11 Dekabr 2018, Çərşənbə axşamı - 04:41

K.Rəykkönen: “Narahat deyiləm”

K.Rəykkönen: “Narahat deyiləm”

Müəllif: Rauf Hacıyev, redaktor

14:41 - 02 Mart, 2016

Ferrari komandasının sürücüsü Kimi Rəykkönen qəbul edir ki, SF16-H daha yaxşı ola bilər və əlavə edib ki, problemlərə görə narahat deyil.

F-1.az xatırladır ki, Kimi Rəykkönen qış testləri ərzində 3 gün trasa çıxıb və 2 gün problemlərlə üzləşib. Finlandiyalı sürücü dünən də problem yaşadı və sürət qutusundakı problemə görə 2 saat boksda qaldı.

Kimi Rəykkönen bu barədə açıqlama verib: “Sözün açığı biz daha yaxşı ola bilərik, amma bu testdir və testlərin məqsədi problemləri həll etməkdir. Bir problem varsa, bunu düzəltmək lazımdır. Hələ vaxtımız var.

Hər il eyni şey təkrar olur. Köhnə təcrübələrimə əsaslanaraq deyirəm ki, əgər boliddə bir problem varsa, o zaman çox işləyib, o problemi həll etmək lazımdır.

Buna görə narahatammı? Doğrudan da, xeyr”.

Kimi Rəykkönen Avstraliya QP barədə fikirlərini bildirib: “Orada nə olacağını heç kəs bilmir. Nə olacağını əvvəldən proqnozlaşdırmaq mümkün deyil. Bunu qısa müddət ərzində biləcəyik.

Bolid yaxşıdır, amma digər komandaların nə etdiyini bikmirik. Sadəcə onu deyə bilərəm ki, boliddən razıyam.

Hazırda proqnoz vermək çətindir. Mən bilmirəm ki, Mercedes AMG nə edəcək”.


Son Xəbərlər

İnformasiya

Bölüm Xəbərlər
Mənbə
Baxış Sayı 272
Teqlər ,
Paylaş

logo