107 | 25 |
| 18. Serxio Peres | Cadillac | 1:20.395 | + 0:02.267 | 31 |
| 19. Cək Krouford | Aston Martin | 1:20.803 | + 0:02.675 | 15 |
| 20. Lyuk Brauninq | Williams | 1:20.869 | + 0:02.741 | 33 |
| 21. Freddi Sleyter | Audi | 1:20.945 | + 0:02.817 | 14 |
| 22. Kolton Herta | Cadillac | 1:21.365 | + 0:03.237 | 30 |
