Corc Rassell: “Yenidən podiumun zirvəsinə qayıtmaq necə də gözəldir! Sadəcə komandama böyük təşəkkürümü bildirmək istəyirəm, çünki çətin dövrdə mənə inanmaqda davam edib, hər şeyin öhdəsindən gəlməyə kömək edib, başa düşürsünüz? Və bu həftəsonu necə işlədiyimlə həqiqətən fəxr edirəm.
Etiraf etməliyəm ki, yarışın ilk yarısı elə də çətin görünməyib, amma sonra, təhlükəsizlik avtomobili trası tərk edəndən sonra restartda fərq yaratmaq lazım gəlib. Üstəlik, arxamda Maks Ferstappen olduğunu görəndə düşündüm ki, bu, asan olmayacaq.
O, yarışın son bölümünü çox yaxşı keçirib, sonra isə sarı bayraqlar görünəndə qazı buraxdım. Yenidən sürətlənəndə isə turbo işləməyib, buna görə gücüm çatmayıb və Maks finişə qədər məni az qala keçib. Ümumilikdə, o anda çox məyus olmaq olardı. Amma sonda inanılmaz həftəsonu keçirtdik!
Düşünürəm ki, bu yeni maşınları idarə edərkən kifayət qədər böyük təcrübə toplamışam, bunun üçün pilotaj üslubumu dəyişməli olmuşam. Mənə elə gəlir ki, yay fasiləsindən sonra hər yarışda daha da güclənmişəm və demək olar ki, indi yenidən özümə çevrilmişəm. Və bu, əladır!
İndi hər yarışda qələbə uğrunda mübarizə aparmaq niyyətindəyəm – plan da məhz budur. Halbuki komanda yoldaşım inanılmaz dərəcədə uğurlu mövsüm keçirir və adətən demək olar ki, qüsursuz sürür. Amma indi mövsümün həlledici mərhələsi başlayır və mən sadəcə öz tapşırıqlarımın həllinə köklənəcəyəm.
Əgər bu həftəsonundakı kimi nəticələr göstərməkdə davam etsəm, qalan mərhələlərdə nə baş verməsindən asılı olmayaraq yenə də razı qalacağam, çünki arxada həqiqətən çətin dövr qalıb. Amma indi hiss edirəm ki, bütün bunlar artıq geridə qalıb”.
