Səhər saatlarında keçirilən kiçik seriyaların məşqləri də bunu təsdiqləyib. Formula3-də sessiyanın sonunda Lakorte qəza törədərək maşını zədələyib, Formula2-də isə İntrafuvasak divara çırpılıb və onun maşını alışıb. Xoşbəxtlikdən, sürücülər xəsarət almayıblar.
Formula1-də bu dəfə əvəzetmələr olmayıb, yeni trasda komandalar yalnız əsas sürücülərlə işləyiblər və onlar trası öyrəndikcə sürətlərini tədricən artırıblar. Lando Norrisin dünən dediyi kimi, “simulyatorda sürəti və qorxunu hiss etmirsiniz”.
Sürücülər bokslarda gözləməyi seçməyiblər – trasa ilk çıxan Esteban Okon olub, onun ardınca digərləri də yollanıblar. İlk dövrələr seriyasında hamı Medium təkərlərinə üstünlük verib. Qasli və Kolapinto quraşdırma dövrəsindən sonra boksa qayıdıblar, qısa fasilədən sonra isə yenidən trasa çıxıblar.
Güclü komandaların sürücüləri nəticələrini tez bir zamanda yaxşılaşdırmağa başlayıblar. Həmilton dərhal nəzərəçarpacaq dərəcədə daha sürətli dövrə vurub, sonra digərləri də tempi artırıblar. Dar trasda hamıya trafik mane olub, xüsusən də “kor” döngəlardə bu, daha ciddi problem yaradıb.
Tsunodanın sessiyası hidravlika ilə bağlı problemə görə vaxtından əvvəl başa çatıb. Yuki sükanın işləməsindən şikayətlənib, boksa qayıdıb və maşını mexaniklərə təhvil verib. Piastridə pedal qovşağı nahiyəsində nəsə sıradan çıxıb, amma mexaniklər məşqin sonuna qədər hər şeyi qaydasına sala biliblər.
Sessiyanın sonunda sürücülər Soft təkərlərinə keçiblər və sürətlər artıb. Sessiya insidentsiz ötüşüb, bir neçə sürücü təkərləri bloklayıb və baryerlərə toxunub, amma maşınlar üçün görünən bir fəsad olmayıb.
Sessiyanın sonuna yaxın bənkinqdə Həmilton ilə Sayns arasında təhlükəli məqam yaşanıb. Karlos sürətli dövrədə olub, Lyuis isə yavaş gedib və sadəcə görmədiyi Karlosa doğru maşını çəkilməyə başlayıb. Xoşbəxtlikdən, hər şey təmassız ötüşüb. Aleks Əlbon isə 5-6-cı döngələrdə şikananı kəsib trasdan çıxdıqdan sonra trasa təhlükəli şəkildə qayıdıb.
Protokola 1:34.077 nəticə ilə Soft təkərlərində dövrə vuran Corc Rassell başçılıq edib, hesablanan 1:30 nəticəsinə isə hələ çox var.
Sərbəst yürüşlərin birinci hissəsi
| Sürücü | Komanda | Vaxt | Fərq | Dövrə |
| 1. Corc Rassell | Mercedes | 1:34.077 | – | 28 |
| 2. Kimi Antonelli | Mercedes | 1:34.363 | + 0:00.286 | 27 |
| 3. Şarl Lekler | Ferrari | 1:34.536 | + 0:00.459 | 27 |
| 4. Lyuis Həmilton | Ferrari | 1:34.620 | + 0:00.543 | 27 |
| 5. Maks Ferstappen | Red Bull | 1:34.703 | + 0:00.626 | 25 |
| 6. Lando Norris | McLaren | 1:34.947 | + 0:00.870 | 27 |
| 7. Arvid Lindblad | Racing Bulls | 1:35.033 | + 0:00.956 | 28 |
| 8. Oskar Piastri | McLaren | 1:35.148 | + 0:01.071 | 22 |
| 9. Niko Hülkenberq | Audi | 1:35.529 | + 0:01.452 | 26 |
| 10. Liam Louson | Red Bull | 1:35.539 | + 0:01.462 | 26 |
| 11. Qabriel Bortoleto | Audi | 1:35.652 | + 0:01.575 | 27 |
| 12. Esteban Okon | Haas | 1:35.834 | + 0:01.757 | 25 |
| 13. Franko Kolapinto | Alpine | 1:35.933 | + 0:01.856 | 24 |
| 14. Pyer Qasli | Alpine | 1:36.244 | + 0:02.167 | 23 |
| 15. Fernando Alonso | Aston Martin | 1:36.473 | + 0:02.396 | 27 |
| 16. Oliver Börman | Haas | 1:36.853 | + 0:02.776 | 24 |
| 17. Karlos Sayns | Williams | 1:36.870 | + 0:02.793 | 30 |
| 18. Yuki Tsunoda | Racing Bulls | 1:36.939 | + 0:02.862 | 16 |
| 19. Ləns Stroll | Aston Martin | 1:37.254 | + 0:03.177 | 26 |
| 20. Aleks Əlbon | Williams | 1:37.591 | + 0:03.514 | 25 |
| 21. Serxio Peres | Cadillac | 1:38.150 | + 0:04.073 | 26 |
| 22. Valtteri Bottas | Cadillac | 1:38.818 | + 0:04.741 | 25 |
