McLaren sürücüsünün sözlərinə görə, Kiminin uğurları fonunda 2026-cı ildə digərlərinin hamısı elə də yaxşı görünməyib.
“Onun etdikləri sadəcə inanılmazdır – o, hamını süpürüb atdı! – deyə The Race Norrisdən sitat gətirib. – Ümid edirəm ki, hamı onun bu il nəyə nail olduğunu lazımınca dəyərləndirir.
Kimi qalan hamını zəif göstərib. O, bolidini çox gözəl idarə edir, çünki maşınına düzgün yanaşma tapıb. Bu bolidi necə sürmək lazım olduğunu anlamaq üçün çox işləyib və onun potensialını hamıdan yaxşı açmağı bacarır.
Onun uğuru tam mənada haqq edilib və bunu qeyd etməyə tam haqqı var. Daha da təsirlisi odur ki, bu, onun Formula 1-də cəmi ikinci mövsümüdür. Onun cəmi 20 yaşı var və mən onun adına çox sevinirəm… Üstəlik, komanda yoldaşı Corc Rassell çox güclü sürücüdür, amma Kimi mövsüm boyu onu qabaqlayıb.
Antonellinin il ərzində buraxdığı səhvlərin sayını rahatlıqla hesablamaq olar – açığı, düşünürəm ki, bunun üçün bir əlin barmaqları da yetər. Kimi yarışları son sıradan başlayaraq da qazanıb, pouldan başlayaraq da – bir sözlə, etməli olduğu hər şeyi edib.
O, demək olar ki, hər yarışın əsas qəhrəmanlarından biri olub – çempionat iştirakçılarından başqa heç kim bununla öyünə bilməz”.
Bu məsələdə Formula 1-də Antonelli ilə eyni vaxtda debüt etmiş, vaxtilə kartinqdə və gənclər seriyalarında onunla rəqabət aparmış Audi sürücüsü Qabriel Bortoletonun fikri də maraqlıdır:
“Məni ən çox heyran edən onun sabitliyidir. Mən F3 və F2-də titullar qazanmışam və bilirəm ki, çempionluq uğrunda mübarizə aparanda əsəblər həmişə son həddə olur. Təsəvvür edin ki, bu il onun rəqibləri Rassell, Maks, Lyuis idi, halbuki bu iki sürücü böyük təcrübəyə malik dünya çempionlarıdır, amma Kimi sınmayıb.
Bu oğlan daim ən yüksək nəticələr uğrunda mübarizə aparıb, həmişə çox sabit çıxış edib. Onun cəmi bir, uzağı iki uğursuz yarışı olub ki, orada demək olardı tempinə nəsə çatmırdı, ya da bolidini divara vururdu.
Bir sözlə, onun bunun öhdəsindən necə gözəl gəldiyi məndə böyük təəssürat yaradıb və ümid edirəm ki, gələcəkdə onunla titullar uğrunda yenə mübarizə apara biləcəyəm. Bu, əla hekayə olar, çünki biz hələ mənim 10 və ya 11 yaşım olan vaxtlardan tanışıq. İndi o, Formula 1 çempionu olub, mən də uğur qazanmağa can atıram – ümid edirəm, nə vaxtsa buna nail olacağam”.
