Corc Rassell: “Bu illər ərzində çox şey yaşamışıq. Bu, həqiqətən də çətin dövr olub. Totonun rəhbərliyində məni ən çox heyran edən məqam isə budur ki, bu gün bizimlə çalışan insanlar komandanın yüksəliş illərində də burada olan insanlardır, 2022-ci ildən 2025-ci ilə qədərki çətin dövrdə də komanda ilə birlikdə olan eyni insanlardır. Problemləri həll etmək üçün heç kimi işdən çıxarmayıblar, heç kimi işə götürməyiblər. Komanda bütün bunların öhdəsindən özü gəlib.
Komandaya dəstək və öz gücümüzə inam çətinlikləri aşmağımıza kömək edib və bu il yenidən qalib gələ bilmişik. Bu, komandanın bütün üzvlərinin əməyidir, amma Totonun sədaqətinə və insanlara, hətta çətin vaxtlarda belə, inamına da haqqını vermək lazımdır”.
