Meksikadakı yarışdan sonra cəmi 13 ötmənin qeydə alındığı – bundan az ötmə yalnız Monakoda olduğu yarışın ardından Lyuis Həmilton bildirib ki, sürət məhdudiyyəti faktiki olaraq ona Maks Ferstappenlə mövqe uğrunda mübarizə aparmağa imkan verməyib.
Lyuis qeyd edib ki, rəqibin maşınının hava axınına düşdükdən sonra ona yaxınlaşa bilməyib, çünki onun maşını sürət limitinə yaxın olub. Yarışdan sonra o, jurnalistlərə deyib: “Bu, sadəcə absurddur: sən arxada gedirsən və aerodinamik kisədə daha çox gücün olur, amma onu ötmə üçün istifadə edə bilmirsən. Əslində, ötməyə şans qazanmaq üçün əvvəlcə ötməlisən”.
Görünür, maksimal sürətlə bağlı problem Las Veqasda də ortaya çıxacaq – Strip bulvarı boyunca uzanan uzun düzlüklə maşınlar təxminən 350 km/saat sürət yığır.
Həmilton bu məsələni Braziliyada sürücülərin brifinqində qaldırıb və reqlamentin artıq 2027-ci il mövsümündə dəyişdirilməsinin vacibliyindən danışıb. Sürücülərlə müzakirədən sonra FİA mümkün həll variantları üzərində düşünməyə razılaşıb.
The Race-in məlumatına görə, FİA bu məsələnin 2027-ci ildə həllinin mümkünlüyünü dəyərləndirmək üçün komandalarla müvafiq texniki və idman komissiyalarında məsləhətləşmələr aparmağı planlaşdırır.
Yuxarı sürət həddinin sadəcə artırılması açıq həll kimi görünür, amma əslində vəziyyət xeyli mürəkkəbdir, o cümlədən ona görə ki, hazırkı traslar 400 km/saatı aşmayan sürətlər üçün omoloqasiya olunub.





