Bu gün son iki ilin çempionu Red Bull komandası 2012-ci il mövsümü üçün hazırladığı yeni maşınını təqdim edib. Keçən il olduğu kimi yeni maşın mövsümöncəsi testlərə qədər hazırlanıb, amma bu dəfə təqdimat mərasimi virtual olub – komandanın rəsmi saytında yeni maşının şəkilləri və məsul şəxslərin müsahibələri dərc olunub. Sabah RB8 Xeres testlərində debüt edəcək və ilk iki günü sükan arxasında Mark Uebber işləyəcək.
RB8-in burun elementində mövsümə xas olan “pillə” yer alıb – komandanın mühəndisləri maşının ön hissəsinin əvvəlki konsepsiyasını saxlayıblar…