F-1.az xatırladır ki, Amerika təmsilçisi 2019-cu ildə Rich Energy ilə sponsorluq müqaviləsi bağlamış və komandanın adı Rich Energy Haas F1 Team olmuşdu. Bundan başqa komandanın rəng çaları qara-qızılı olmuşdu. Lakin mövsümün ortasında tərəflər müqaviləni ləğv etmişdi.
Beləliklə, Haas komandası yeni mövsümdə əvvəlki qara-qırmızı-boz rəng çalarına qayıdacaq. Bundan başqa əvvəlki loqotipdən istifadə edəcək.
Amerikalılar titul tərəfdaş üçün PKN Orlen-lə danışıqlar aparsa da, tərəflər ortaq məxrəcə gələ bilməyiblər. Beləliklə, Haas komandası yeni mövsümə titul tərəfdaşı olmadan başlayacaq.
