Üstəlik, Lyuis sosial şəbəkə hesablarını yeniləməyi də dayandırıb, hərçənd, əvvəllər yarış meydanlarından kənarda keçirdiyi həyatı barədə bir qədər təfərrüatlı danışırdı.
F-1.az xəbər verir ki, sürücünün kiçik qardaşı Nikolas Həmilton deyib ki, Lyuis sadəcə sosial şəbəkələrə ara vermək qərarına gəlib, lakin bu, Lyuisin karyerasının mümkün sonu ilə bağlı şayiələr dalğasını dayandırmayıb.
Bu gün biz artıq Britaniyanın Sky Sports kanalının müxbiri Kreyq Sleyterdən sitat gətirmişik, o hesab edir ki, Hamiltonun karyerasının davamı birbaşa Əbu Dabidəki yarışın son dövrələrində baş verən hadisələrin FİA-nın yekun araşdırmasından və Maykl Masinin qərarlarından asılıdır.
Eyni məlumatı Britaniyanın The Times qəzeti də yayıb. Eyni zamanda, qəzet öz mənbələrinə istinadən bildirib ki, hazırda Lyuis Kolorado dağlarında öz fermasındadır. Yarışçı istirahət edir, qış idman növləri ilə məşğul olur və özünü hər cür formada saxlamağa çalışır.
Öz növbəsində, Mercedes komandası Həmiltonun fevralın 23-də İspaniyanın Barselona şəhərində başlayacaq mövsümöncəsi testlərə gələcəyinə tam əmindir.
