Lotus Racing komandasının texniki direktoru Mayk Qaskoyn mövsümün ilk yarışında qazandığı uğurdan razıdır. Malayziya komandası həqiqətən tərifə layiqdir, düzdür, hələlik yalnız digər debütant komandalarla müqayisədə…
Mayk Qaskoyn: “Biz əla start almışıq. Biz ilk ciddi addımı atmışıq və indi digər addımları atmalıyıq. Biz artıq digər yeni komandalarla deyil, Toro Rosso və Sauber-lə mübarizə aparmaq istəyirik. Biz onlardan geriqalmanı aradan qaldırmaq istəyirik – onlarla mübarizə gərgin olacaq.”
Bu çox ciddi plan gələcəkdə reallaşa bilər – amma yaddan çıxarmayaq ki, Saxir trasında sıralanma turunda Lotus-un sürücüləri Heykki Kovalaynen və Yarno Trulli hətta Vrgin-in sürücüsü Timo Qloka da uduzmuşdular, Qaskoynun adını çəkdiyi komandalardan isə Lotus 2-3 saniyə geri qalmışdı.