Quru. Buludlu. Havanın temperaturu +14°-24° C, trasın temperaturu +15°-30° C
Mucello testlərinin son günü hava komandaların işinə mane olmayıb. Bu gün maşınların demək olar ki hamısında ölçü cihazları quraşdırılıb – mühəndislərin yeniliklərin effektliyini yoxlayıblar.
Ferrari komandası testlərə qazburaxma sisteminin yeni versiyası ilə başlayıb, amma sessiyanın startında iki saat sonra Fernando Alonso 12-ci döngənin çınqıllı zonasında baryerlərə çırpılıb və bir də trasa nahardan sonra qayıdıb. Skuderiya bütün yeniliklərini bu gün göstərməyib, yeni diffuzoru və ön antiqanadı yalnız Barselonada görəcəyik.
İkinci dəfə qırmızı bayraqlar Pol di Resta 11-ci döngədə dayanarkən dalğalanıb. Nahardan sonra isə Heykki Kovalaynein Caterham-ində problemlər üzündən sessiya dayandırılıb. Serxio Peres pit-leynin çıxışında maşını saxladığı üçün marşallar daha bir dəfə qırmızı bayraqlara əl atmalı olublar. Pastor Maldonado səhər trasda bir neçə dövrə vurduqdan sonra mühəndislər onun maşınında elektronik problemlər üzə çıxarıblar və Pastor da trasa nahardan sonra qayıda bilib.
Pirelli Mucelloya sliklərin bütün tərkiblərindən gətirdiyi üçün komandalar müxtəlif təkər tərkiblərinin effektliyini qiymətləndiriblər, sıralanma turu rejimində və uzun məsafədə təkərlərin davranışını öyrəniblər – Avropa yarışlarında bir dövrədə təkərlərin optimal qızıdırlması vacib əhəmiyyət kəsb edəcək.
Protokollara isə Roman Qrojan başçılıq edib – 1:21.035, onun göstərdiyi nəticə üçgünlük testlərin ən yaxşı nəticəsi olub. Günün ən böyük məsafəsini isə Heykki Kovalaynen qət edib – 139 dövrə.
Beləliklə, testlər başa çatıb, növbəti dəfə komandalar gələn həftə Barselonada toplaşacaqlar…
Nəticələr belə olub:
Yer | Pilot | Komanda | Motor | Vaxt | Fərq | Dövrə |
01 | R.Qrojan | Lotus | Renault | 1:21.035 | – | 66 |
02 | S.Fettel | Red Bull | Renault | 1:21.267 | + 0:00.232 | 106 |
03 | F.Alonso | Ferrari | Ferrari | 1:21.363 | + 0:00.328 | 98 |
04 | D.Rikkardo | Toro Rosso | Ferrari | 1:21.604 | + 0:00.569 | 117 |
05 | S.Peres | Sauber | Ferrari | 1:22.229 | + 0:01.194 | 118 |
06 | N.Hülkenberq | Force İndia | Mercedes | 1:22.325 | + 0:01.290 | 55 |
07 | P.Maldonado | Williams | Renault | 1:22.497 | + 0:01.462 | 63 |
08 | N.Rosberq | Mercedes AMG | Mercedes | 1:22.579 | + 0:01.544 | 129 |
09 | O.Törvi | McLaren | Mercedes | 1:22.662 | + 0:01.627 | 99 |
10 | P.di Resta | Force İndia | Mercedes | 1:23.002 | + 0:01.967 | 34 |
11 | H.Kovalaynen | Caterham | Renault | 1:23.169 | + 0:02.134 | 139 |
12 | T.Qlok | Marussia | Cosworth | 1:23.466 | + 0:02.431 | 110 |
Quru. Buludlu. Havanın temperaturu +14°-24° C, trasın temperaturu +15°-36° C
Bu gün səhər Mucelloya duman çöküb, asfalt isə nəm olub, amma tezliklə səmaya qalxan günəş ətrafı qurutmağa başlayıb və komandalar dünən itirdikləri vaxtı kompensə etməyə başlayıblar. Komandaların çoxunda sürücü əvəzləməsi baş verib, Red Bull, Toro Rosso və Marussia isə günü sürücüləri arasında bölüblər.
Komandalar müxtəlif proqramlar üzrə hazırladıqları yenilikləri yoxlayıblar. Demək olar ki, hamı qazburaxma sisteminin konfiqurasiyası ilə və sazlanmalarla eksperimentlər ediblər – Pirelli-nin Mucelloya gətirdiyi tərkiblərin effektliyi mövsümün gedişində böyük rol oynayacaq.
Sessiyanın gedişində yalnız bir dəfə qırmızı bayraqlar dalğalanıb – nahardan sonra Kaumi Kobayaşinin Sauber-i 12-ci döngədə trasdan çıxıb. Pol di Restanın maşınında hidravlik problemlər aşkarlanıb və sürücü yalnız sessiyanın sonunda trasa çıxa bilib. Nahardan sonra Şarl Piki əvəz edən Timo Qlokun maşınında sükanının gücləndiricisini dəyişmək lazım gəlib.
Yaxşı havaya baxmayaraq bu gün tribunlarda tamaşaçıların sayı az idi – sabah Fernando Alonso sükan arxasına qayıdacaq, elə tamaşaçılar da tribunlara qayıdacaqlar.
Günün ən böyük məsafəsini Mixael Şumaher qət edib -144 dövrə, Petrov, Massa və Senna da 100 dövrədən çox məsafə qət ediblər.
Protokollara isə Roman Qrojan və kamui Kobayaşi başçılıq ediblər – fransalı sürücü nahardan əvvəl ən yaxşı nəticəni göstərib, yaponiyalı sürücü isə sessiyanın sonunda eyni nəticəni təkrarlayıb.
Sabah Mucello testləri başa çatacaq…
Nəticələr belə olub:
Yer | Pilot | Komanda | Motor | Vaxt | Fərq | Dövrə |
01 | R.Qrojan | Lotus | Renault | 1:21.603 | – | 97 |
02 | K.Kobayaşi | Sauber | Ferrari | 1:21.603 | + 0:00.000 | 87 |
03 | S.Fettel | Red Bull | Renault | 1:21.825 | + 0:00.222 | 64 |
04 | M.Uebber | Red Bull | Renault | 1:21.997 | + 0:00.394 | 54 |
05 | F.Massa | Ferrari | Ferrari | 1:22.257 | + 0:00.654 | 106 |
06 | J.E.Vern | Toro Rosso | Ferrari | 1:22.424 | + 0:00.821 | 65 |
07 | D.Rikkardo | Toro Rosso | Ferrari | 1:22.759 | + 0:01.156 | 22 |
08 | M.Şumaher | Mercedes AMG | Mercedes | 1:23.404 | + 0:01.801 | 144 |
09 | Ş.Pik | Marussia | Cosworth | 1:23.982 | + 0:02.379 | 46 |
10 | V.Petrov | Caterham | Renault | 1:24.312 | + 0:02.709 | 112 |
11 | Q.Paffet | McLaren | Mercedes | 1:24.480 | + 0:02.877 | 59 |
12 | T.Qlok | Marussia | Cosworth | 1:24.499 | + 0:02.896 | 37 |
13 | P.di Resta | Force İndia | Mercedes | 1:24.749 | + 0:03.146 | 14 |
14 | B.Senna | Williams | Renault | 1:24.842 | + 0:03.239 | 100 |
Yağış, sessiyanın ortasında qurumaqda olan tras. Buludlu. Havanın temperaturu +16°-24° C, trasın temperaturu +17°-27° C
Çoxdan idi Formula1 mövsümünün gedişində komandalar rəsmi testlər keçirmirdilər, bu gün çempionatın 12 komandasından 11-i (HRT komandası yeni bazasına köçməklə məşğuldur) Bəhreyn və İspaniya Qran Priləri arasındakı fasilə zamanı İtaliyanın Mucello avtodromuna toplaşıblar. Komandalar üç gün ərzində yeni elementləri yoxlamaqla mövsümün Avropa hissəsinə hazırlaşmalıdırlar.
Mucello tribunalara toplaşan Skuderiyanın azarkeşlərini və komandaları duman və yağışla qarşılayıb, amma tibbi helikopter səmaya qalxa bildiyi üçün sessiya vaxtında başlayıb – sürücülər boksları keçid təkərlərlə tərk ediblər. Hava ciddi modernizə proqramları planlaşdıran komandaların məhusldar işləməsinə mane olub.
Bir çox komandalar bu gün ehtiyat sürücüləri trasa çıxarıblar – Jerom D’Ambrozio Lotus Е20-nin, Valtteri Bottas Williams FW34-ün, Jül Byanki Sahara Force İndia VJM05-in, Rodolfo Qonsales Caterham CT01-in sükanı arxasına keçiblər. İki komanda günü sürücüləri arasında bərabər bölüb – Mercedes AMG nahara qədər Niko Rosberqlə, nahardan sonra isə Mixael Şumaherlə işləyib, McLaren icə əvvəl Oliver Törvi ilə, sonra Qəri Paffetlə işləyib.
Tribunalara toplaşanlar Fernando Alonsonun trasa hər dəfə çıxmasını alqışlarla qarşılayıblar, nahardan sonra güclü yağış altında Mixael Şumaher yerli tamaşaçıları bir neçə dövrə salamlayıb. Paddokda zarafat ediblər ki, tribunalarda tamaşaçıların sayı Bəhreyn Qran Prisində olduğundan çox olub.
Sessiya qırmızı bayraqlarsız ötüşməyib – əvvəlcə Vern dördüncü döngədə dayanıb, sonra Alonso və Rosberq problemlərlə üzləşiblər. Yağış bir neçə dəfə dayanıb və yenə də başlayıb, nahara az qalmış günəş çıxıb və tras tez qurumağa başlayıb. Ona görə də sürücülər cəmi bir saat sliklərlə işləyə biliblər və fasiləyə yollanıblar.
Amma elə fasilə zamanı yağış başlayıb və sonra leysana çevrilib. Komandalar vəziyyətin yaxşılaşmasını gözləsələr də qırmızı bayraqlar dalğalanıb – buludlar üzündən hava elə qaralıb ki, tibbi helikopter yerə enməli olub.
Yaşıl işıq yandıqdan sonra trasa yalnız Alonvo və Şumaher çıxaraq yalnız tribunaları sevindiriblər. Sabaha hava proqnozu daha yaxşı hava vəd edir…
Nəticələr belə olub:
Yer | Pilot | Komanda | Motor | Vaxt | Fərq | Dövrə |
01 | F.Alonso | Ferrari | Ferrari | 1:22.444 | – | 46 |
02 | M.Uebber | Red Bull | Renault | 1:23.648 | + 0:01.204 | 24 |
03 | J.E.Vern | Toro Rosso | Ferrari | 1:23.891 | + 0:01.447 | 32 |
04 | J.D’Ambrozio | Lotus | Renault | 1:24.048 | + 0:01.604 | 40 |
05 | N.Rosberq | Mercedes AMG | Mercedes | 1:24.100 | + 0:01.656 | 49 |
06 | K.Kobayaşi | Sauber | Ferrari | 1:24.736 | + 0:02.292 | 48 |
07 | O.Törvi | McLaren | Mercedes | 1:25.303 | + 0:02.859 | 30 |
08 | J.Byanki | Force İndia | Mercedes | 1:25.475 | + 0:03.031 | 19 |
09 | R.Qonsales | Caterham | Renault | 1:27.197 | + 0:04.753 | 35 |
10 | Ş.Pik | Marussia | Cosworth | 1:27.359 | + 0:04.915 | 45 |
11 | V.Bottas | Williams | Renault | 1:29.179 | + 0:06.735 | 28 |
12 | Q.Paffet | McLaren | Mercedes | 1:50.898 | + 0:28.454 | 4 |
13 | M.Şumaher | Mercedes AMG | Mercedes | – | – | 5 |