F-1.az bildirir ki, Lyuis Həmilton təkcə Formula1-in yox, avtoidmanın ən populyar adamlarından biridir. Onun sosial şəbəkələrdə milyonlarla izləyicisi var və Mercedes-lə olan müqaviləsini daha iki il uzadıb. Bu da həm azarkeşlər üçün Formula1 üçün əla xəbərdir.
93 yaşlı Berni Ekklstoun düşünür ki, Lyuis Həmilton idmanın populyarlığını artırmaq üçün çox vacib sürücüdür: “Həmişə demişəm ki, Formula1 Ferrari-siz problem yaşayar. Eyni hal Ferrari üçün də keçərlidir. Ancaq indi bu sualı da vermək lazımdır: Lyuissiz çempionat necə keçəcək? Məncə, darıxdırıxı şouya çevrilər.
Onun haqqında nə düşünürsünüz-düşünün, amma Lyuis avtoidmanın cazibəsini artırır. Lakin heyif ki, Formula1-də getdikcə texnologiya ön plana çıxır. Məncə, peletonda Lyuis kimi adamlara ehtiyac var. Yenidən yarış qazansa, əksəriyyətin gözündə bütün dövrlərin ən güclü sürücüsü olacaq”.
