Force İndia cümə sərbəst yürüşlərində iştirakını təhlükəsizlik baxımında ixtisar edib. nahardan sonra ikinci sərbəst yürüşlərdə komanda iştirak etməyəcək ki, qaranlıq düşməmiş trası tərk edə bilsin.
Komandanın başçısının müavini Rob Förnli jurnalistlərə bildirib ki, sıralanma turu və yarışdan imtina etməkdən söhbət getmir…
Rob Förnli: “Çox güman ki, biz ikinci sessiyaya qalmayacayıq. Biz səhər çox işlədik, zəruri məlumatı topladıq, ona görə də ikinci sessiyanı buraxa bilərik.
Söhbət yarışdan imtinadan getmir, biz sadəcə cümə proqramına dəyişiklik etmişik. Amma sıralanma turu və yarışda iştirak edəcəyik. İndi bizim üçün başlıcası əməkdaşlarımızın təhlükəsizliyini təmin etməkdir.”
Dünən komandanın iki əməkdaşı Bəhreyni tərk edərək Londona qayıdıb…
