Eksperimentin yekunlarına əsasən, Toto Volff bildirib ki, yenilənmiş maşın fərqli sazlanma yanaşması tələb edir, komanda isə hələlik gözlənilən artımı əldə etməyib.
Toto Volff: “Həftəsonunu maşının iki fərqli versiyası ilə keçirmək komanda üçün qeyri-adi qərar idi. Biz bu addımı ona görə atdıq ki, öyrənmə prosesini sürətləndirmək istəyirdik və bu təcrübə faydalı oldu.
Yekun vursaq, yeni maşın əvvəlki versiya ilə müqayisədə sazlanmalara tam fərqli yanaşma tələb edir. Hazırda məhz bu məqamı araşdırırıq.
Maşın əvvəlki kimi idarəetmədə sadə oldumu? Düşünürəm ki, yox. Yeniliklərdən gözlədiyimiz sürət artımını verdi? Hələlik bu da yox, amma bu, doğru istiqamətdə atılmış addımdır.
Ostində başa düşməliyik ki, əldə olunan irəliləyişi möhkəmləndirmək mümkün olacaqmı və maşının əlavə potensialı varmı. Bu, son dərəcə vacibdir, çünki növbəti mövsüm üçün maşının hazırlanmasının istiqaməti bundan asılıdır”.
Bununla yanaşı, Toto Volff əlavə edib ki, Ostində keçiriləcək növbəti mərhələdə Corc Rassell, böyük ehtimalla, W17-nin yenilənmiş versiyasını alacaq: “Hazırda hər iki maşını yeni versiyada gətirməyə meyilliyik.
Hər iki sürücü hesab edir ki, yeniliklər növbəti mərhələdə müsbət təsir və üstünlük verməlidir. Bundan başqa, gələn mövsümə hazırlıq baxımından düşünürəm ki, bu, düzgün istiqamətdir.
Bununla belə, yekun qərarı mütəxəssislərimiz hələ müzakirə etməlidir. Onlar hər şeyi müzakirə edəcəklər, bundan sonra isə maşının hansı konfiqurasiyasından istifadə etmək istədiyimizi müəyyənləşdirəcəyik”.
