Londonun talkSPORT radiostansiyasının məlumatına görə, belə iddiaçılardan biri də “Liverpool” futbol klubunun da sahibi Amerikanın Fenway Sports Group (FSG) holdinqi olub.
FSG-nin əsas səhmdarlarından biri amerikalı milyarder Con Henri II-dir. O, “Liverpool”la yanaşı, “Boston Red Sox” beysbol klubunun iqtisadiyyatına, eləcə də NHL-in məşhur komandalarından olan “Pittsburgh Penguins”ə nəzarət edir. Bununla belə, ötən yay “Boston”un səhmlərinin 38%-i Amazon-un təsisçisi Ceff Bezosun rəhbərlik etdiyi konsorsiuma satılıb.
Holdinq biznesini kifayət qədər uğurla aparıb. Təkcə onu demək kifayətdir ki, 2010-cu ildə “Liverpool” ona 300 milyon funt sterlinqə başa gəlib, hazırda isə klub 5.5 milyard dəyərində qiymətləndirilir. FSG-nin avtoidman aktivləri ilə iş təcrübəsi də var: NASCAR seriyasında çıxış edən RFK Racing komandasının səhmlərinin 50%-i ona məxsusdur.
Cadillac F1 səhmlərinin payı 3 milyard dollar qiymətləndirilir, hərçənd TWG Global şirkəti hələlik komandanın aktivlərinin mütləq satılacağını təsdiqləmir.
