F-1.az xatırladır ki, beş yarışdan sonra Maks Ferstappen 3, Serxio Peres isə iki yarış qazanıb. İki sürücü arasında 14 xallıq fərq var və niderlandlı sürücü turnir cədvəlində liderdir.
Antonio Peres: “Maksla Peresi görəndə McLaren-dəki Senna-Prost ağlıma gəlir. O günləri yenidən yaşayırıq. Əlimizdə eyni qəfəsə qoyulmuş iki aslan var. İkisi də eyni gücdədir və bir qabdan yemək yeyirlər. Bir-birlərindən sürətli dövrələri oğurlaya bilirlər.
Sərbəst yürüşlərdə birinci olmaq istəyirlər, sıralanmada poul qazanmaq istəyirlər. Maksın üstünlükləri olsa da, Çeko eyni tempi tuta bilər. Maks normal şəraitdə 0.1-0.2 saniyə öndə ola bilər, ancaq çətin traslarda bərabərdirlər”.
