Deyəsən, öz güclərini rallidə sınayan Formula1 sürücüləri üçün yanvar ayı uğursuzdur – əvvəlcə Robert Kubitsa Monte Karloda qəzaya uğramışdı, bu gün isə Kimi Rəykkönen Laplandiyanın qarlı yollarında qəzaya uğrayıb.
Citroen komandasının sürücüsü ev trasında çempiontın ilk yarışına hazırlaşır. İlk sahədə o ikinci nəticə göstərib və yalnız təcrübəli komanda yoldaşı Dani Sordoya uduzub. Amma ikinci sahədə 2007-ci ilin dünya çempionu sürprizlə üzləşib – 100 km/saat sürətlə hərəkət edən maşın trasdan çıxıb və ağaclara dəyib.
Son məlumatlara görə, Kimi maşını servis parkına çatdıra bilib və vaxt itkisinə baxmayaraq, mexaniklər onu yarışa qaytarmağa çalışırlar…
