Ənənəyə uyğun olaraq, Monako Qran Prisi günlərində McLaren sürücüləri komandanın sponsoru olan Steinmetz şirkətinin brilyantları ilə bəzədilmiş şlemlərdə çıxış edəcəklər. Qarşıdakı yarış üçün məxsusi olaraq, Lyuis Həmilton və Heykki Kovalaynenin şlemlərində zərgərlər maşınların nömrələrini nüsxələyiblər – britaniyalı sürücü brilyantlarla bəzədilmiş çempion “bir”ini alıb.
Martin Uitmarş: “Biz Steinmetz şirkəti ilə əməkdaşlığımızın davamını elan etməyə şadıq. Ən gözəl almazları düzəldənlər yüksək səviyyəli tərəfdardırlar, biz uzunmüddətli və qarşılıqlı sərfəli əməkdaşlığa ümid edirik.”
