F-1.az xəbər verir ki, Marionun fikrincə, həftəsonunun başlanğıcı maraqlı alınıb.
Mario İzola: “Mövsümün ikinci sprint həftəsonu çox maraqlı keçir, təsnifat mərhələsinin birinci hissəsində bütün iyirmi sürücünün nəticələrini cəmi 0.9 saniyə ayırdı. Təkərlərin performansına gəlincə, böyük sürprizlər olmadı: poul nəticəsi bizim proqnozlarımıza yaxın idi və kompozisiyalar arasındakı fərq hesablamalara uyğun idi – Hard və Medium arasında yarım saniyə, Medium və Soft arasında 0.4 saniyə.
Formula3 və Formula2-nin səhər sessiyaları sayəsində ilk məşqdə trasın vəziyyəti çox yaxşı idi. Təsnifat mərhələsində asfaltın temperaturu 52-dən 38 dərəcəyə düşdü, buna görə də onun ideal vəziyyəti deyildi.
Şənbə günü proqnoza əsasən, sprint yarışı zamanı yüksək yağış ehtimalı var, baxmayaraq ki, əvvəllər gözlənilən qədər güclü olmaya bilər”.
