Nil Holdi: “Mercedes güc qurğusu ilə işdən danışsaq, hələ öyrənməli olduğumuz çox şey var. Mövsümün əvvəlində onun böyük potensiala malik olduğunu anlayırdıq, addım-addım bunu üzə çıxarmağa çalışdıq, amma indi də inkişaf etdirə biləcəyimiz məqamlar qalır. Proqram təminatı sahəsində hələ də bir qədər geridəyik və kifayət qədər çevik reaksiya verə bilmirik.
Şassimiz Mercedes-dan fərqlənir. Ona başqa, fərdi sazlamalar lazımdır. Qarşıdakı yarışlarda və 2027-ci ili nəzərə alaraq, bu güc qurğusunda hələ qalan son ondabirləri də əldə etmək üçün daha bir neçə addım atmalıyıq.
Əgər bu gün Mercedes güc qurğusu üçün maşın hazırlasaydıq, bəzi məsələləri fərqli edərdik. Xüsusən də, ötürmələr qutusunun ötürmə nisbətlərini (rəqəmləri) dəyişərdik. Daha qısa ötürmələr döngələrdə, restartlarda və buna bənzər vəziyyətlərdə motorun gücündən daha səmərəli istifadə etməyə imkan verərdi.
İstənilən qərar dövrə vaxtını yaxşılaşdırmaq üçün optimallaşdırıla bilən kompromislər toplusudur. Hər yenilik cüzi üstünlük qazandırır, amma onların hamısı birlikdə kifayət qədər nəzərəçarpan sürət artımı verir”.
