F-1.az Almaniyanın Bild nəşrinə istinadən xəbər verir ki, çərşənbə günü ehtiyat sürücü Mik Şumaxer Mercedes-i idarə edəcək. Bu, Mikin əsl Mercedes W14 maşınını sınaqdan keçirmək üçün ilk fürsəti olacaq.
Bu il Mik Şumaxer bütün Qran Prilərdə iştirak edir və lazım gələrsə, komandanın əsas sürücülərindən birini əvəz etməyə hazırdır. Avropa mərhələlərində Mik cümə günləri də simulyatorda işləyir, komandaya optimal parametrlərin axtarışında kömək edir və şənbə səhəri trasa gəlir”.
Xatırladaq ki, gənc sürücü Haas-dakı əsas sürcü yerini itirdikdən sonra Mercedes-in ehtiyat sürücüsü olub. Toto Vollfun onun üçün boş qoltuq axtardığı, hətta Loqan Sarcentin əvəzinə Williams-da yarışdırmağa çalışdığı bildirilir…
