Malayziya Qran Prisi: Yarış

Quru. Günəşli. Havanın temperaturu +34° C, trasın temperaturu +62° C İsti hava və yağış – Malayziya Qran Prisinin ənənəvi atributlarıdır. […]

Quru. Günəşli. Havanın temperaturu +34° C, trasın temperaturu +62° C

İsti hava və yağış – Malayziya Qran Prisinin ənənəvi atributlarıdır. Cümə günü asfalt 60 dərəcəyədək qızmışdı, amma şənbə günü sıralanma turu yağış altında keçdi – yekunda isə düz bir əvvəlki nəticə qeydə alındı: Həmilton – Fettel – Rosberq.

Sıralanma turundan sonra stüardlar Roman Qrojanı startda iki yer itirməklə cərimə ediblər – fransalı sürücü pit-leynin çıxışında növbə gözləmədiyi üçün bu cəzaya məhkum edilib. Stüardlar Manor komandasının hər iki sürücüsünü də starta buraxıblar.

Pirelli Malayziyaya ən bərk təkər cütlüyü gətirib. Dünən sıralanma turunda ikinci sessiyada sürücülər yağışa qədər Medium təkərlərlə nəticə göstərdikləri üçün ilk onluq startda bu təkərləri seçməli olub. Amma digər sürücülər də bu tərkibə üstünlük veriblər, ancaq McLaren sürücüləri starta Hard təkərlərlə çıxıblar.

Startda ilk üçlük mövqeyini qoruya bilib, Massa Kvyatı qabaqlayıb, Ferstappen və Erikson təmas yaşasalar da yarışa davam ediblər, amma Maldonadonun Bottasla və Rəykkönenin Nasrla toqquşması birincilərin maşınında təkərin deşilməsinə səbəb olub. 2-ci dövrənin sonunda ilk onluq: Həmilton – Fettel – Rosberq – Rikkardo – Massa – Kvyat – Hülkenberq – Erikson – Qrojan – Ferstappen.

4-cü dövrədə Erikson Hülkenberqi keçməyə cəhd edib, amma əylənmədə səhvə yol verib və trasdan çıxaraq çınqıllı sahədə ilişib qalıb. Trasa Təhlükəsizlik Maşını (TM) buraxılıb. Bir çox sürücülər boksa tələsiblər, o cümlədən Mercedes AMG komandasının sürücüləri – boksa getməyən Fettel liderliyi ələ keçirib. Bu seçim yarışın taleyini həll edib. TM-in arxasında ilk onluq: Fettel – Hülkenberq – Qrojan -Sayns – Peres – Həmilton – Rikkardo – Massa – Rosberq – Ferstappen.

6-cı dövrənin sonunda TM trası tərk edib və restart verilib. Həmilton Peresi üstələyib, bu mübarizədən Rikkardo da yararlanıb və Serxionu arxada qoyub. Daha sonra Peresi Rosberq, Ferstappen və Kvyat keçiblər. 10-cu dövrədə Rosberq Massanı, Həmilton Saynsı keçiblər. Fettel artıq Hülkenberq üzərində üstünlüyünü 10 saniyəyə çatdırıb – Nikonun arxasında isə böyük qatar əmələ gəlib. Həmilton Force İndia sürücüsü keçərək Fettel arxasınca tələsib.

Rikkardo Saynsı ötməyə çalışıb, amma əylənmədə səhvə yol verərək Rosberqi də irəli buraxıb. 12-ci dövrədə ilk onluq: Fettel – Həmilton – Hülkenberq – Qrojan – Sayns – Rikkardo – Rosberq – Massa – Bottas – Ferstappen.

13-cü dövrədə Rəykkönen Peresi üstələyərək 12-ci yerə yüksəlib, Rosberq isə əvvəlcə Qrojanı, sonra isə Hülkenberqi keçərək 3-cü yerə qalxıb. Maldonado TM-in araxsında sürət rejimini pozduğu üçün 10 saniyəlik cərimə alıb.

15-ci dövrədə Sayns və Rəykkönen boksa gedərək yeni təkərlərlə trasa qayıdıblar, 16-cı dövrədə Hülkenberq və Qrojan da yeni təkərlərə keçiblər. Fettel 18-ci dövrədə yeni təkərlərlə trasa 3-cü qayıdıb.

Ferstappen və Kvyat Rikkardonu arxada qoyublar. Avstraliya sürücü boksa yollanıb. Peres də pit-stop gerçəkləşdirib. 20-ci dövrədə ilk onluq: Həmilton – Rosberq – Fettel – Massa – Bottas – Ferstappen – Kvyat – Alonso – Rəykkönen – Batton.

21-ci dövrədə Nasr və Ferstappen boksa yollanıblar, 22-ci dövrədə Fettel Rosberqi keçərək 2-ci yerə yüksəlib. Batton və Kvyat da yeni təkər dəsti üçün boksa gediblər. Yarış mühəndisi Alonsoya bildirib ki, onun maşınında ERS-in soyudulması problemləri var – Fernando boksda dayanmalı olub.

Rosberqdən uzaqlaşan Fettel sürətlə Həmiltona yaxınlaşmağa başlayıb – Ferrari Medium təkərlərlə çox sürətli işləyib. 23-cü dövrədə Ferstappen xarici radiusla Rikkardonu üstələyib. 24-cü dövrədə Həmilton arax təkərlərin effektivsizliyindən gileylənib və son döngədə Fettel yanından şütüyüb keçdikdən sonra boksa yönəlib.

25-ci dövrədə Massa, 26-cı dövrədə Bottas, 27-ci dövrədə isə Rosberq və Qrojan yenidən bokslarına qonaq olublar. Rikkardonun maşınında əyləclər qızıb – mühəndisi ondan Kvyatı buraxmasını istəyib. Rusiyalı sürüsü komanda yoldaşını keçən kimi Hülkenberqə hücum edib, amma Niko onun maşınına çırpılıb. Kvyat bir neçə mövqe itirsə də, yarışı davam etdirə bilib.

29-cu dövrədə Rosberq 3-cü yer uğrunda mübarizədə Rəykköneni qabaqlayıb. Massa isə Saynsı keçərək 5-ci yerə yüksəlib. Növbəti dövrədə Ferstappen də komanda yoldaşını keçib.

Peresi ötməyə çalışarkən Qrojan kiçik təmasdan sonra trasdan çıxmalı olub, amam mübarizəni davam etdirə bilib. Hər iki Force İndia sürücüsü 10 saniyəlik cərimə alıblar – onlar Kvyat və Qrojanla insidentlərdə günahkar hesab olunublar.

31-ci dövrədə Nasr, 32-ci dövrədə Hülkenberq, 33-cü dövrədə Sayns pit-stop keçiriblər. 35-ci dövrədə Bottas Ferstappeni üstələyib, Rəykkönen, Rikkardo və Qrojan isə yeni təkər dəstinə keçiblər. 36-cı dövrədə Batton və Peres də yeni təkər dəsti alıblar.

Fettel Həmilton üzərindəki üstünlüyü nəzarət altında saxlayaraq yarışa inamla başçılıq edib. 37-ci dövrədə Rəykkönen Ferstappeni qabaqlayaraq 6-cı yerə yüksəlib. 38-ci dövrədə Fettel 2-ci və sonuncu pit-stopunu keçirərək trasa ikinci qayıdıb – Rosberq arxadan dərhal hücum təşkil etmək istəsə də, buna nail ola bilməyib.

39-cu dövrədə Həmilton və Massa boksa yollanıblar, Lyuis trasa üçüncü qayıdıb. 40-cı dövrədə Kvyat da son pit-stopunu reallaşdırıb. Həmilton Medium əvəzinə Hard təkərlər aldığı üçün komandasından gileylənib – britaniyalı sürücü daha yumşaq təkərlərlə Fettelı çatmağı planlaşdırmışdı. 42-ci dövrədə Rosberq Medium təkərlər alaraq trasa 3-cü qayıdıb.

Batton komandasına xəbər verib ki, motor gücünü itirib və boksa qayıtmalı olub – McLaren komandası üçün daha bir xalsız yarış. 43-cü dövrədə ilk onluq: Fettel – Həmilton – Rosberq – Rəykkönen – Massa – Sayns – Ferstappen – Rikkardo – Kvyat.

49-cu dövrədə Ferstappen komanda yoldaşını üstələyib – hər iki Toro Rosso sürücüsü ana komandanın sürücülərini inamla arxada saxlayıblar. Maldonado yenə də yarışı başa vurmadan maşını boksda saxlamalı olub. 53-cü dövrədə Kvyat Rikkardonu qabaqlayıb – bu zaman komandanın keçənilki sürücüsü Fettel onları bir dövrə arxada qoyub. 55-ci dövrədə Bottas komanda yoldaşını üstələyərək 5-ci yerə qalxıb.

Sebastyan Fettel yarışı iki pit-stopla başa vuraraq karyerasında 40-cı qələbəsini qazanıb. Fettel 2013-cü il Braziliyadan sonra, Ferrari isə həmin il İspaniyadan sonra qələbə həsrətinə son qoyublar. “Ferrari qayıtdı” – qışqıran Mauritsio Arrivabene sürücüsünü qələbə münasibətilə təbrik edib.

Lyuis Həmilton finiş xəttini ikinci keçərək çempionatda liderliyini qoruya bilib, Niko Rosberq isə podiumun aşağı pilləsinə qalxıb.

Finiş xəttini 7-ci keçən Maks Ferstappen Formula1 tarixinin xal qazanan ən gənc sürücüsü adını Daniil Kvyatdan alıb.

Yarış çox gözəl keçdi, gərgin mübarizə ilə yadda qaldı – amma hələ də real qüvvələr nisbəti barədə sualları cavabsız qoydu. F-1.az xatırladır ki, iki həftədən sonra Şanxayda mübarizə davam edəcək…

Yer Pilot Komanda Motor Vaxt
01 S.Fettel Ferrari Ferrari 1:41:05.793
02 L.Həmilton Mercedes AMG Mercedes + 0:08.569
03 N.Rosberq Mercedes AMG Mercedes + 0:12.310
04 K.Rəykkönen Ferrari Ferrari + 0:53.822
05 V.Bottas Williams Mercedes + 1:10.409
06 F.Massa Williams Mercedes + 1:13.586
07 M.Ferstappen Toro Rosso Renault + 1:39.085
08 K.Sayns Toro Rosso Renault + 1 dövrə
09 D.Kvyat Red Bull Renault + 1 dövrə
10 D.Rikkardo Red Bull Renault + 1 dövrə
11 R.Qrojan Lotus Mercedes + 1 dövrə
12 F.Nasr Sauber Ferrari + 1 dövrə
13 S.Peres Force İndia Mercedes + 1 dövrə
14 N.Hülkenberq Force İndia Mercedes + 1 dövrə
15 R.Merhi Manor Ferrari + 3 dövrə
16 P.Maldonado Lotus Mercedes
17 C.Batton McLaren Honda
18 F.Alonso McLaren Honda
19 M.Erikson Sauber Ferrari
20 U.Stivens Manor Ferrari

Sürətli dövrə: Niko Rosberq (Mercedes AMG) – 1:42.062 (43-cü dövrə).

Turnir cədvəli:

Yer Pilot Komanda Motor Xal
01 L.Həmilton Mercedes AMG Mercedes 43
02 S.Fettel Ferrari Ferrari 40
03 N.Rosberq Mercedes AMG Mercedes 33
04 F.Massa Williams Mercedes 20
05 K.Rəykkönen Ferrari Ferrari 12
06 F.Nasr Sauber Ferrari 10
07 V.Bottas Williams Mercedes 10
08 D.Rikkardo Red Bull Renault 09
09 N.Hülkenberq Force İndia Mercedes 06
10 M.Ferstappen Toro Rosso Renault 06
11 K.Sayns Toro Rosso Renault 06
12 M.Erikson Sauber Ferrari 04
13 D.Kvyat Red Bull Renault 02
14 S.Peres Force İndia Mercedes 01
15 C.Batton McLaren Honda 0
16 R.Qrojan Lotus Mercedes 0
17 R.Merhi Manor Ferrari 0
18 P.Maldonado Lotus Mercedes 0
19 F.Alonso McLaren Honda 0
20 K.Maqnussen McLaren Honda 0
21 U.Stivens Manor Ferrari 0

Mühəndislər Kuboku:

Yer Komanda Motor Xal
01 Mercedes AMG Mercedes 76
02 Ferrari Ferrari 52
03 Williams Mercedes 30
04 Sauber Ferrari 14
05 Toro Rosso Renault 12
06 Red Bull Renault 11
07 Force İndia Mercedes 07
08 Lotus Mercedes 0
09 McLaren Honda 0
10 Manor Ferrari 0
, , , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Malayziya Qran Prisi: Yarış

Yarışın əvvəlində qurumaqda olan tras, sonra quru. Buludlu. Havanın temperaturu +25° C, trasın temperaturu +31° C Bir həftə əvvəl Albert […]

Yarışın əvvəlində qurumaqda olan tras, sonra quru. Buludlu. Havanın temperaturu +25° C, trasın temperaturu +31° C

Bir həftə əvvəl Albert Parkda güclü yağış üzündən mövsümün ilk sıralanma turu bazar gününə keçirilmişdi, dünən Sepanqda yağış yenə də sıralanma turunun gedişinə müdaxilə edib. Bu gün isə startdan əvvəl trasa yağış yağıb.

Dünən mövsümdə ikinci poulu Sebastyan Fettel qazanmışdı, onunla birlikdə birinci cərgədən Felipe Massa start alırdı, Alonso və Həmilton ikinci cərgədə yer alıblar. Avstraliya Qran Prisinin qalibi Kimi Rəykkönen bir həftə əvvəl olduğu kimi 7-ci nəticə göstərsə də, Niko Rosberqi bloka saldığı üçün stüardlardan üç yer itirməklə cəza alıb və yarışa 10-cu yerdən başlamalı olub.

Uik-endin gedişində hamı təkərlərin tez yeyilməsindən narahat olub – isti və cod asfalt üzərində təkərlərdən böyük fraqmentlər qopurdu, dünən sıralanma turunda komandalar təkərlərə qənaət etməyə çalışıblar, amma yağış üzündən yarışa kifayət qədər slik qalıb.

Startdan əvvəl yağıb dayanan yağış sürücülərə yağış və keçid təkərləri arasında seçim etməyə imkan verib: hələ trasa çıxma dövrəsində insidentlər yaşanıb, Valtteri Bottas isə ön antiqanadını zədələyib və yenidən boksa qayıtmalı olub. Startda bütün sürücülər maşınlarına keçid təkərləri taxıblar.

Fettel startda poulun üstünlüyünü saxlayıb. Alonso Massanı üstələyib və Sebastyanla mübarizəyə girişib, amma ön antiqanadını zədələyib. Uebber Alonsoya bir neçə dəfə hücum edib və ikinci dövrənin əvvəlində onu keçib. Bu zaman Alonsonun maşınında ön qanad dağılıb və sürücü trasdan çıxaraq mübarizədən kənar qalıb. 3-cü dövrədə ilk onluq: Fettel – Uebber – Həmilton – Batton – Rosberq – Massa – Peres – Sutil – Hülkenberq – Rikkardo.

6-cı dövrədə Fettel birinci olaraq sliklərə keçib, ondan sonra Massa Medium tərkibinə keçib. Birinci sektorda asfalt hələ nəm olub, amma 8-ci və 9-cu dövrələrdə hamı təkərləri dəyişib. Sutilin maşınına qulluq zamanı sol arxa təkərlə ləngimə olub. Həmilton isə boksunu səhv salıb: əvvəlcə keçmiş McLaren komandasının mexaniklərinə qonaq olan Lyuis cəld səhvini düzəldib. Pik və Vern isə pit-leyndə toqquşublar – insidenti stüardlar finişdən sonra araşdıracaqlar. Uebber, Qutyerres, Vern və van der Qarde Hard tərkibini seçiblər, digər sürücülər isə trasa Medium-la qayıdıblar. 10-cu dövrədə ilk onluq: Uebber – Fettel – Həmilton – Rosberq – Batton – Hülkenberq – Massa – Peres – Qrojan – Rəykkönen.

Qrojan tezliklə Peresi keçib, di Resta da komanda yoldaşı Sutili qabaqlayıb. 14-cü dövrədə Maldonado trasdan çıxaraq ön antiqanadını zədələyib və boksa getməli olub. 16-cı dövrədə Rəykkönen də Peresi keçib.

İlk dördlüyü 6 saniyə ayırıb, amma sürücülər təkərləri qorumağa üstünlük verərək mübarizəni pit-stopa qədər təxirə salıblar.

20-ci dövrədə Uebber Hard təkərlərini Medium-la dəyişib. 21-ci dövrədə Massa, Qrojan və di Resta pit-stop keçiriblər. Şotlandiyalı sürücünün mexanikləri uzun müddət təkərləri dəyişə bilməyiblər. 22-ci dövrədə Həmilton, Batton, Hülkenberq və Rəykkönen təkərlərini dəyişiblər, 23-cü dövrədə Fettel, Rosberq, Sutil, Peres, Qutyerres və Bottas da eyni addımı atıblar. Force İndia-nın mexanikləri ikinci sürücünün maşınında da problemlərlə üzləşiblər.

24-cü dövrədə di Resta maşını boksda saxlayıb və mübarizəni dayandırıb. Bu dövrədə ilk onluq: Uebber – Fettel – Həmilton – Rosberq – Batton – Massa – Qrojan – Hülkenberq – Rəykkönen – Peres.

Fettel Uebberə hücum məsafəsinə yaxınlaşıb, Red Bull sürücülərinə Həmilton da çatıb. Sebastyan komandaya bildirib ki, Mark kifayət qədər sürətli deyil, bundan sonra avstraliyalı sürücü sürətini artırıb və 4 saniyəlik fərq yaradıb. 29-cu dövrədə Sutil də boksda maşınını tərk edib – hər iki Force İndia maşınında təkərlərin bərkidilməsi problemlər yaşadıb.

31-ci dövrədə Həmilton yeni təkərlərə keçib, 32-ci dövrədə Uebber və Rosberq, 33-cü dövrədə Fettel eyni addımı atmalı olublar – Lyuis bir dövrəyə ən yaxşı nəticə göstərərək Sebastyanı qabaqlaya bilib. 34-cü dövrədə Massa və Peres, 35-ci dövrədə Hülkenberq və Rəykkönen mexaniklərinin qonağı olublar. 36-cı dövrədə Battonun pit-stopu zamanı McLaren mexanikləri səhvə yol veriblər və sürücü boksda vaxt itirməli olub. 38-ci dövrədə ilk onluq: Uebber – Həmilton – Fettel – Rosberq – Massa – Qrojan – Peres – Hülkenberq – Rəykkönen – Bottas.

Fettel Həmiltona hücum məsafəsinə yaxınlaşıb və 39-cu dövrədə irəli çıxıb, Mark bu zaman 5 saniyə öndə olub. Sebastyan Lyuisdən uzaqlaşıb və Markla fərqi azaltmağa çalışıb. 41-ci dövrədə Rəykkönen Hülkenberqi qabaqlayıb.

42-ci dövrədə Həmilton 4-cü dəfə pit-stop keçirib. 43-cü dövrədə Fettel və Rosberq, 44-cü dövrədə Uebber sonuncu pitlərini gerçəkləşdiriblər – Mark trasa düz Sebastyanın önündə qayıdıb. Üçqat dünya çempionunun bir neçə hücumunu dəf edən avstraliyalı sürücü öndə qalıb.

Komanda sürücülərindən mövqelərini qorumağı xahiş edib – hər iki sürücüyə motoru qənaət rejiminə keçirmək əmr olunub. Bir neçə dövrə vəziyyət stabil qalıb, amma sonra Fettel sürətini artırıb və 46-cı dövrədə uzunmüddətli dueldən sonra komanda yoldaşını keçərək yarışa başçılıq edib.

Bu zaman Mercedes AMG komandasının sürücüləri də aktiv mübarizə aparıblar – birinci DRS zonasında Rosberq Həmiltonu keçsə də, ikinci zonada Lyuis yenidən irəli çıxa bilib. Bir neçə dövrə eyni hal təkrar olunub. Ross Braun hər iki sürücüsünə mövqelərini qorumağı əmr edib. Niko daha sürətli olduğunu bildirib, amma Braun ona mövqeyini qorumağı əmr edib, Lyuisə isə yanacağa maksimum qənaət etmək tapşırılıb.

47-ci dövrədə Maldonado mübarizəni dayandırıb. Massa yeni təkərlər alıb və növbə ilə Peresi, Rəykköneni və Qrojanı keçərək yenidən öz mövqeyinə qayıdıb. 53-cü dövrədə Rikkardo da maşınını boksda saxlayıb. 54-cü dövrədə Batton boksda dayanıb, Peres isə yeni təkər dəsti ilə trasa qayıdıb və sonuncu dövrədə sürətli dövrəyə imza atıb.

Sebastyan Fettel karyerasında 27-ci, mövsümdə isə 1-ci qələbəsini qazanıb. Uebber ikinci olub və Red Bull komandasına mövsümdə ilk dublu yaşadıb. Həmilton və Rosberq sonrakı yerləri tutublar. Podiumda sürücülər sevinməyiblər – Uebber poduimdakı müsahibəsində bildirib ki, Fettel komanda əmrini pozub və Markın motoru qənaət rejiminə keçirməsindən istifadə edib.

Bu yarış Red Bull komandasında böhranın başlaması kimi tarixə düşə bilər. Çin Qran Prisinə üç həftə var, komandalar iki cütləşmiş yarış ərəfəsində maşınları təkmilləşdirə bilərlər…

Yer Pilot Komanda Motor Vaxt
01 S.Fettel Red Bull Renault 1.38:56.681
02 M.Uebber Red Bull Renault + 0:04.298
03 L.Həmilton Mercedes AMG Mercedes + 0:12.181
04 N.Rosberq Mercedes AMG Mercedes + 0:12.640
05 F.Massa Ferrari Ferrari + 0:25.648
06 R.Qrojan Lotus Renault + 0:35.564
07 K.Rəykkönen Lotus Renault + 0:48.479
08 N.Hülkenberq Sauber Ferrari + 0:53.044
09 S.Peres McLaren Mercedes + 1:12.357
10 J.E.Vern Toro Rosso Ferrari + 1:27.124
11 V.Bottas Williams Renault + 1:28.610
12 E.Qutyerres Sauber Ferrari + 1 dövrə
13 J.Byanki Marussia Cosworth + 1 dövrə
14 Ş.Pik Caterham Renault + 1 dövrə
15 Q.van der Qarde Caterham Renault + 1 dövrə
16 M.Çilton Marussia Cosworth + 2 dövrə
17 C.Batton McLaren Mercedes + 3 dövrə
18 D.Rikkardo Toro Rosso Ferrari + 5 dövrə
P.Maldonado Williams Renault
A.Sutil Force İndia Mercedes
P.di Resta Force İndia Mercedes
F.Alonso Ferrari Ferrari

Sürətli dövrə:S.Peres (McLaren) – 1:39.199 (56-cı dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 40
02 K.Rəykkönen Lotus Renault 31
03 M.Uebber Red Bull Renault 26
04 L.Həmilton Mercedes AMG Mercedes 25
05 F.Massa Ferrari Ferrari 22
06 F.Alonso Ferrari Ferrari 18
07 N.Rosberq Mercedes AMG Mercedes 12
08 R.Qrojan Lotus Renault 9
09 A.Sutil Force İndia Mercedes 6
10 P.di Resta Force İndia Mercedes 4
11 N.Hülkenberq Sauber Ferrari 4
12 S.Peres McLaren Mercedes 2
13 C.Batton McLaren Mercedes 2
14 J.E.Vern Toro Rosso Ferrari 1
15 V.Bottas Williams Renault 0
16 E.Qutyerres Sauber Ferrari 0
17 J.Byanki Marussia Cosworth 0
18 Ş.Pik Caterham Renault 0
19 Q.van der Qarde Caterham Renault 0
20 M.Çilton Marussia Cosworth 0
21 D.Rikkardo Toro Rosso Ferrari 0
22 P.Maldonado Williams Renault 0

Mühəndislər Kuboku:

Yer Komanda Motor Xal
01 Red Bull Renault 66
02 Lotus Renault 40
03 Ferrari Ferrari 40
04 Mercedes AMG Mercedes 37
05 Force İndia Mercedes 10
06 Sauber Ferrari 4
07 McLaren Mercedes 4
08 Toro Rosso Ferrari 1
09 Williams Renault 0
10 Marussia Cosworth 0
11 Caterham Renault 0
, , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Malayziya Qran Prisi: Yarış

Yarışın əvvəlində yağış, sonunda qurumaqda olan tras. Buludlu. Havanın temperaturu +26° C, trasın temperaturu +27° C Yarışın startında sürücülərin düzümü […]

Yarışın əvvəlində yağış, sonunda qurumaqda olan tras. Buludlu. Havanın temperaturu +26° C, trasın temperaturu +27° C

Yarışın startında sürücülərin düzümü debüt Qran Prinin ənənəsini təsdiq edib – ilk cərgəni yenə də McLaren sürücüləri tutublar, ikinci cərgədə Mixael Şumaher və Mark Uebber yer alıblar. Strategiya və təkərlərin yeyilməsinə nəzarət yarışın həlledici faktoru olmalı idi, amma ən ciddi faktor hava şəraiti oldu – starta 15 dəqiqə qalmış yağış başlayıb və komandalar planalrını operativ dəyişməyə başlayıblar.

FİA iqlim şəraitinin dəyişməsini elan edib, mexanikləri sazlanmalara düzəlişlər ediblər və maşınlarda təkərlər dəyişdirilib – sürücülərin çoxu keçid təkərlərini seçiblər.

Startda Həmilton poulun üstünlüyünü qoruyub, Şumaher və Qrojan toqquşaraq arxaya düşüblər. Yağış güclənməyə başlayıb və bir neçə sürücü ilk dövrələrdə boksa gedərək aşır yağış təkərlərinə keçib.

4-cü döngədə Qrojan çınqıllığa düşərək ardıcıl ikinci yarışını vaxtından əvvəl başa vurub. Trasın vəziyyəti tədricən pisləşib, sürücülər suyun çoxluğundan gileyləniblər, liderlər də təkərlərini dəyişiblər, 7-ci dövrədə trasa Təhlükəsizlik Maşını (TM) çıxıb.

TM-in arxasında ilk onluq: Həmilton – Batton – Peres – Uebber – Alonso – Fettel – Vern (hələ də keçid təkərlərində qalıb) – Massa – Rosberq – Kartikeyan (yağış təkərləri ilə start alıb).

Yağış gücləndiyi üçün 9-cu dövrədə yarış qırmızı bayraqlarla dayandırılıb.

Maşınlar start sahəsinə düzülüblər, komandalar hər bir maşının üzərində çadır qurublar. Pauza uzanıb və yalnız 50 dəqiqədən sonra yarış TM-in arxasında canlanıb – rəsmən hamının ağır yağış təkərlərinə keçməsi əmr olunub.

Pedro de la Rosanın maşınına qulluq edən HRT mexanikləri start sahəsini vaxtında tərk edə bilmədikləri üçün ispaniyalı sürücü pit-leyndən keçməklə cərimə olunub.

TM 14-cü dövrədə trası tərk edib və mübarizə canlanıb. Həmilton liderliyini qoruyub, amma arxada sürücülərin çoxu dərhal boksa yollanaraq yağış təkərlərini keçid təkələrinə dəyişiblər. Dördüncü döngədə Fettel Uebberi keçib.

15-ci dövrədə Həmilton, Alonso, Uebber, Massa, di Resta, Şumaher, Rikkardo və Kovalaynen təkərlərini dəyişiblər. Alonso boksdan Həmiltonun önündə trasa qayıdıb.

Trasda qalan Batton Kartikeyanla təmas yaşayıb və ön antiqanadını zədələyib və boksa tələsəib. Eyni dövrədə Peres, Fettel, Vern və Hülkenberq də mexaniklərinin qonağı olublar. Alonso yarışa başçılıq edib.

17-ci dövrədə ilk onluq: Alonso – Peres – Həmilton – Rosberq – Fettel – Rəykkönen – Uebber – Massa – di Resta – Vern.

Yağış tam dayanıb, görünmə yaxşılaşıb, 20-ci dövrədə DRS-dən istifadəyə icazə verilib. 23-cü dövrədə Fettel Rosberqi qabaqlayıb, bir dövrə sonra Rəykkönen, daha bir dövrə sonra isə Uebber də almaniyalı sürücünü keçiblər. Senna Şumaheri keçərək 12-ci yerə yüksəlib. Massa səhvə yol verib və Verni irəli buraxıb, braziliyalı sürücü boksa gedərək növbəti keçid təkərləri dəstini alıb.

30-cu dövrədə Kobayaşi beşinci döngədə Şumaheri qabaqlayaraq onuncu yerə yüksəlib.

31-ci dövrədə Alonso Peresi 7 saniyədən çox qabaqlayıb, amma meksikalı sürücü bir neçə dövrəyə fərqi bir saniyənin altına salıb. 38-ci dövrədə Rikkardo birinci olaraq sliklərə keçib, hamı onun nəticələrini izləməyə başlayıb. İki dövrə sonra Fernando boksa tələsib.

Amma Peres trasda qalıb və yeyilmiş təkərlərlə trasda təzə slikə keçmiş sürücülərdən zəif olduğu üçün vaxt itirib və boksa yönəlib. Həmiltonun pit-stopu zamanı mexaniklər ləngiyiblər və ilk üçlük dəyişməz qalıb.

43-cü dövrədə ilk onluq: Alonso – Peres – Həmilton – Fettel – Uebber – Rəykkönen – di Resta – Senna – Vern – Hülkenberq.

Serxio yenə də 7 saniyəlik fərqi azaltmağa başlayıb, meksikalı sürücü bu gün çox sürətli olub və bir neçə dövrədən sonra artıq DRS-dən istifadə etməyə başlayıb.

48-ci dövrədə Fettel kartikeyanla təmas yaşayıb və RB8-in arxa sol təkəri deşilib, sonra isə dağılıb. Sebastyan maşını mexaniklərə çatdıra bilib, amma trasa çox arxada qayıdıb.

49-cu dövrədə Peresə radio ilə ehtiyatlı olmaq əmri verilib və bundan bir qədər sonra 14-cü döngədə səhvə yol verərək trasdan çıxıb. Alonso ilə fərq 5 saniyəyə qalxıb.

55-ci dövrədə onuncu yerdə olan Maldonadonun maşınında motor imtina edib, bir həftə əvvəl Avstraliyada olduğu kimi Pastor yenə də finişə bir dövrə qalmş yarışı dayandırıb. Komanda Fettelə maşını saxlamaq əmri versə də, almaniyalı sürücü əmrlərə məhəl qoymayıb.

Alonso yarışı qələbə ilə başa vurub – karyerasında 28-ci qələbə. Peres müstəqil Sauber komandasının tarixində ən yaxşı nəticəyə imza atıb – Peter Zauberin komanda körpüsündə gözləri yaşarıb. Həmilton finişdə üçüncü olub.

Bruno Senna karyerasının ən yaxşı nəticəsini göstərib, Jan Erik Vern Formula1-də ilk xallarını qazanıb, Mixael Şumaher isə mövsümdə Mercedes AMG-yə ilk xalı qazandırıb.

Yer Pilot Komanda Motor Vaxt
01 F.Alonso Ferrari Ferrari 2.44:51.812
02 S.Peres Sauber Ferrari + 0:02.263
03 L.Həmilton McLaren Mercedes + 0:14.591
04 M.Uebber Red Bull Renault + 0:17.688
05 K.Rəykkönen Lotus Renault + 0:29.456
06 B.Senna Williams Renault + 0:37.667
07 P.di Resta Force İndia Mercedes + 0:44.412
08 J.E.Vern Toro Rosso Ferrari + 0:46.985
09 N.Hülkenberq Force İndia Mercedes + 0:47.892
10 M.Şumaher Mercedes AMG Mercedes + 0:49.996
11 S.Fettel Red Bull Renault + 1:15.527
12 D.Rikkardo Toro Rosso Ferrari + 1:16.828
13 N.Rosberq Mercedes AMG Mercedes + 1:18.593
14 C.Batton McLaren Mercedes + 1:19.719
15 F.Massa Ferrari Ferrari + 1:37.319
16 V.Petrov Caterham Renault + 1 dövrə
17 T.Qlok Marussia Cosworth + 1 dövrə
18 H.Kovalaynen Caterham Renault + 1 dövrə
19 P.Maldonado Williams Renault + 2 dövrə
20 Ş.Pik Marussia Cosworth + 2 dövrə
21 P.de la Rosa HRT Cosworth + 2 dövrə
22 N.Kartikeyan HRT Cosworth + 2 dövrə
K.Kobayaşi Sauber Ferrari
R.Qrojan Lotus Renault

Sürətli dövrə: Kimi Rəykkönen (Lotus) – 1:40.722 (53-cü dövrə).

Turnir cədvəli:

Yer Pilot Komanda Motor Xal
01 F.Alonso Ferrari Ferrari 35
02 L.Həmilton McLaren Mercedes 30
03 C.Batton McLaren Mercedes 25
04 M.Uebber Red Bull Renault 24
05 S.Peres Sauber Ferrari 22
06 S.Fettel Red Bull Renault 18
07 K.Rəykkönen Lotus Renault 16
08 B.Senna Williams Renault 8
09 K.Kobayaşi Sauber Ferrari 8
10 P.di Resta Force İndia Mercedes 7
11 J.E.Vern Toro Rosso Ferrari 4
12 D.Rikkardo Toro Rosso Ferrari 2
13 N.Hülkenberq Force İndia Mercedes 2
14 M.Şumaher Mercedes AMG Mercedes 1
15 N.Rosberq Mercedes AMG Mercedes 0
16 P.Maldonado Williams Renault 0
17 T.Qlok Marussia Cosworth 0
18 Ş.Pik Marussia Cosworth 0
19 F.Massa Ferrari Ferrari 0
20 V.Petrov Caterham Renault 0
21 H.Kovalaynen Caterham Renault 0
22 P.de la Rosa HRT Cosworth 0
23 N.Kartikeyan HRT Cosworth 0
24 R.Qrojan Lotus Renault 0

Mühəndislər Kuboku:

Yer Komanda Motor Xal
01 McLaren Mercedes 55
02 Red Bull Renault 42
03 Ferrari Ferrari 35
04 Sauber Ferrari 30
05 Lotus Renault 16
06 Force İndia Mercedes 9
07 Williams Renault 8
08 Toro Rosso Ferrari 6
09 Mercedes AMG Mercedes 1
10 Marussia Cosworth 0
11 Caterham Renault 0
12 HRT Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Malayziya Qran Prisi: Yarış

Quru. Buludlu. Havanın temperaturu +28° C, trasın temperaturu +31° C Hava proqnozu Malayziya uik-endinin hər üç günü yağış vəd edirdi, […]

Quru. Buludlu. Havanın temperaturu +28° C, trasın temperaturu +31° C

Hava proqnozu Malayziya uik-endinin hər üç günü yağış vəd edirdi, amma yağış sürücülərə mane olmadı. Bu gün sürücülər trasda start düzlüyünə çıxarkən də komandalar meteo-radarın xəbərlərini diqqətlə izləyirdilər – trasa qara buludlar yaxınlaşırdı, amma hamının gözlədiyi olmadı, trasa bir neçə damcı düşdü…

Startda Fettel poulun üstünlüyünü qoruyub saxlaya bilib, Haydfeld ikinci, Petrov isə beşinci yerə yüksəliblər. Uzun start düzlüyündə KERS-i işləməyən Uebber onuncu yerə düşüb. Birinci dövrənin sonuncu döngəsində Uebber Kobayaşini qabaqlayıb, finiş xəttini keçdikdən sonra isə Barrikellonun arxa sol təkəri partlayıb və braziliyalı sürücü tam dövrəni boksa qayıtmalı olub.

Üçüncü dövrədə Kobayaşi Uebberi üstələyib, iki dövrə sonra Massa Petrovu üstələyib, bir az sonra rusiyalı sürücü səhvə yol verib və Alonso asanlıqla onu keçib. Yeddinci dövrədə Mark yenidən Kamuini üstələyib, amma start düzlüyündə arxa antiqanadın hərəkətli elementindən istifadə edən yaponiyalı sürücü mövqeyini geri qaytara bilib. Ümumiyyətlə, bu sürücülər bir neçə dəfə mövqelərini dəyişiblər.

Tezliklə yumşaq təkərləri yeyilən sürücülər pit-stoplara başlayıblar. Artıq 11-ci dövrədə Mark təzə yumşaq təkər dəsti alıb, 13-cü dövrədə Həmilton, 14-cü dövrədə isə sürücülərin böyük bir qrupu boksa müraciət edib. İki dövrə liderlik etmiş Petrov 16-cı dövrədə pitə gedib.

İlk pit-stoplar dalğasından sonra Haydfeld startda qazandığı üstünlüyü itirib və beşinci yerə düşüb. Buemi isə pit-leyndə sürət həddini aşdığı üçün 10 saniyə pit-stopda dayanmaqla cərimə olunub

22-ci dövrədə Massa altıncı yer uğrunda mübarizədə Uebberi üstələyib, bir dövrə sonra avstraliyalı sürücü yenidən pitə yönəlib və daha bir yumşaq təkər dəsti alıb. Bir dövrə sonra Batton da eyni addımı atıb, ondan bir dövrə sonra komanda yoldaşı Həmilton isə bərk təkərlərə keçib. Fettel və Alonso 27-ci dövrədə pitdən yumşaq təkərlərlə trasa qayıdıblar.

Bu zaman Barrikello mübarizəni dayandırıb, mövsümün ilk iki yarışında Williams komandasının sürücüləri finiş görməyiblər, bir qədər sonra isə Serxio Peres yarışı dayandırıb. İlk onluqda yalnız səkkizinci yeri tutan Kobayaşi pitə girməyib. Onun təkərləri tam yeyildiyi üçün 33-cü dövrədə Petrovu da irəli buraxmalı olub.

Elə həmin dövrədə üçüncü pit-stoplar dalğasını yenə də Uebber açıb, ondan 5 dövrə sonra Həmilton, daha bir dövrə sonra isə Batton və Massa, 40-cı dövrədə Haydfeld, 41-ci dövrədə Fettel və Alonso mexaniklərin qonağı olublar. 44-cü dövrədə isə Uebber yenidən təkərlərini dəyişməli olub – avstraliyalı sürücü stabillik nümayiş etdirib: hər 11 dövrədən bir pit-stopa müraciət edib. 45-ci dövrədə isə Petrov sonuncu pit-stopunu reallaşdırıb.

Batton 1 dövrə hesabına Həmilton-Alonso cütlüyünün qarşısında trasa qayıdıb. McLaren-də keçmiş komanda yoldaşları isə üçüncü yer uğrunda mübarizəyə başlayıblar – 46-cı dövrədə Alonso səhvə yol verib və arxadan Lyuisin maşınına toxunub, ön atinqanadını dağıdıb. Pit-stopdan trasa Alonso 7-ci yerdə qayıdıb. 49-cu dövrədə Petrov Kobayaşini keçərək 8-ci yerə yüksəlib. 50-ci dövrədə Uebber Massanı beşinci yer uğrunda mübarizədə qabaqlayıb. 52-ci dövrədə isə Haydfeld Həmiltonu keçərək üçüncülüyə yüksəlib. Bundan dərhal sonra Lyuis təkərlərini dəyişmək üçün boksa tələsib və Petrovun arxasında trasa qayıdıb. İki dövrə sonra Petrov səhvə yol verib, trasdan çıxıb və trasa qayıtmaq istəyərkən porebrikin üzərindən yuxarı uçub, zərblə yerə çırpılan maşının sükanı qırılıb.

Sebastyan Fettel karyerasında 12-ci, mövsümdə 2-ci və ardıcıl 4-cü qələbəsini qazanıb. Censon Batton finişdə ikinci olub. Son dövrələrdə Uebberin hücumlarını məharətlə dəf etmiş Nik Haydfeld isə üçüncü olub. İki həftə əvvəl Melburnda olduğu kimi podiuma Red Bull, McLaren və Lotus Renault GP komandaları qalxıblar.

Çempionatda isə Sebastyan Fettel və Red Bull komandaları inamla liderlik edirlər…

Yer Pilot Komanda Motor Vaxt
01 S.Fettel Red Bull Renault 1.37:39.832
02 C.Batton McLaren Mercedes + 0:03.261
03 N.Haydfeld Lotus Renault GP Renault + 0:25.075
04 M.Uebber Red Bull Renault + 0:26.384
05 F.Massa Ferrari Ferrari + 0:36.958
06 F.Alonso Ferrari Ferrari + 0:57.248 (*)
07 K.Kobayaşi Sauber Ferrari + 1:07.239
08 L.Həmilton McLaren Mercede + 1:09.957 (*)
09 M.Şumaher Mercedes GP Mercedes + 1:24.896
10 P.di Resta Force İndia Mercedes + 1:31.563
11 A.Sutil Force İndia Mercedes + 1:45.000
12 N.Rosberq Mercedes GP Mercedes + 1 dövrə
13 S.Buemi Toro Rosso Ferrari + 1 dövrə
14 X.Algersuari Toro Rosso Ferrari + 1 dövrə
15 H.Kovalaynen Team Lotus Renault + 1 dövrə
16 T.Qlok Marussia Virgin Cosworth + 2 dövrə
17 V.Petrov Lotus Renault GP Renault + 4 dövrə
V.Liutsi Hispania Cosworth
J.D’Ambrozio Marussia Virgin Cosworth
Y.Trulli Team Lotus Renault
S.Peres Sauber Ferrari
R.Barrikello Williams Cosworth
N.Kartikeyan Hispania Cosworth
P.Maldonado Williams Coswort

Sürətli dövrə: Mark Uebber (Red Bull) – 1:40.571 (46-cı dövrə).

Qeyd: (*) F.Alonso və L.Həmilton yekun nəticələrinin üzərinə 20 saniyə əlavə edilməklə cərimə olunublar.

Turnir cədvəli:

Yer Pilot Komanda Motor Xal
01 S.Fettel Red Bull Renault 50
02 C.Batton McLaren Mercedes 26
03 L.Həmilton McLaren Mercede 22
04 M.Uebber Red Bull Renault 22
05 F.Alonso Ferrari Ferrari 20
06 F.Massa Ferrari Ferrari 16
07 N.Haydfeld Lotus Renault GP Renault 15
08 V.Petrov Lotus Renault GP Renault 15
09 K.Kobayaşi Sauber Ferrari 6
10 S.Buemi Toro Rosso Ferrari 4
11 A.Sutil Force İndia Mercedes 2
12 M.Şumaher Mercedes GP Mercedes 2
13 P.di Resta Force İndia Mercedes 2
14 X.Algersuari Toro Rosso Ferrari 0
15 N.Rosberq Mercedes GP Mercedes 0
16 Y.Trulli Team Lotus Renault 0
17 J.D’Ambrozio Marussia Virgin Cosworth 0
18 H.Kovalaynen Team Lotus Renault 0
19 T.Qlok Marussia Virgin Cosworth 0
20 S.Peres Sauber Ferrari 0
21 R.Barrikello Williams Cosworth 0
22 V.Liutsi Hispania Cosworth 0
23 P.Maldonado Williams Coswort 0
24 N.Kartikeyan Hispania Cosworth 0

Mühəndislər Kuboku:

Yer Komanda Motor Xal
01 Red Bull Renault 72
02 McLaren Mercedes 48
03 Ferrari Ferrari 36
04 Lotus Renault GP Renault 30
05 Sauber Ferrari 6
06 Toro Rosso Ferrari 4
07 Force İndia Mercedes 4
08 Mercedes GP Mercedes 2
09 Team Lotus Renault 0
10 Marussia Virgin Renault 0
11 Williams Cosworth 0
12 Hispania Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*