FİA Formula1 sürücülərini xəbərdar edib ki, şikananı kəsməyə görə onlar amansızlıqla cərimə olunacaqlar. Sıralanma turundan əvvəl FİA-nın yarış direktoru Çarli Uaytinq komandalara yazılı xəbərdarlıq göndərib ki, federasiya sürücülərin birinci və ikinci şikanaları kəsmək cəhdlərinin qarşısını alacaq…

Çarli Uaytinq: “Sıralanma turunda sürücünün şikananı kəsdiyi və ya yanından keçdiyi dövrə hesab alınmayacaq. Əgər sürücü yarış zamanı bu əmıi üç dəfə təkrar edərsə, onda pit-leyndən keçməklə cərimə olunacaq. Aydın məsələdir ki, sürücünün qəzadan və ya toqquşmadan qaçaraq bu əməli etməsi nəzərə alınmayacaq.”

Dünənki GP2 yarışının finişindən sonra səkkiz sürücü yekun nəticələrinin üzərinə 25 saniyə əlavə olunmaqla cərimə ediliblər – buna səbəb tunelin çıxışında və Hovuzdakı şikanının kəsilməsidir. Yarışın direktoru Çarli Uaytinq eyni halın Formula1 yarışında da baş verməməsi üçün sürücüləri xəbərdar edib…

Çarli Uaytinq: “Əgər apeksi keçərkən xarici təkərin bir hissəsi trasda qalarsa, biz maşının trasda olduğunu qəbul edəcəyik. Amma əgər apeksdən sonra bütün dörd təkər porebriki keçərsə onda stüardlar cərimə xəbərini alacaqlar. Trasda müşahidəçilər qoyulub, onlar məni və stüardları məlumatlandıracaqlar.”