Mayami-2023: Yarış

Həftə sonu Mayami trası öz xarakterini göstərib. Təşkilatçılar yeni asfalt çəkiblər, o, hamar və sürüşkən olub. Bu da təkərlərin səmərəli isinməsinə imkan verməyib.

F-1.az xatırladır ki, ilk məşqlərdə Corc Rassell, sonrakı iki məşqlərdə isə Maks Ferstappen birinci olub. Poul uğrunda mübarizədə Serxio Peres qalib gəlib ki, bunda da son dəqiqələrdə baş verən qəzanın xüsusi rolu olub.

Pirelli buraya C2, C3 və C4 tərkiblərini gətirib. Okon, Ferstappen, Hülkenberq, Həmilton, Çjou, Tsunoda və Stroll sərt, McLaren sürücüləri yumşaq, qalanları isə orta təkərlərlə start alıblar.

Yarışa ilk cərgədən Peres və Alonso, ikinci cərgədən Sayns və Maqnussen, üçüncü cərgədən isə Qasli və Rassell başlayıblar.

Startda Peres üstünlüyünü qoruyub. Maqnussen üç mövqe itirib, Bottas Okon və Ferstappeni qabaqlayıb. Piastri Soft-larla beş yeri geri qazanıb və Norris de Friz ilə təmasdan sonra üç yer itirib. 2-ci dövrədə ilk onluq: Peres – Alonso – Sayns – Qasli – Rassell – Lekler – Maqnussen – Bottas – Ferstappen – Okon.

Sarcent üçüncü dövrədə məcburi pit-stop edib. Lekler və Maqnussen mübarizə apararkən Ferstappen ikisini eyni anda keçib.  Norris də təkərlərini dəyişib, Okon Bottası qabaqlayıb. Piastri pit-stopa yollanan üçüncü sürücü olub.

Ferstappen 9 və 10-cu dövrələrdə Rassell və Qaslini də keçərək dördüncü yerə qədər yüksəlib. Dörd dövrə sonra isə Saynsı da geridə qoyaraq ilk üçlüyə yüksəlib. Maqnussen 1 dövrə sonra təkərlərini dəyişib, Ferstappenin növbəti qurbanı isə Alonso olub.

Həmilton Elbonu üstələyib, Qasli, Bottas və de Friz təzə təkərlərə keçiblər. Rassell və Lekler eyni anda pit yoluna üz tutublar. Sayns eyni addımı 2 dövrə sonra atıb. Peres əylənmədə səhvə yol verib. Sayns pit yolunda sürət həddini aşdığı üçün beş saniyəlik cəza alıb.

Peres Okonu keçib, Həmilton Hülkenberqi geridə qoyub. Stroll Rassellə mübarizədə ədalətsiz üstünlük əldə etdiyindən, onu irəli buraxmalı olub. Alonso da 25-ci dövrədə pit-stop edib, bir dövrə sonra Saynsı keçərək dördüncülüyə qalxıb.

Rassell Hülkenberqi məğlub edib, Alonso Okon və Saynsı ötüb. Həmilton fərqli strategiyada olan Rasselli komandasının xahişi ilə irəli buraxıb. Okon Saynsı keçsə də, ispan sürücü yerini bərpa edib. 38-ci dövrədə Rassell də Saynsı keçib. Həmilton pit-stop edib və bir qədər sonra Bottası üstələyib.

Ferstappen yalnız 46-cı dövrədə təkərlərini dəyişib və 1.5 saniyə geridə ikinci yerdə trasa qayıdıb. Lakin o liderliyi almaq üçün çox gözləməyib. Qalan dövrələrdə əhəmiyyətli bir hadisə baş verməyib.

Beləliklə, Maks Ferstappen mövsümdə üçüncü, karyerasında 38-ci qələbəsini qazanıb. Serxio Peres ikinci olaraq komandaya 26-cı qələbə dublunu qazandırıb. Fernando Alonso isə geridə qalan 5 yarışda dördüncü dəfə podiumun son pilləsinə yüksəlməyi bacarıb.

Bu yarışda bütün sürücülər finişə çatıblar

Mübarizə 2 həftə sonra İmolada davam edəcək…

Yer N Sürücü Komanda Zaman Pit
1 1 Maks Ferstappen Red Bull 1:27:38.241 1
2 11 Serxio Peres Red Bull + 0:05.384 1
3 14 Fernando Alonso Aston Martin + 0:26.305 1
4 63 Corc Rassell Mercedes + 0:33.229 1
5 55 Karlos Sayns * Ferrari + 0:42.511 1
6 44 Lyuis Həmilton Mercedes + 0:51.229 1
7 16 Şarl Lekler Ferrari + 0:52.988 1
8 10 Pyer Qasli Alpine + 0:55.670 1
9 31 Esteban Okon Alpine + 0:58.123 1
10 20 Kevin Maqnussen Haas + 1:02.945 1
11 22 Yuki Tsunoda AlphaTauri + 1:04.309 1
12 18 Ləns Stroll Aston Martin + 1:04.754 1
13 77 Valtteri Bottas Alfa Romeo + 1:11.637 1
14 23 Aleksander Elbon Williams + 1:12.861 1
15 27 Niko Hülkenberq Haas + 1:14.950 1
16 24 Quanyu Çjou Alfa Romeo + 1:18.440 1
17 4 Lando Norris McLaren + 1:27.717 1
18 21 Nik de Friz AlphaTauri + 1:28.949 1
19 81 Oskar Piastri McLaren +1 dövrə 1
20 2 Loqan Sarcent Williams +1 dövrə 1

 

* – Saynsın nəticəsinə pit yolunda sürət hədini aşdığı üçün 5 saniyə əlavə edilib

Sürətli dövrə: Maks Ferstappen (Red Bull) – 1:29.708  (56-cı dövrə, 217.184 km/saat)

 

SÜRÜCÜLƏRİN ÇEMPİONATI:

Yer N Sürücü Ölkə Komanda Xal
1 1 Maks Fertappen Oracle Red Bull Racing 119
2 11 Serxio Peres Oracle Red Bull Racing 105
3 14 Fernando Alonso Aston Martin Aramco Cognizant F1 Team 75
4 44 Lyuis Həmilton Mercedes-AMG PETRONAS F1 Team 56
5 55 Karlos Sayns Scuderia Ferrari 44
6 63 Corc Rassell Mercedes-AMG PETRONAS F1 Team 40
7 16 Şarl Lekler Scuderia Ferrari 34
8 18 Ləns Stroll Aston Martin Aramco Cognizant F1 Team 27
9 4 Lando Norris McLaren F1 Team 10
10 10 Pyer Qasli BWT Alpine F1 Team 8
11 27 Niko Hülkenberq MoneyGram Haas F1 Team 6
12 31 Esteban Okon BWT Alpine F1 Team 6
13 77 Valtteri Bottas Alfa Romeo F1 Team Stake 4
14 81 Oskar Piastri McLaren F1 Team 4
15 24 Quanyu Çjou Alfa Romeo F1 Team Stake 2
16 22 Yuki Tsunoda Scuderia AlphaTauri 2
17 20 Kevin Maqnussen MoneyGram Haas F1 Team 2
18 23 Aleksander Elbon Williams Racing 1

 

 

MÜHƏNDİSLƏR KUBOKU:

Yer Komanda Motor Xal
1 Oracle Red Bull Racing Honda RBPT 224
2 Aston Martin Aramco Cognizant F1 Team Mercedes 102
3 Mercedes-AMG PETRONAS F1 Team Mercedes 96
4 Scuderia Ferrari Ferrari 78
5 McLaren F1 Team Mercedes 14
6 BWT Alpine F1 Team Renault 14
7 MoneyGram Haas F1 Team Ferrari 8
8 Alfa Romeo F1 Team Stake Ferrari 6
9 Scuderia AlphaTauri Honda RBPT 2
10 Williams Racing Mercedes 1
, , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*