İspaniya Qran Prisi: Yarış

Quru. Günəşli. Havanın temperaturu +20° C, trasın temperaturu +38° C Mövsümün Avropdakı birinci Qran Prisi qüvvələr nisbətindəki dəyişiklikləri qiymətləndirməyə imkan […]

Quru. Günəşli. Havanın temperaturu +20° C, trasın temperaturu +38° C

Mövsümün Avropdakı birinci Qran Prisi qüvvələr nisbətindəki dəyişiklikləri qiymətləndirməyə imkan verib. Dörd səfər yarışında komandalar maşınların zəif yerlərini müəyyən etmişdilər və yeni Pirelli təkərlərinə öyrəşməyə çalışmışdılar. Tezliklə komandaların çoxu bütün resurslarını 2014-cü ilin maşınları üzərində işə yönəldəcəklər və birinci növbədə ciddi təkmilləşdirmə məhz Barselonaya hazırlanmışdı – xüsusən də nəzərə almaq lazımdır ki, bu tras aerodinamikanın yoxlanması üçün ən yaxşı trasdır.

Sıralanma turunun nəticələri gözlənilməz alınıb. Poulu Rosberq qazanıb, ikinci Həmilton olub – Mercedes AMG sürücüləri ilk cərgəni zəbt ediblər. İkinci cərgədə isə Fettel və Rəykkönen yerləşiblər. Alonso və Qrojan start siqnalını 3-cü cərgədən seyr ediblər. Massa və Qutyerres sıralanma turunda rəqiblərini bolka saldıqları üçün 3 yer itirməklə cərimə olunublar.

Pirelli Barselonaya yenilənmiş Hard tərkibini gətirib – yeni təkərlər daha uzun məsafə qət etməklə daha geniş işçi temperatur diapazonuna malikdirlər. Sürətli döngələrdə təkərlərə düşən yüklənmələr çox böyük olduğu üçün uik-endə ən bərk təkər cütlüyü seçilib – Hard və Medium. Təkərlərin yeyilməsi ciddi olub, ona görə də sıralanma turunda Hard tərkibinə qənaət olunub. Startda yalnız Byanki, Çilton və Pikin Hard tərkibi seçdiyi görünüb, digər sürücülər isə Medium-da start almağa üstünlük veriblər.

Startda ciddi insident yaşanmayıb, Rosberq liderliyini saxlayıb, Fettel ikinci yerə, Alonso üçüncü yerə yüksəliblər. Uebber 11-ci, Batton 17-ci yerə düşüblər. Massa iki dövrəyə cərimə üzündən itirdiyi üç yeri kompensə edib, Sutil isə beş yer qazanıb. İkinci dövrənin sonunda ilk onluq: Rosberq – Fettel – Alonso – Həmilton – Rəykkönen – Massa – Peres – Sutil – Qrojan – di Resta.

İspaniya trasında ötmək çox çətindir və vəziyyət tezliklə stabilləşib – sürücülər təkərlərə qənaət etməyə başlayıblar. 7-ci dövrədə Rəykkönen onuncu döngədə Həmiltonu qabaqlayıb, bir dövrə sonra isə Massa da Lyuisi keçib.

8-ci dövrədə Uebber pit-stoplar dalğasına start verib. 9-cu dövrədə Massa, Sutil, Hülkenberq və Maldonado ilk pit-stoplarını reallaşdırıblar. Sutil vaxt itirib və trasa sonuncu yerdə qayıdıb. Qrojanın maşınında arxa sağ asılqan qırıldığı üşün fransalı sürücü yarışı dayandırmalı olub.

10-cu dövrədə Alonso və Həmilton, 11-ci dövrədə Rosberq, Fettel, Rəykkönen və Peres yeni təkər dəsti alıblar. Stüardlar Maldonadonu pit-leyndə sürət həddini aşdığı üçün pit-leyndən keçməklə cərimə ediblər. Alonso ilk pit-stopundan sonra trasa Fettelin, Massa isə Rəykkönenin önündə qayıdıblar. 12-ci dövrədə Batton pitə yönəlib, yarışa isə debütant Qutyerres başçılıq edib.

13-cü dövrədə Alonso, Fettel və Massa Rosberqi keçiblər, Qutyerres ilk pit-stopuna yollandığı üçün Alonso yarışa başçılıq edib. 14-cü dövrədə Rəykkönen də Rosberqi keçib – bazar günü hər iki Mercedes AMG maşını yenə də sürətlərini itiriblər. 15-ci dövrədə ilk onluq: Alonso – Fettel – Massa – Rəykkönen – Rosberq – Uebber – Peres – di Resta – Rikkardo – Həmilton.

Alonso Fetteldən uzaqlaşmağa başlayıb. 19-cu dövrədə Rikkardo di Restanı keçərək 8-ci yerə yüksəlib, 12-ci yer uğrunda mübarizədə Qutyerres Verni üstələyib.

20-ci dövrədə di Resta ikinci pit-stoplar dalğasına start verib: bir dövrə sonra Massa, Uebber, Vern və Maldonado, növbəti dövrədə Alonso mexaniklərinə qonaq olublar. 23-cü dövrədə Hülkenberq pit-stop keçirib, van der Qardenin maşınında təkər açılıb – boksa qayıdan hollandiyalı sürücü mübarizəni dayandırmalı olub. 24-cü dövrədə Massa Rosberqi, Uebber isə Həmilton və Qutyerresi qabaqlayıblar.

24-cü dövrədə Peres, 25-ci dövrədə Fettel və Rikkardo, 26-cı dövrədə Həmilton və Bottas, 27-ci dövrədə Rəykkönen, 28-ci dövrədə Rosberq, 29-cu dövrədə Qutyerres və Batton yeni təkərlərə keçiblər. 30-cu dövrədə ilk onluq: Alonso – Massa – Fettel – Rəykkönen – Uebber – di Resta – Hülkenberq – Peres – Rosberq – Rikkardo.

33-cü dövrədə çoxsaylı hücumlardan sonra Rəykkönen Fetteli keçərək 3-cü yerə yüksəlib, Rikkardo isə 8-ci yer uğrunda mübarizədə Rosberqi üstələyib.

Təkərlərin yeyilməsi bu dəfə də həlledici faktor olub – yarışın ortasında yarımçıq yanacaq çəni ilə sürücülər sıralanma turunda göstərdikləri nəticəyə 10 saniyə uduzublar, hamının diqqəti ön sol təkərlərin yeyilməsində olub.

35-ci dövrədə Hülkenberq və Vern pit-leyndə təmas yaşayıblar, ona görə də növbəti dövrədə Niko sındırdığı burun üçün boksa qayıtmalı olub. Daha sonra isə almaniyalı sürücünü stüardlar pit-leyndən keçməklə cərimə ediblər.

37-ci dövrədə Alonso, Massa, Uebber, Həmilton və Sutil təkərlərini dəyişiblər. Trasa Kiminin arxasında qayıdan Fernando 39-cu dövrədə rəqibini üstələyərək liderliyi özünə qaytarıb. 39-cu dövrədə di Resta və Peres yeni təkər dəstinə keçiblər. Vernin maşınında təzə sağ arxa təkərin üst qatı dağılıb. Cümə günü eyni hal di Restada, Bəhreyndə isə Həmilton və Massada baş vermişdi. Təkər faktoru bu dəfə həlledici yox, dominant faktor olub.

40-cı dövrədə Fettel və Hülkenberq pit-stopa baş çəkiblər, 44-cü dövrədə Qutyerres, 45-ci dövrədə Bottas, 46-cı dövrədə Rəykkönen eyni addımı atıblar – Kimi trasa Sebastyanın öndündə qayıdıb. 48-ci dövrədə Batton, 49-cu dövrədə Rosberq təkərlərini dəyişiblər. 49-cu dövrədə ilk onluq: Alonso – Massa – Rəykkönen – Fettel – Uebber – di Resta – Peres – Rikkardo – Rosberq – Qutyerres.

50-ci dövrədə Alonso sonuncu pit-stopunu keçirərək trasa birinci yerdə qayıdıb. 51-ci dövrədə Uebber, Sutil, Peres və Həmilton, 52-ci dövrədə Massa və Fettel sonuncu dəfə pit-stopa yollanıblar. Uebber di Restanı üstələyərək 5-ci yerə yüksəlib.

54-cü dövrədə Vern mübarizəni dayandırıb. 57-ci dövrədə ilk onluq: Alonso – Rəykkönen (3 pit-stop) – Massa – Fettel – Uebber – Rosberq (3) – di Resta – Batton (3) – Peres – Rikkardo.

Tribunaları doldurmuş azarkeşlərin sevinci və alqışları altında Alonso inamlı qələbə qazanıb – mövsümdə ikinci, karyerasında 32-ci qələbə. Rəykkönen ardıcıl 3-cü yarışında ikincilik qazanıb. Podiumu Felipe Massa tamamlayıb. Çempionatda vəziyyət gərginləşib, Monakoya qədər qalan 2 həftə çox tez keçəcək…

Yer Pilot Komanda Motor Vaxt
01 F.Alonso Ferrari Ferrari 1.39:16.596
02 K.Rəykkönen Lotus Renault + 0:09.338
03 F.Massa Ferrari Ferrari + 0:26.049
04 S.Fettel Red Bull Renault + 0:38.273
05 M.Uebber Red Bull Renault + 0:47.963
06 N.Rosberq Mercedes AMG Mercedes + 1:08.020
07 P.di Resta Force İndia Mercedes + 1:08.988
08 C.Batton McLaren Mercedes + 1:19.506
09 S.Peres McLaren Mercedes + 1:21.738
10 D.Rikkardo Toro Rosso Ferrari + 1 dövrə
11 E.Qutyerres Sauber Ferrari + 1 dövrə
12 L.Həmilton Mercedes AMG Mercedes + 1 dövrə
13 A.Sutil Force İndia Mercedes + 1 dövrə
14 P.Maldonado Williams Renault + 1 dövrə
15 N.Hülkenberq Sauber Ferrari + 1 dövrə
16 V.Bottas Williams Renault + 1 dövrə
17 Ş.Pik Caterham Renault + 1 dövrə
18 J.Byanki Marussia Cosworth + 2 dövrə
19 M.Çilton Marussia Cosworth + 2 dövrə
J.E.Vern Toro Rosso Ferrari
Q.van der Qarde Caterham Renault
R.Qrojan Lotus Renault

Sürətli dövrə: Esteban Qutyerres (Sauber) – 1:26.217 (56-cı dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 89
02 K.Rəykkönen Lotus Renault 85
03 F.Alonso Ferrari Ferrari 72
04 L.Həmilton Mercedes AMG Mercedes 50
05 F.Massa Ferrari Ferrari 45
06 M.Uebber Red Bull Renault 42
07 R.Qrojan Lotus Renault 26
08 P.di Resta Force İndia Mercedes 26
09 N.Rosberq Mercedes AMG Mercedes 22
10 C.Batton McLaren Mercedes 17
11 S.Peres McLaren Mercedes 12
12 D.Rikkardo Toro Rosso Ferrari 7
13 A.Sutil Force İndia Mercedes 6
14 N.Hülkenberq Sauber Ferrari 5
15 J.E.Vern Toro Rosso Ferrari 1
16 E.Qutyerres Sauber Ferrari 0
17 V.Bottas Williams Renault 0
18 P.Maldonado Williams Renault 0
19 J.Byanki Marussia Cosworth 0
20 Ş.Pik Caterham Renault 0
21 Q.van der Qarde Caterham Renault 0
22 M.Çilton Marussia Cosworth 0

Mühəndislər Kuboku:

Yer Komanda Motor Xal
01 Red Bull Renault 131
02 Ferrari Ferrari 117
03 Lotus Renault 111
04 Mercedes AMG Mercedes 72
05 Force İndia Mercedes 32
06 McLaren Mercedes 29
07 Toro Rosso Ferrari 8
08 Sauber Ferrari 5
09 Williams Renault 0
10 Marussia Cosworth 0
11 Caterham Renault 0
, , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

İspaniya Qran Prisi: Yarış

Quru. Buludlu. Havanın temperaturu +23° C, trasın temperaturu +34° C İspaniya yarışından əvvəl komandalar maşınları təkmillərşdiriblər, sıralanma turunun nəticələrinə görə […]

Quru. Buludlu. Havanın temperaturu +23° C, trasın temperaturu +34° C

İspaniya yarışından əvvəl komandalar maşınları təkmillərşdiriblər, sıralanma turunun nəticələrinə görə qüvvələr nisbəti çox maraqlı alınıb. Sessiyanın qurtarmasından bir neçə saat sonra stüardlar poul qazanmış Lyuis Həmiltonu protokoladan çxıarıblar, ona görə də yarışa birinci yerdən Pastor Maldonado başlamalı idi, Lyuis isə sonuncu yerə göndərilib.

Dünən sürücülər yarış üçün Hard təkərlərini qorumağa çalışırdılar – Barselonada təkərlərin yeyilməsi gözlənildiyindən yüksək olub və Soft tərkibinin effektliyi çox tez azalıb, amma bazar günü hava soyuyub, asfaltın temperaturu hard tərkibinin işçi diapazonunun aşağı sərhədinə düşüb – komandalar çətin məsələnin həllinə girişiblər.

Startda məlum olub ki, bütün sürücülər yarışın ilk hissəsini Soft tərkibi ilə keçirəcəklər. Startda Alonso Maldonadonu qabaqlayaraq tribunaları ayağa qaldırıb. Arxada Rəykkönen Qrojanı keçib, Peres maşınında təkər deşilib və sürücü boksa yollanıb və Hard təkərlərinə keçib. Pik 9-cu döngənin çıxışında yerində fırlansa da, mübarizəni davam edə bilib.

3-cü dövrədə ilk onluq: Alonso – Maldonado – Rəykkönen – Rosberq – Qrojan – Şumaher – Fettel – Batton – Kobayaşi – Vern.

6-cı dövrədə Uebber pit-stoplar dalğasına start verib, bir dövrə sonra Fettel, 9-cu dövrədə Kobayaşi, 10-cu dövrədə Rosberq, Batton və di Resta, 11-cidə Alonso, Qrojan, Şumaher, Vern, Massa, Petrov və Hülkenberq, 12-ci dövrədə Maldonado, Rəykkönen və Rikkardo bokslara baş çəkiblər.

13-cü dövrədə Şumaher və Senna 1-ci döngədə toqquşublar – əylənmə zonasında Mixael arxadan Brunonun maşınına çırpılıb.

15-ci dövrədə dördüncü yerə yüksəlmiş Həmilton birinci pit-stopunu reallaşdırıb, amma mexaniklər bir qədər vaxt itiriblər. Uebber isə 17-ci dövrədə ikinci dəfə təkərlərini dəyişməklə ayanaşı burun elementini də dəyişdirib.

18-ci dövrədə ilk onluq: Alonso – Maldonado – Rəykkönen – Qrojan – Rosberq – Fettel – Batton – Kobayaşi – di Resta – Vern.

19-cu dövrədə Peres, 20-ci dövrədə Hülkenberq, 23-cüdə Rosberq, 25-cidə Maldonado, 26-cıda Batton, 27-cidə Alonso, Qrojan və Kobayaşi, 29-cuda Rəykkönen və Fettel ikinci dəfə mexaniklərinin qonağı olublar.

Boksdan trasa qayıdan Maldonado iki dövrə ərzində süərli nəticələr göstərib, həmin vaxt trasda köhnə təkərlərlə qalan Alonso isə dövrəvu Pikin araxsında qiymətli vaxt itirib və pit-stopdan sonra trasa Pastorun arxasında qayıdıb. Pik mavi bayraqlara məhəl qoymadığı üçün pit-stopdan keçməklə cərimə olunub, amma fransalı sürücü maşının boksa yönəldərək yarışı dayandırıb.

Eyni zamanda stüardlar Fettel və Massanı da cərimə ediblər – hər iki sürücü Mixael-Senna insidentindən sonra dalğalanan sarı bayraqlara məhəl qoymadığı üçün pit-leyndən keçməklə cərimə olunub.

Maldonada Alonso üzərində fərqi 6 saniyəyə çatdırıb, Rəykkönen Alonsoya 20 saniyə uduzub, finlandiyalı sürücü isə öz komanda yoldaşını 20 saniyə qabaqlayıb. Arxada isə sürücülər mövqe uğrunda gərgin mübarizə aparıblar.

35-ci dövrədə ilk onluq: Maldonado – Alonso – Rəykkönen – Qrojan – Həmilton – Rosberq – Kobayaşi – Batton – Fettel – Hülkenberq.

37-ci dövrədə Həmilton ikinci və sonuncu pit-stopunu keçirib.

39-cu dövrədə Peres üçüncü dəfə boksa baş çəkib – əvvəlcə yıxılmış mexanikə görə sürücü ləngiyib, sonra isə meksikalı sürücü maşını trasda saxlamalı olub. 39-cu dövrədə Batton da təkərlərini dəyişdirib, 41-ci dövrədə Rosberq, Uebber və Maldonado sonuncu pit-stoplarını keçiriblər – yarışın lideri sol arxa təkərin bərkidilməsi zamanı vaxt itirib.

42-ci dövrədə Kobayaşi, 43-cü də Fettel, 45-cidə Alonso sonuncu dəfə boksda olublar – Fernando Pastorun arxasında trasa qayıdıb.

Rəykkönen 49-cu, Qrojan isə 52-ci dövrədə sonuncu dəfə yeni Hard təkərlərinə keçiblər.

Alonso Maldonadoya yaxınlaşsa da, DRS-dən yararlansa da, venesuelalı sürücü təcrübəli Fernandonu irəli buraxmayıb. Ferrari DRS hesabına start-finiş düzlüyündə sürətli olsa da, Pastor döngələrdə uzaqlaşa bilib. Arxada isə Kimi hər iki sürücü ilə fərqi sürətlə azaltmağa başlayıb.

59-cu dövrədə Fettel Battonu keçərək 8-ci yerə yüksəlib, 61-ci dövrədə Kobayaşi 5-ci yer uğrunda mübarizədə Rosberqi qabaqlayıb, sonrakı iki dövrədə Fettel Həmilton və Rosberqi də keçərək 6-cı yerə yüksəlib.

Maldonado karyerasında ilk qələbəsini qazanıb – bu, Williams üçün 2004-cü ilin Braziliya Qran Prisindən sonra ilk qələbə, komandanın tarixində isə 114-cü qələbə olub. Frənk Uilyamsın 70 yaşına əla hədiyyədir.

Mövsümün ilk beş yarışında beş müxtəlif komandanın beş sürücüsü qalib gəlib. Fantastik mövsüm! İki həftə sonra mübarizə Monakoda davam edəcək.

Yer Pilot Komanda Motor Vaxt
01 P.Maldonado Williams Renault 1.39:09.145
02 F.Alonso Ferrari Ferrari + 0:03.195
03 K.Rəykkönen Lotus Renault + 0:03.884
04 R.Qrojan Lotus Renault + 0:14.799
05 K.Kobayaşi Sauber Ferrari + 1:04.641
06 S.Fettel Red Bull Renault + 1:07.576
07 N.Rosberq Mercedes AMG Mercedes + 1:17.919
08 L.Həmilton McLaren Mercedes + 1:18.140
09 C.Batton McLaren Mercedes + 1:25.246
10 N.Hülkenberq Force İndia Mercedes + 1 dövrə
11 M.Uebber Red Bull Renault + 1 dövrə
12 J.E.Vern Toro Rosso Ferrari + 1 dövrə
13 D.Rikkardo Toro Rosso Ferrari + 1 dövrə
14 P.di Resta Force İndia Mercedes + 1 dövrə
15 F.Massa Ferrari Ferrari + 1 dövrə
16 H.Kovalaynen Caterham Renault + 1 dövrə
17 V.Petrov Caterham Renault + 1 dövrə
18 T.Qlok Marussia Cosworth + 2 dövrə
19 P.de la Rosa HRT Cosworth + 3 dövrə
S.Peres Sauber Ferrari
Ş.Pik Marussia Cosworth
N.Kartikeyan HRT Cosworth
B.Senna Williams Renault
M.Şumaher Mercedes AMG Mercedes

Sürətli dövrə: Roman Qrojan (Lotus) – 1:26.250 (53-cü dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 61
02 F.Alonso Ferrari Ferrari 61
03 L.Həmilton McLaren Mercedes 53
04 K.Rəykkönen Lotus Renault 49
05 M.Uebber Red Bull Renault 48
06 C.Batton McLaren Mercedes 45
07 N.Rosberq Mercedes AMG Mercedes 41
08 R.Qrojan Lotus Renault 35
09 P.Maldonado Williams Renault 29
10 S.Peres Sauber Ferrari 22
11 K.Kobayaşi Sauber Ferrari 19
12 P.di Resta Force İndia Mercedes 15
13 B.Senna Williams Renault 14
14 J.E.Vern Toro Rosso Ferrari 4
15 N.Hülkenberq Force İndia Mercedes 3
16 D.Rikkardo Toro Rosso Ferrari 2
17 F.Massa Ferrari Ferrari 2
18 M.Şumaher Mercedes AMG Mercedes 2
19 T.Qlok Marussia Cosworth 0
20 Ş.Pik Marussia Cosworth 0
21 V.Petrov Caterham Renault 0
22 H.Kovalaynen Caterham Renault 0
23 P.de la Rosa HRT Cosworth 0
24 N.Kartikeyan HRT Cosworth 0

Mühəndislər Kuboku:

Yer Komanda Motor Xal
01 Red Bull Renault 109
02 McLaren Mercedes 98
03 Lotus Renault 84
04 Ferrari Ferrari 63
05 Mercedes AMG Mercedes 43
06 Williams Renault 43
07 Sauber Ferrari 41
08 Force İndia Mercedes 18
09 Toro Rosso Ferrari 6
10 Marussia Cosworth 0
11 Caterham Renault 0
12 HRT Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

İspaniya Qran Prisi: Yarış

Quru. Günəşli. Havanın temperaturu +27° C, trasın temperaturu +44° C Barselonaya Pirelli yeni bərk təkərlər gətirib, amma yumşaq təkərlərlə sürət […]

Quru. Günəşli. Havanın temperaturu +27° C, trasın temperaturu +44° C

Barselonaya Pirelli yeni bərk təkərlər gətirib, amma yumşaq təkərlərlə sürət fərqi o qədər böyük alınıb ki, sıralanma turunda komandalar yarışa maksimum yumşaq təkər dəsti qənaət etməyi qərara alıblar.

Mark Uebber mövsümdə birinci dəfə poul qazanıb, Sebastyan Fettelin maşınında son cəhdində KERS sistemi imtina edib və çempionatın lideri ikinci olub. Lyuis Həmilton və Fernando Alonso isə ikinci cərgəni tutublar.

Startda Alonso ev trasının tribunalarını ayağa qaldırıb – ispaniyalı sürücü çirkli dördüncü yerdən birinciliyə yüksəlib, Fettel Uebberi qabaqlayıb, Batton onuncu yerə düşüb, Şumaher isə altıncı yerə qalxıb. Kobayaşinin arxa sol təkəri deşildiyi üçün birinci dövrənin sonunda boksa baş çəkib.

Alonso, Fettel, Uebber və Həmilton dördlüyü peletondan uzaqlaşmağa başlayıb, amma öz aralarında interval çox kiçik olub. Batton Buemini üstələyərək doqquzuncu yerə yüksəlib, digər mövqelərdə isə vəziyyət stabilləşib. DRS sistemi əvvəlki Qran Prilərdə olduğu kimi effektiv olmayıb – Barselonada ötmək həqiqətən çox çətin olub.

Liderlərdən Fettel birinci olaraq pit-stop keçirib – 10-cu dövrədə yeni yumşaq təkərlərlə trasa qayıdıb. 11-ci dövrədə Alonso, Uebber və Şumaher, 12-ci dövrədə Həmilton, Petrov, Rosberq və Massa yeni təkər dəsti alıblar. Fettel trasa qayıtdıqdan sonra trafikə düşüb və vaxt itirib, ona görə də Alonsonu qabaqlaya bilməyib. Batton ilk pit-stopunu 14-cü dövrədə reallaşdırıb və trasa beşinci qayıdıb, Həmilton isə Uebberi qabaqlayıb.

Fettel 19-cu dövrədə ikinci dəfə pit-stopa gedib, Alonso və Uebber isə 20-ci dövrədə mexanikllərinin qonağı olublar. Alonso trasa Fettelin arxasında qayıdıb. Həmilton ikinci pit-stopunu 24-cü dövrədə reallaşdırıb və o da Alonsonun önündə trasa qayıdıb.

30-cu dövrədə Alonso və Uebber üçüncü pit-stoplarını keçirərək bərk təkərlərlə trasa qayıdıblar, bir dövrə sonra Batton ikinci pit-stopunu keçirib və yumşaq təkərlərlə trasa qayıdıb. 35-ci dövrədə Fettel, 36-cı dövrədə isə Həmilton növbəti yumşaq təkərlərini alıblar. Batton yumşaq təkərlərin sürət üstünlüyündən istifadə edərək tezliklə Alonso və Uebberi keçib. Fettel yarışda liderlik etsə də, Həmilton aradakı fərqi minimuma endirib.

40-cı dövrədə Alonso dördüncü, onun ardınca Petrov, Şumaher və Rosberq üçüncü pit-stoplarını keçiriblər. 49-cu dövrədə Fettel və Uebber dördüncü, Batton isə üçüncü dəfə boksa baş çəkiblər. Bir dövrə sonra Həmilton yeni təkərlərlə Fettelin arxasında trasa qayıdıb.

51-ci dövrədə Kovalaynen dördüncü döngədə qəzaya uğrayıb.

55-ci dövrədə Lyuis Sebastyanla fərqi minimuma endirib və hücumlara başlayıb. 59-cu dövrədə Peres və Haydfeld Massanı qabaqlayıblar, bir dövrə sonra Felipe ötürmələr qutusundakı problemlər üzündən yarışı yarımçıq dayandırıb, Haydfeld isə Peresi də keçərək səkkizinci yerə yüksəlib.

Liderlər sonuncu döngəyə qədər mübarizə aparsalar da, mövqelər dəyişməyib, finişdə sürücüləri cəmi 0.6 saniyə ayırıb. Üç pit-stoplu strategiya seçmiş Batton isə podiumun aşağı pilləsini qazanıb. Pouldan start alan Uebber bu dəfə dördüncü olub. Beşinci yeri tutmuş Fernando Alonso liderdən bir dövrə geri qalıb.

Beləlikə, mövsümün beşinci yarışında Sebastyan Fettel dördüncü qələbəsini qazanıb, almaniyalı sürücü karyerasında qələbələrinin sayını 14-ə çatdırıb. Bu qələbədən sonra şəxsi hesabda onun Həmilton üzərində üstünlüyü 41 xala (118 və 77), Mühəndislər Kubokunda isə Red Bull-un McLaren üzərində üstünlüyü 47 xala (187 və 138) çatıb.

Növbəti yarış gələn həftə Monakoda baş tutacaq…

Yer Pilot Komanda Motor Vaxt
01 S.Fettel Red Bull Renault 1.39:03.301
02 L.Həmilton McLaren Mercede + 0:00.630
03 C.Batton McLaren Mercedes + 0:35.697
04 M.Uebber Red Bull Renault + 0:47.966
05 F.Alonso Ferrari Ferrari + 1 dövrə
06 M.Şumaher Mercedes GP Mercedes + 1 dövrə
07 N.Rosberq Mercedes GP Mercedes + 1 dövrə
08 N.Haydfeld Lotus Renault GP Renault + 1 dövrə
09 S.Peres Sauber Ferrari + 1 dövrə
10 K.Kobayaşi Sauber Ferrari + 1 dövrə
11 V.Petrov Lotus Renault GP Renault + 1 dövrə
12 P.di Resta Force İndia Mercedes + 1 dövrə
13 A.Sutil Force İndia Mercedes + 1 dövrə
14 S.Buemi Toro Rosso Ferrari + 1 dövrə
15 P.Maldonado Williams Coswort + 1 dövrə
16 X.Algersuari Toro Rosso Ferrari + 2 dövrə
17 R.Barrikello Williams Cosworth + 2 dövrə
18 Y.Trulli Team Lotus Renault + 2 dövrə
19 T.Qlok Marussia Virgin Cosworth + 3 dövrə
20 J.D’Ambrozio Marussia Virgin Cosworth + 3 dövrə
21 N.Kartikeyan Hispania Cosworth + 4 dövrə
F.Massa Ferrari Ferrari
H.Kovalaynen Team Lotus Renault
V.Liutsi Hispania Cosworth

Sürətli dövrə: Lyuis Həmilton (McLaren) – 1:26.727 (52-ci dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 118
02 L.Həmilton McLaren Mercede 77
03 M.Uebber Red Bull Renault 67
04 C.Batton McLaren Mercedes 61
05 F.Alonso Ferrari Ferrari 51
06 N.Rosberq Mercedes GP Mercedes 26
07 N.Haydfeld Lotus Renault GP Renault 25
08 F.Massa Ferrari Ferrari 24
09 V.Petrov Lotus Renault GP Renault 21
10 K.Kobayaşi Sauber Ferrari 9
11 M.Şumaher Mercedes GP Mercedes 14
12 S.Buemi Toro Rosso Ferrari 6
13 A.Sutil Force İndia Mercedes 2
14 S.Peres Sauber Ferrari 2
15 P.di Resta Force İndia Mercedes 2
16 X.Algersuari Toro Rosso Ferrari 0
17 R.Barrikello Williams Cosworth 0
18 Y.Trulli Team Lotus Renault 0
19 J.D’Ambrozio Marussia Virgin Cosworth 0
20 H.Kovalaynen Team Lotus Renault 0
21 P.Maldonado Williams Coswort 0
22 T.Qlok Marussia Virgin Cosworth 0
23 N.Kartikeyan Hispania Cosworth 0
24 V.Liutsi Hispania Cosworth 0

Mühəndislər Kuboku:

Yer Komanda Motor Xal
01 Red Bull Renault 185
02 McLaren Mercedes 138
03 Ferrari Ferrari 75
04 Lotus Renault GP Renault 46
05 Mercedes GP Mercedes 40
06 Sauber Ferrari 11
07 Toro Rosso Ferrari 6
08 Force İndia Mercedes 4
09 Williams Cosworth 0
10 Team Lotus Renault 0
11 Marussia Virgin Renault 0
12 Hispania Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*